مىندەتتەر ناقتىلانىپ, مەجەلەر بەلگىلەندى

كەشە پرەمەر-مينيستر كارىم ءماسىموۆتىڭ توراعالىعىمەن ۇكىمەتتىڭ كەزەكتى وتىرىسى بولىپ ءوتتى. – جەكسەنبىدە وتكەن كەڭەي­تىل­گەن ماجىلىستە مەملەكەت باسشىسى نۇرسۇلتان نازارباەۆ ۇكىمەتتىڭ الدىنا بىرقاتار كەلەلى مىندەتتەر قويعانىن بىلەسىزدەر. بۇگىن مەن سول ەلباسى جۇكتەگەن مىندەت­تەر­دىڭ ورىندالۋ بارىسىن جانە وعان كىم جاۋاپتى ەكەندىگىن ناقتىلاپ العىم كەلىپ تۇر, – دەدى ۇكىمەت باسشىسى. ەلباسى ءوز سوزىندە تاياۋ بەس­جىل­دىقتا قازاقستان تابىسى ەڭ جوعارى دەڭگەيدەگى ەلدەر توبىنا ەنۋى قاجەت, 2016 جىلعا قاراي ءىجو دەڭگەيى جان باسىنا شاققان­دا كەمىندە 15 مىڭ دوللارعا جەتۋى ءتيىس دەپ اتاپ كورسەتتى. وسىعان بايل­انىستى پرەمەر-مينيستر ەكو­نوميكالىق دامۋ جانە ساۋدا ءمينيسترى قايرات كەلىمبەتوۆكە ەكى اپتا ۋاقىت ىشىندە ءاربىر سالا ءۇشىن ەكونوميكالىق ءوسىم دەڭگەيىن بەلگىلەۋدى جانە ەكونوميكانىڭ ءاربىر سالاسىنا جاۋاپتى مينيسترلىكتەر مەن اكىمدىكتەردى انىقتاۋدى تاپ­سىر­دى. «مەملەكەت باسشىسى ايت­قان مەجەلەرگە جەتۋ ءۇشىن ەكو­نو­ميكامىز جىل سايىن كەمىندە 7 پايىزدىق ءوسىم كورسەتۋى كەرەك. ءبىز ەكونوميكالىق كورسەتكىشتەردىڭ ءوسۋ دارەجەسىن توقسان سايىن تەكسەرىپ وتىراتىن بولامىز, سوعان بايلانىستى ءسىز ەكونوميكانىڭ ءار­بىر سالاسىن وڭىرلەر بويىنشا جانە ۆەدومستۆولار مەن مينيسترلىكتەر بويىنشا قانداي جاۋاپكەرشىلىك جۇكتەلەتىندىگىن جەكە-جەكە سارالاپ كورسەتۋىڭىز كەرەك», – دەدى كارىم ءماسىموۆ. وتىرىستا ۇكىمەت باسشىسى يندۋستريا جانە جاڭا تەحنولو­گيا­لار مينيسترلىگىنە وسى ايدىڭ سو­ڭىنا دەيىن يندۋستريالاندىرۋ كارتاسىن ناقتىلاۋدى جۇكتەدى. ونىڭ ىشىندە جاڭا ينۆەستي­تسيا­لىق جوبالاردى ءىس جۇزىنە اسىرۋعا, بيىلعى جىلى ىسكە قوسىلاتىن 192 جوبانىڭ ورىندالۋىنا با­رىن­­شا جاۋاپكەرشىلىكپەن قاراۋ تاپسى­رىلدى. مەملەكەت باسشىسى­نىڭ تىكەلەي تاپسىر­ما­سىنا بايلا­نىس­تى ەلىمىزدە ۇلتتىق گەولو­گيا­لىق بارلاۋ كومپانياسى قۇرىلادى. وسى­عان وراي پرەمەر-مينيستر يندۋستريا جانە جاڭا تەحنولوگيالار ءمينيسترى اسەت يسە­كەشەۆكە جانە «سامۇرىق-قا­زىنا» ۇاق باس­شىسى تيمۋر قۇ­لى­باەۆقا ءبىر اپتا ۋاقىت ىشىندە وسى ۇلتتىق كوم­پا­نيانى قۇرۋ ءجا­نە ونى قارجى­لان­دىرۋ تۋرا­لى نا­قتى ۇسىنىستار دايىن­داۋدى تاپ­سىردى. سونىمەن بىرگە پرەمەر-مينيستر كارىم ءماسىموۆ سىرتقى ىستەر جانە يندۋستريا جانە جاڭا تەحنولوگيالار مينيسترلىكتەرىنە ەلىمىزگە جاڭا ينۆەستورلار تارتۋ جوسپارىن بەلگىلەپ, ناقتى شارالار ۇيىمداستىرۋدى تاپسىردى. ەلباسى نۇرسۇلتان نازارباەۆ 17 ساۋىردە سويلەگەن سوزىندە ەلىمىزدىڭ ازىق-ت ۇلىك قاۋىپسىزدىگىن قامتاما­سىز ەتۋگە, اگرارلىق سەكتوردى دا­مىتۋعا, باسەكەلەستىكتى قورعاۋعا ءجا­نە جەر رەسۋرستارىن ءتيىمدى پاي­دالانۋعا ايرىقشا ءمان بەرىپ, ءبىر­قا­تار كەلەلى مىندەتتەر قويدى. ۇكى­مەت وتىرىسىندا پرەمەر-مي­نيستردىڭ ءبىرىنشى ورىنباسارى ومىرزاق شوكەەۆكە جەر رەسۋرس­تارىن باسقارۋ اگەنتتىگىمەن جانە وبلىس اكىمدەرىمەن بىرلەسە وتى­رىپ, ەلىمىزدەگى بارلىق اۋىل­شا­رۋا­شىلىق ماڭىزى بار جەر تەلىمدەرىنە رەۆيزيا جاساۋ مىندەتى جۇك­تەلدى. سونىمەن بىرگە وتى­رىستا ەلىمىزدە الەۋمەتتىك ماڭىزى بار تاۋارلاردىڭ باعاسىن تۇراقتان­دىرۋ ماسەلەسى بويىنشا ناقتى شارالار بەلگىلەندى. ەكونوميكالىق دامۋ جانە ساۋدا مينيسترلىگىنە مەملەكەتتىك قىزمەت ىستەرى جونىندەگى اگەنتتىكپەن جانە وڭىرلەردىڭ اكىمدەرىمەن بىرلەسە وتىرىپ, جەرگىلىكتى ءوزىن-ءوزى باسقارۋ وكىلەتتىگىن كەڭەيتۋ ماقساتىندا بىرقاتار مەملەكەتتىك وكىلەتتىكتەردى جەرگىلىكتى جەرلەرگە بەرۋ ماقساتىندا كەشەندى شارالار بەلگىلەۋ مىندەتى جۇكتەلدى. «مەملەكەت باسشىسى ۇستىمىزدەگى جىلدىڭ 13 مامىرىندا الماتى­داعى اقپاراتتىق تەحنولوگيالار پاركىنىڭ ارقاۋىندا يننوۆاتسيانى دامىتۋعا ارنالعان كەڭەيتىلگەن ءماجىلىس وتكىزەتىن بولادى. وسىعان بايلانىستى 10 مامىرعا دەيىن پرەمەر-ءمينيستردىڭ ورىنبا­سا­رى – يندۋستريا جانە جاڭا تەحنولوگيالار ءمينيسترى اسەت يسەكەشەۆ ناقتى باعدارلامالار دايىن­داپ, ۇسىنىس ەنگىزۋى كەرەك», دەدى ۇكىمەت باسشىسى. پرەمەر-مينيستر ءبىر اي مەرزىم ىشىندە ءبىلىم جانە عىلىم مينيسترلىگىنە ءتيىستى اكىمدىكتەرمەن بىرلەسە وتىرىپ, استانا, الماتى, اقتوبە جانە شىمكەنت قالا­لا­رىندا الەمدىك دەڭگەيدەگى كاسىپ­تىك-تەحنيكالىق كوللەدجدەر ۇيىم­داس­تىرۋ جونىندە ناقتى شارالار دايىن­داۋدى تاپسىردى. «بولا­شاق» باعدارلاماسىنا بايلانىس­تى قور­دا­لانعان ماسەلەلەردى شە­شۋ­دىڭ جول­دارىن بەلگىلەۋ ءۇشىن دە مينيسترلىككە ءبىر اي ۋاقىت بەرىلدى. ۇكىمەت وتىرىسىندا حالىققا قىزمەت كورسەتۋ ورتالىقتارىنىڭ (حقو) جۇمىسىن جانداندىرۋ ءما­سە­لەسى دە جان-جاقتى تىلگە تيەك ەتىل­دى. بايلانىس جانە اقپارات مي­نيسترلىگىنە 30 ماۋسىمعا دەيىن حقو-لاردىڭ جۇمىسىن جاقسارتۋ جانە ولاردىڭ تۇرعىندارعا كور­سە­تەتىن قىزمەتتەرىنىڭ ساپاسىن كو­تە­رۋ ماقساتىندا ناقتى شارالار بەلگىلەۋ تاپسىرىلدى. سونىمەن ءبى­رگە اتالمىش مينيسترلىك «قا­زاق­تەلەكوم» اق-پەن بىرلەسە وتى­رىپ, ەكى اپتا ۋاقىت ىشىندە تۇرعىن­دار­دىڭ جوعارى ساپالى ينتەرنەت ءجۇ­يەسىنە قوسىلۋ مۇمكىندىگىن كەڭەي­تۋ جانە ەلىمىزدە 4G ستاندارتىن ەنگىزۋ جونىندەگى ناقتى جوسپارىن ازىرلەۋى كەرەك. كولىك جانە كوممۋنيكاتسيا مينيسترلىگىنە «ەير استانا» ۇلتتىق اۋە كومپانياسىمەن بىرلەسە وتى­رىپ, جەتى ساعات ۇشۋ قاشىق­تى­عىن­داعى الەمدەگى بارلىق ءىرى قا­لا­لارمەن تىكەلەي اۋە بايلانىسىن اشۋ مىندەتى جۇكتەلدى. سونىمەن بىرگە ۇكىمەت باسشىسى وسى مينيسترلىككە «سامۇرىق-قازىنا» ۇاق» جانە «قازاقستان تەمىر جولى» اق-تارمەن بىرلەسە وتىرىپ, ەلىمىزدىڭ اۋماعى بويىنشا جۇك تاسىمالى­نىڭ جۇيەلى كەستەسى كورسەتىلگەن ترانزيتتىك كولىك الەۋەتىن ارت­تىرۋ­دىڭ ناقتى جوسپارىن جاساۋ مىندەتىن جۇكتەدى. سونداي-اق ۇكى­مەت وتىرىسىندا ءتيىستى ورگاندار مەن بارلىق اكىمدىكتەرگە بيىلعى جىلۋ ماۋسىمىنىڭ قورىتىند­ى­سىن سارالاپ, الداعى جىلۋ ماۋ­سىمىنا دايىندىقتى جاندان­دى­رۋ ماسەلەسى تاپسىرىلدى. ۇكىمەت باسشىسى ءتيىستى مينيسترلىكتەر مەن ۆەدومستۆولارعا جۇمىسشى­لاردىڭ ەڭبەكاقىسىن مەزگىلىندە تولەۋ قاجەتتىگىن ەرەكشە ەسكە سالدى. ەڭبەك جانە حالىقتى الەۋ­مەتتىك قورعاۋ مينيسترلىگى باس پروكۋراتۋرامەن بىرلەسە وتىرىپ, وسى ماسەلە بويىنشا جان-جاقتى مونيتورينگ جۇرگىزىپ, كىنالىلەردى انىقتاۋى قاجەت. ۇكىمەت وتىرى­سىندا پرەمەر-مينيستر كارىم ءماسىموۆ اۋىل شارۋاشىلىعى مينيسترلىگىنە, وڭىرلەردىڭ اكىمدەرى­نە كوكتەمگى ەگىس جۇمىستارىن بارىن­شا ۇيىمشىلدىقپەن ءوت­كىزۋ­دى تاپ­سىردى. كۇن تارتىبىندەگى وسى كەلەلى مىندەتكە بايلانىستى 20 ءساۋىر كۇنى ۇكىمەتتە ارنايى سەلەكتورلىق كەڭەس وتكىزىلەتىن بولدى. جىلقىباي جاعىپار ۇلى.