سايلاۋ ناتيجەسى تارتىپسىزدىكتەر تۋىنداتتى

16 ساۋىردە نيگەريادا پرەزيدەنتتىك سايلاۋ بولىپ وتكەن ەدى. وندا ءىس باسىنداعى پرەزيدەنت گۋدلاك دجوناتان ايتارلىقتاي باسىمدىقپەن جەڭىسكە جەتتى دەپ جاريالانعان-تىن. ال ەكىنشى ۇمىتكەر مۇحامماد بۋحاري داۋىس بەرۋ ناتيجەلەرى دۇرىس ەسەپتەلمەدى دەپ ءوزىنىڭ نارازىلىعىن بىلدىرگەن ەدى. ءسويتىپ, ءبۋحاريدىڭ جاقتاستارى كادۋن قالاسىنىڭ كوشەلەرىنە شىقتى. وسىلايشا افريكا قۇرلىعىندا تاعى ءبىر تۇراقسىزدىق وشاعى پايدا بولعان سىڭايلى. قاقتى­عىستار سالدارىنان ەكى ادام قازا تاپتى دەگەن اقپار بار. وسى ارادا دجوناتاننىڭ حريستيان ءدىنىنىڭ وكىلى, ال بۋ­حا­ريدىڭ مۇسىلمان ءدىنىنىڭ وكىلى ەكەنىن ايتا كەتكەن ءجون. دەمونسترانتتارعا قارسى وق اتىلدى سيريانىڭ حومس قالاسىندا ءتارتىپ ساقشىلارى بەيبىت نارازىلىق اك­تسيا­سىن كۇشپەن تارقاتتى. ماني­فەس­تانت­تاردىڭ سوزدەرىنە قاراعاندا, نارا­زى­لىق اكتسياسىنا شامامەن 10 مىڭ ادام قاتىسقان. ولار قالانىڭ باس الاڭىنا جينالىپ, ەلدە پرەزيدەنت باشار اساد­تىڭ رەجىمى اۋىسقانشا ورىندارىنان تاپجىل­ماي­تىندىقتارىن مالىمدەگەن بولاتىن. كەشقۇرىم حومستى كۇش قۇرىلىمدارى قورشاۋعا الدى. قالانىڭ سىرتىنا ءۇش قاتاردان تۇراتىن توسقاۋىل بەكەتتەرى قويىلدى. اكتسيا ءوتىپ جاتقان الاڭعا كەلگەن قۇقىق قورعاۋ ورگاندارىنىڭ وكىلدەرى جينالعانداردان كەتۋدى تالاپ ەتتى. ايتقاندارىنا قۇلاق اسار ەشكىم تابىلماعان سوڭ, ولار اك­تسياعا قاتىسۋشىلارعا قارسى وق اتتى. قارۋ قولدانۋ سال­دارىنان 30 شاقتى ادام قازا تاپقان دەگەن دەرەك بار. كاريموۆ پارلامەنتتىڭ وكىلەتتىگىن كەڭەيتتى وزبەكستان پرەزيدەنتى يسلام كاريموۆ ەل كونس­تيتۋتسياسىنا پارلامەنتتىڭ قۇقىعىن كەڭەي­تەتىن تۇزەتۋ ەنگىزدى. جاڭا رەداكتسياعا سايكەس ەندى پارلامەنتتىك كوپشىلىك ۇكىمەت باسشىسىنىڭ كانديدا­تۋرا­سىن ۇسىنۋ قۇقىعىنا يە بولادى. بۇعان دەيىن پرەمەر كانديداتۋراسىن پرەزيدەنتتىڭ ءوزى ۇسىنىپ كەلگەن ەدى. سونداي-اق كونستيتۋتسياعا پارلامەنتشىلەر ۇكىمەت باس­شىسىنا سەنىمسىزدىك تانىتاتىن ۆوتۋم ەنگىزىلىپ وتىر. ءساي­كەس شەشىم ەگەر ۇسىنىستى تومەنگى جانە جوعارى پالاتالار دەپۋتاتتارىنىڭ ۇشتەن ەكىسى قولداعان جاعدايدا قابىل­دانادى. سونىمەن قاتار, پرەزيدەنت قاندايدا ءبىر سەبەپپەن ءوز مىندەتىن اتقارا الماعان جاعدايدا بيلىك تىزگىنى سەنات توراعاسىنا بەرىلەدى. بۇرىن بۇل ءجايت ناقتىلانباعان ەدى. پرەزيدەنتتىككە تۇسۋگە شەشىم قابىلدادى رەسەي فەدەراتسياسى كوممۋنيستىك پارتياسىنىڭ سەركەسى گەننادي زيۋگانوۆ 2012 جىل­عى پرەزيدەنتتىك ساي­لاۋعا تۇسە­تىنىن مالىمدەدى. ونىڭ سوزىنە قاراعاندا, كانديداتۋراسىن رفكپ-نىڭ ءبىر­قاتار وڭىرلىك بولىمشەلەرى ۇسىنىپ ۇلگەرگەن. ال بىراق ونىڭ پرەزيدەنتتىككە ءتۇسۋىن تەك پارتيا سەزى عانا شەشە الادى. ءوزىنىڭ مۇمكىندىگىن باعالاي كەلىپ, گ.زيۋگانوۆ جۇرت­شىلىقتىڭ «ەديننايا روسسياعا» انتيپاتياسىنا ءۇمىت ارتاتىنىن كولدەنەڭ تارتتى. جالپى, ول رەسەي پرەزيدەنتتىگىنە 3 رەت تۇسكەن بولاتىن. 1996 جىلى ب.ەلتسينگە, 2000 جىلى ۆ.پۋتينگە, ال 2008 جىلى د.مەدۆەدەۆكە جول بەرگەن ەدى. ونىڭ شەشىمىن جەڭىلگەن كۇرەسكە تويمايدى دەپ باعالاۋعا بولاتىنداي. ەڭ قىمبات پاتەرلەر يەسى – ۋكراينالىق باي لوندونداعى ەڭ قىمبات تۇرعىن ءۇي كەشەنىندەگى اپارتامەنت يەسى ۋكراينالىق ميللياردەر رينات احمەتوۆ بولىپ تابىلادى. ول سۋ جاڭا ەكى پاتەرىن 136 ميلليون فۋنت ستەرلينگكە (شامامەن 221,2 ميلليون دوللار) ساتىپ العان كورىنەدى. بيزنەسمەن اتالعان كەشەننەن جالپى اۋماعى 2300 شارشى مەتردى قۇرايتىن ءۇش دەڭگەيلى ەكى پاتەر ساتىپ الىپتى. ول پاتەرلەرىن جوندەپ-ارلەۋگە تاعى 60 ميلليون فۋنت ستەرلينگ جۇمسايمىن دەپ وتىر ەكەن. «فوربس» جۋرنالىنىڭ رەيتينگىسىنە سايكەس, ءساۋىر ايىنىڭ باسىندا ر.احمەتوۆ ەڭ باي ۋكراينالىق بولىپ تانىلعان. تورنادودان كەمىندە 45 ادام كوز جۇمدى اقش-تا بولىپ وتكەن سۇراپىل تورنادو سالدارىنان كەم دەگەندە 45 ادام كوز جۇمعان. تەك ءبىر عانا سولتۇستىك كا­رو­لينا شتاتىندا 16 ساۋىرگە قاراعان ءتۇ­نى 62 تورنادو تىركەلسە, تابيعات اپاتى سال­دارىنان 21 ادام وپات بولعان. تۇ­تاس­تاي العاندا, 1984 جىلدان بەرى اتالعان شتات­تا تورنادودان 42 ادام قازا تاۋىپتى. اقش-تىڭ شىعىس جاعالاۋىنداعى وسى تابيعات قۇبىلىسى 14 ساۋىردە وكلاحوما شتاتىنان باستالعان بولاتىن. سودان كەيىن ول اركانزاس, ميسسيسيپي, الاباما, سولتۇستىك كارولينا جانە ۆيردجينيا شتاتتارى ارقىلى وتكەن ەدى. تورنادوعا بايلانىستى ۆيردجينيا اۋماعىندا توتەنشە جاعداي رەجىمى جاريالانعان بولاتىن. قىسقا قايىرىپ ايتقاندا: بريۋەر حانىم اقش پرەزيدەنتتىگىنە كانديدات ءوزىنىڭ امەريكالىق ازاماتتىعىن دالەلدەيتىن مىندەتتەمە جازىلعان جاڭا زاڭ جوباسىنا ۆەتو قويدى. ەگەر مۇنداي زاڭ جوباسى قابىلدانار بولسا, گونولۋلادا تۋعان باراك وباما پرەزيدەنتتىككە ەكىنشى قايتارا تۇسە المايدى. بريتانيالىق ەندريۋ رايان كارلايل قالاسىنداعى كىتاپحانادان قۇران كىتابىن ارنايى ۇرلاپ الىپ شىعىپ, ونى اتالعان ەلدى مەكەن ورتالىعىنداعى ەسكەرتكىش جانىندا ورتەگەنى ءۇشىن 70 كۇنگە تۇرمەگە قامالدى. ماسكەۋ باسشىلىعى 2011 جىلعى جەڭىس كۇنى شەرۋىن وتكىزۋ ءۇشىن ءوز قازىناسىنان 101,7 ميلليون رۋبل بولەتىن بولدى. بۇل قارجى پارادقا دايىندىققا, ونى وتكىزۋگە جانە اۋىر اسكەري تەحنيكالار ءجۇرىپ وتكەننەن كەيىن قالپىنا كەلتىرۋ جۇمىستارىنا جۇمسالاتىن بولادى. ينتەرنەت ماتەريالدارى نەگىزىندە ازىرلەندى.