ر.اكىموۆ تسەلينوگراد اۋدانىنداعى سەمەنوۆكا اۋىلىندا جەرگىلىكتى اتقارۋشى ورگانداردىڭ جۇمىسىمەن تانىستى, تۇرعىندارمەن كەزدەسىپ, ءۇي-جايىن ارالاپ كوردى. سەناتور جاعدايدىڭ تۇراقتى باقىلاۋدا ەكەنىن جانە تۋىنداعان وتكىر ماسەلەلەر جەدەل تۇردە شەشىلىپ وتىراتىنىن ايتتى.
اۋىل تۇرعىندارىمەن كەزدەسۋدە ر.اكىموۆ «مەن ءوز كوزىممەن كورەيىن, جاعدايدى باعالاپ, بىلەيىن دەپ كەلدىم. تابيعاتتى ءجۇز پايىز بولجاۋ مۇمكىن ەمەس. باسشىلار قولدان كەلگەننىن ءبارىن جاساپ جاتىر. ەشكىم سىزدەردى ۇمىتقان جوق, دەپۋتاتتار ۇكىمەتكە ءتيىستى ساۋال جولدادى. قازىرگى كەزدە بۇكىل وبلىس سىزدەرگە كومەك كورسەتىپ جاتىر», دەدى.
اۋداندا اپات سالدارىنان كەلگەن زيان كولەمىن ەسەپتەيتىن ارنايى كوميسسيا جۇمىس ىستەۋدە. دەپۋتات كوكتەمگى ەرىگەن سۋدان زارداپ شەككەندەرگە كومەك كورسەتكەن ەرىكتىلەرگە العىس ايتتى. تۇرعىن ۇيلەرىنەن, م ۇلىكتەرى مەن مالىنان ايىرىلعان تۇرعىندارعا قوعامدىق ۇيىمداردىڭ, كاسىپكەرلەرلەردىڭ جانە قايىرىمدى جانداردىڭ تاراپىنان كومەك بەرىلەدى.
ر.اكىموۆ جاڭاجول اۋىلىنداعى تاسقىن سۋعا سالىنعان بوگەتتى دە كوردى. سەناتور وسى وڭىردە اقمولا وبلىسى اكىمىنىڭ ورىنباسارى جانبولات سمايىلوۆ پەن تسەلينوگراد اۋدانىنىڭ اكىمى مالعاجدار تاتكەەۆتىڭ قاتىسۋىمەن جۇمىس بابىنداعى كەڭەس وتكىزدى.
