«بۇل كۇندە قازاقستاننىڭ قۇقىقتىق ستاتيستيكا جانە ارنايى ەسەپكە الۋ ورگاندارى وزدەرىنىڭ 20 جىلدىعىن اتاپ وتۋدە. وسى ۋاقىت ىشىندە قۇقىقتىق ستاتيستيكالىق قىزمەتتىڭ كاسىبي قوعامداستىقتا بەدەلدى ارتىپ, مەملەكەتتىك باسقارۋ جۇيەسىندە لايىقتى ورىن الدى جانە ەلدەگى زاڭدىلىق پەن قۇقىقتىق تارتىپكە قاتىستى وبەكتيۆتى اقپاراتتىڭ ورداسىنا اينالىپ ۇلگەردى», دەدى ج.اسانوۆ.
ونىڭ ايتۋىنشا, قازىرگى كەزدەگى قۇقىقتىق اقپارات جانە قاداعالاۋ قىزمەتى بۇل ءوزارا بايلانىستى قۇرامداس سالالار بولىپ تابىلادى. ءتىپتى, ءبىرىنسىز ەكىنشىسىنىڭ قىزمەتى العا باسۋى مۇمكىن ەمەس كورىنەدى.
«ايتالىق, قاداعالاۋ شەگى جۇيەلىك دەرەكتەردىڭ نەگىزىندە بەلگىلەنەتىندىكتەن, ءبىز ونسىز اداسىپ قالامىز. ال قساەك-تە اتقارىلعان جۇمىستار, وعان قوسا ەنگىزىلىپ جاتقان تالداۋدىڭ زاماناۋي ادىستەرى قاداعالاۋدىڭ ناتيجەلى بولۋىنا مۇمكىندىك بەرەدى. وسىلايشا, جۇيەلى ماسەلەلەردى انىقتاپ, ءتۇيىندى دەر كەزىندە تارقاتاتىن بولامىز», دەدى باس پروكۋرور.
ال ءوز كەزەگىندە ءسوز العان باعدات مۋسين ءارىپتەستەرىن قۇقىقتىق ستاتيستيكا جانە ارنايى ەسەپكە الۋ ورگاندارىنىڭ 20 جىلدىق مەرەيتويىمەن قۇتتىقتادى.
«وسى جىلدار ىشىندە كوميتەت ۇلكەن ىستەر اتقاردى. بۇگىنگى تاڭدا كوميتەتتىڭ جۇيەلەرى قۇقىق قورعاۋ جانە وزگە دە مەملەكەتتىك ورگانداردىڭ جۇمىس قۇرالى بولىپ وتىر. جاقسى دەرەكتەر بازالارى جانە ءتۇرلى پلاتفورمالار بار, ولاردىڭ نەگىزىندە ءبىز ودان ءارى دامىپ, جاڭا يدەيالار مەن جوبالاردى جۇزەگە اسىرماقپىز», دەدى ب.مۋسين.
جيىندى قورىتىندىلاعان سالا ماماندارى پىكىر الماسىپ, كەڭەسە كەلە, كوميتەت قىزمەتىن زامان تالابىنا ساي جەتىلدىرە ءتۇسۋ ءۇشىن ءۇش نەگىزگى مىندەتتى بەلگىلەدى. ونىڭ العاشقىسى – «قۇقىق قورعاۋ جۇيەسىنىڭ پروتسەستەرىن جانە مەملەكەتتىك ورگانداردى تسيفرلاندىرۋ» تەتىگى بولسا, ونىڭ اياسىندا ەلەكتروندى راسىمدەردى ەنگىزۋ ارقىلى قاعازباستىلىقتى جويۋ كوزدەلۋدە. مۇنداي قادام مالىمەتتەردىڭ بۇرىستىعىن ازايتىپ, ىستەردى تەرگەۋ جەدەلدىگىن ارتتىرادى جانە سايكەسىنشە سىبايلاس جەمقورلىق قاۋپىن تومەندەتەدى. ەكىنشى مىندەت – «اقپارات قۇندىلىعىن ارتتىرۋ». بۇل ارەكەت پروتسەستەردى الگوريتمدەندىرۋ, تالداۋ جۇمىسىن اۆتوماتتاندىرىپ, ىشكى جانە سىرتقى دەرەكتەردىڭ بايلانىسى بولىپ تابىلاتىن تالداۋ ورتالىعىن قۇرۋعا جانە سول ارقىلى كريمينوگەندىك بولجامدار بەرۋگە مۇمكىندىكتەر بەرەدى. سوڭعىسى – «ءبىز حالىققا جاقىنداپ كەلەمىز» جوباسى بولدى. ونىڭ اياسىندا قۇقىقتىق قىزمەتتەر ورتالىعىن قۇرۋ جانە «ءتيىمدى شاعىمدار قوعامىنا» جوباسىن جۇزەگە اسىرۋ كوزدەلۋدە. ونىڭ باستى ماقساتى – ازاماتتاردىڭ ماسەلەلەرىن شەشۋ جانە ولاردىڭ وتىنىشتەرىن ناتيجەلى قاراۋ.
نۇرلىبەك دوسىباي,
«ەگەمەن قازاقستان»
