استانا قالالىق ءبىلىم باسقارماسىنىڭ مالىمەتتەرىنە سايكەس, قازىرگى ۋاقىتتا ەلوردادا 130 542 وقۋشىنى قامتيتىن 95 جالپى ءبىلىم بەرۋ مەكەمەسى بار, سونىڭ 84-ءى - مەملەكەتتىك.
مەملەكەتتىك مەكتەپتەردىڭ 56-سى جاڭا تيپتەگى وقۋ وردالارى جانە ولار 95 984 وقۋشىنى قامتىپ وتىر, وتكەن وقۋ جىلىندا - 84 149, سونىڭ ىشىندە 4 گيمنازيا, 26 مەكتەپ-گيمنازيا (گيمنازيالىق سىنىپتاردا), 4 ليتسەي, 21 مەكتەپ-ليتسەي (ليتسەي سىنىپتارىندا) جانە بىرەۋى دارىندى بالالارعا ارنالعان مەكتەپ. سونداي-اق, ەلوردادا 3 625 وقۋشىنى بىلىممەن قامتىپ وتىرعان 11 جەكە مەنشىك مەكتەپ جۇمىس ىستەيدى.
2016-2017 وقۋ جىلىندا 2 مەكتەپ اشىلدى - 600 ورىندىق № 26 (اپاتتى دەپ تانىلعان مەكتەپتىڭ ورنىندا), 1 200 ورىندىق № 84 مەكتەپ.
قازىرگى ۋاقىتتا 6 مەكتەپتىڭ قۇرىلىسى جۇرگىزىلۋدە, ولاردى 2017 جىلدىڭ سوڭىنا دەيىن تاپسىرۋ كوزدەلگەن. سونىمەن بىرگە, №37 مەكتەپكە 450 ورىندىق قوسىمشا قۇرىلىس جانە كوررەكتسيالىق مەكتەپ-ينتەرناتقا 375 ورىندىق قوسىمشا قۇرىلىس سالىنۋدا.
