ولار شىمكەنتتە «بەكجان» اۆتوۆوكزالىنىڭ كۇتۋ زالىندا قالا قوناقتارىمەن, تۇرعىندارمەن جانە بازار ساتۋشىلارىمەن كەزدەستى. 2018 جىلدىڭ 1 قاڭتارىنان باستاپ ەلىمىزدە ەنگىزىلە باستايتىن ءمامس جۇيەسىنىڭ ارتىقشىلىقتارىن ايتىپ ءتۇسىندىردى.
«ەلباسىمىزدىڭ حالىققا ارناعان بيىلعى جولداۋىندا ايتىلعانداي, 2018 جىلدىڭ 1 قاڭتارىنان باستاپ ەلىمىزدە مىندەتتى الەۋمەتتىك-مەديتسينالىق ساقتاندىرۋ تۋرالى زاڭ قولدانىسقا ەنەدى. بىراق بۇل دارىگەرگە قارالۋ, ەمدەلۋ تۇگەل اقىلى بولادى دەگەندى بىلدىرمەيدى. ال بيىل 1 شىلدەدەن باستاپ مىندەتتى ساقتاندىرۋدىڭ جارناسىن تولەۋ جۇزەگە اسا باستايدى. دەگەنمەن, 17 الەۋمەتتىك توپقا تەگىن مەديتسينالىق كومەك كورسەتىلەتىن بولادى. ولار كىمدەر؟ 18 جاسقا تولماعان ازاماتتار, شامامەن 4,5 ميلليون. سوسىن ستۋدەنتتەر, زەينەتكەرلەر, مۇگەدەكتەر... جالپى العاندا 8,5 ميلليونداي ادام بۇرىنعىسىنشا تەگىن ەمدەلەدى. بيۋدجەتتىك مەكەمە قىزمەتكەرلەرىمەن قاتار قازاقستان حالقىنىڭ 2,5 ميلليونداي تۇرعىنى ءوزىن-ءوزى جۇمىسپەن قامتىپ كەلەدى. ەگەر ەڭبەككە جارامدى ازاماتتار مىندەتتى الەۋمەتتىك-مەديتسينالىق ساقتاندىرۋ جارناسىن تولەمەسە, كەلەسى جىلدان باستاپ ەكسترەمالدى جاعدايدان وزگە كەزدە تەگىن ەمدەلە المايدى», – دەدى قر دەنساۋلىق ساقتاۋ ءىسى جونىندەگى اگەنتتىگى توراعاسىنىڭ بۇرىنعى ءبىرىنشى ورىنباسارى, «مۋا» اق قوعامدىق دەنساۋلىق كافەدراسىنىڭ پروفەسسورى سەرىك يبراەۆ.
باقتيار تايجان,
«ەگەمەن قازاقستان»
