ء ىس-شارا بارىسىندا قازاقستان پرەزيدەنتىنە 2020 جىلعا قاراي بارلىق پورتتىڭ, سونىڭ ىشىندە اقتاۋ سولتۇستىك تەڭىز تەرمينالىنىڭ قۋاتتىلىعىن ايتارلىقتاي ارتتىرۋ جوسپارلانىپ وتىرعانى جونىندە باياندالدى. سونداي-اق, مەملەكەت باسشىسىنا «جىبەك جولى» جۇك تيەۋ كەشەنىنىڭ جۇمىسى تۋرالى مالىمدەلدى. ءىس-شارا سوڭىندا ەلباسى تەرمينال قىزمەتكەرلەرىمەن اڭگىمەلەستى.
تەرمينال جۇمىسى ەكسپورت-يمپورت ءوسىمىن ارتتىرۋعا جانە قازاقستان مەن ورتالىق ازيا ەلدەرى ونىمدەرىن اقتاۋ پورتى ارقىلى كاۆكاز ماڭى, پارسى شىعاناعى ەلدەرىنە جانە رەسەي فەدەراتسياسىنا جەتكىزۋگە باعىتتالعان. كاسىپورىندا جىل بويى ءداندى داقىلدار تيەۋ جانە جونەلتۋ, كەمەلەرگە كەشەندى قىزمەت كورسەتۋ, ءىرى توننالىق جۇك كونتەينەرلەرىن ساقتاۋ جۇمىستارى جۇرگىزىلەدى, سونداي-اق قويمادا جۇك ساقتاۋ وپەراتسيالارى جۇزەگە اسىرىلادى.
سونىمەن قاتار قازاقستان پرەزيدەنتى «ازەرسۋن» ءوندىرىس جانە لوگيستيكا ورتالىعى» جاۋاپكەرشىلىگى شەكتەۋلى سەرىكتەستىگىنە باردى. مەملەكەت باسشىسى ورتالىقتىڭ جۇمىسىمەن تانىسىپ, وندىرىستىك تاۋارلار, سونداي-اق جەمىس-جيدەك پەن كوكونىس ساقتالاتىن قويمالاردى ارالاپ كوردى.
«اقتاۋداعى لوگيستيكا ورتالىعىنىڭ قىزمەتى ازىق-ت ۇلىك ونىمدەرى باعاسىن ارزانداتۋعا باعىتتالعان. ماڭعىستاۋ وبلىسىمەن قاتار, رەسپۋبليكامىزدىڭ باسقا دا وڭىرلەرىندەگى ازىق-ت ۇلىك باعاسىن تومەندەتىپ, ونىمەن قامتاماسىز ەتۋ ماقساتىمەن تاۋارلاردى ساقتاۋ, جەتكىزىلەتىن كولەمىن ارتتىرۋ جونىندە شارالار قابىلداۋ قاجەت», - دەدى ەلباسى.
سوڭىندا نۇرسۇلتان نازارباەۆ ورتالىق قىزمەتكەرلەرىنە تابىس تىلەدى.
