«كورمە اشىلماستان ءبىر اي بۇرىن كەڭسە عيماراتىندا قاۋىپسىزدىكتى قامتاماسىز ەتۋ ورتالىعى ءوز جۇمىسىن باستايدى, بۇل ورتالىقپەن ءىىم-دە قۇرىلعان ۆەدومستۆوارالىق جۇمىس توبى تىعىز بايلانىس جاساپ, كورمە بارىسىندا تۋىنداعان ماسەلەلەردى تىكەلەي شەشىپ وتىراتىن بولادى. ەكسپو اۋماعىندا پوليتسيا ءبولىمى, ال كورمە اۋدانىندا ءورت ءسوندىرۋ دەپوسى قۇرىلدى, سونداي-اق استانا اۋەجايىندا جانە جاڭا تەمىر جول ۆوكزالىندا جەلىلىك پوليتسيا ءبولىمى جۇمىس ىستەيدى. قوعامدىق ءتارتىپتى كۇزەتۋگە 5 مىڭنان استام قىزمەتكەر تارتىلادى. سونىڭ ءىشىندە 3300-ءى اسكەري قىزمەتكەر, ءىىم وقۋ ورىندارىنىڭ 500 كۋرسانتى جانە وفيتسەرى, سونىمەن بىرگە جەكە كۇزەت ۇيىمدارىنىڭ 630 قىزمەتكەرى جانە ەلىمىزدەگى جوو-نىڭ شەت ءتىلىن ەركىن مەڭگەرگەن 174 ستۋدەنتى بار. بۇل قۇرىلىمداردىڭ بارلىعى قاۋىپسىزدىكتى ساقتاۋ جانە تەكسەرۋ جۇرگىزۋ بويىنشا, سونداي-اق اعىلشىن تىلىنەن ارنايى وقۋ كۋرسىنان وتكەن. بۇعان قوسا استانا قالالىق ءىىد-ءنىڭ شەت ءتىلىن بىلەتىن 200 قىزمەتكەرى ىرىكتەلىپ, ءاربىر ەكسپو نىسانىنا بەكىتىلدى. استانا قالاسى تجد-نىڭ 100 شاقتى قىزمەتكەرى, 11 تەحنيكالىق ءبىرلىك جانە 5 تىكۇشاق توتەنشە جاعدايلاردى ەسكەرتۋ جانە ءورت قاۋىپسىزدىگىنىڭ الدىن الۋ بويىنشا ارنايى توپتىڭ قۇرامىنا ەندى. استانا قالاسىنداعى اۋەجايدا جانە بىرىڭعاي قىزمەت كورسەتۋ ورتالىعىندا كوشى-قون شارالارىنان ءوتۋ ءۇشىن كورمەدە كوشى-قون قىزمەتىنىڭ بەكەتتەرى ۇيىمداستىرىلادى», دەدى تالعات مۇساقانوۆ.
سونىمەن قاتار, سپيكەر قاۋىپسىزدىك شارالارىنىڭ جان-جاقتى پىسىقتالىپ جاتقانىن العا تارتتى. جانە 1 ماۋسىمنان باستاپ كورمە اياقتالعانشا ىشكى ءىستەر ورگاندارىنىڭ جەكە قۇرامى كۇشەيتىلگەن قىزمەت كەستەسىنە كوشىرىلەدى.
راۋان قايدار,
«ەگەمەن قازاقستان»
