دوڭگەلەك ۇستەلگە سەربيا حالىق سكۋپششيناسىنىڭ دەپۋتاتتارى مەن مينيسترلىكتەردىڭ, سونداي-اق عىلىم, ءبىلىم بەرۋ جانە مادەنيەت سالالارىنىڭ وكىلدەرى قاتىستى.
ءىس-شاراعا قاتىسۋشىلارعا كونستيتۋتسيالىق رەفورمانىڭ نەگىزگى ەرەجەلەرى مەن حالىقتىڭ ءال-اۋقاتىن جاقسارتۋ بويىنشا ەلىمىزدە اتقارىلىپ جاتقان وڭدى ىستەر تۋرالى ەگجەي-تەگجەيلى اقپارات بەرىلدى. مەملەكەت باسشىسى ۇسىنعان رەفورما ەلىمىزدىڭ حالىقارالىق قوعامداستىققا ەنۋىنە, سونداي-اق قازاكستان ازاماتگارىنا عانا ەمەس, سونىمەن قاتار شەت مەملەكەتتەردىڭ بيزنەسمەندەرى ءۇشىن دە مۇمكىندىكتەردى كەڭەيتۋگە ىقپال ەتەتىنى اتاپ ءوتىلدى.
ءوز تاراپىنان مادەنيەتتانۋ دوكتورى ۆانيا يوۆانوۆيچ قازاقستاننىڭ ۇلتتىق مادەنيەتى مەن تاريحىن جاڭعىرتۋعا, وتانسۇيگىشتىك رۋحتى نىعايتۋگا جانە جاستار اراسىندا ءبىلىم مەن پراگماتيزم كۋلتىن ناسيحاتتاۋعا باعىتتالعان مەملەكەت باسشىسىنىڭ سىندارلى ساياساتىن وڭ باعالادى. سونداي-اق ول قازاقستاننىڭ اتاقتى جازۋشىلارىنىڭ ەڭبەكتەرىن بۇۇ تىلدەرىنە اۋدارۋ بويىنشا جوبانى جۇزەگە اسىرۋدىڭ شەتەلدىك وقىرماندارعا قازاقستان ادەبيەتى تۋرالى كوبىرەك بىلۋگە مۇمكىندىك بەرەتىندىگىن اتاپ ءوتتى.
تانىمال سەرب ەكونوميسى ليۋبومير مادجار ەلىمىزدىڭ الەمدىك نارىقتىق قاتىناس جۇيەسىندەگى قازاقستان باسشىسى تاڭداعان ەكونوميكالىق باعداردىڭ تيىمدىلىگىن, كەلەلى تابىستارعا نەگىز بولعانىن اتاپ ايتتى.
