اقتوبەلىكتەردىڭ العاشقى كومەك كەرۋەنى

باتىسقازاقستاندىقتاردىڭ سۋ تاسقىنىنان زارداپ شەگۋى كورشىلەس اقتوبە ءوڭىرىنىڭ حالقىن دا الاڭداتۋدا. سۋ تاسقىنى سالدارىنان 58 ەلدى مەكەندەگى 3,1 مىڭنان اس­­تام ءۇيدىڭ, 2,1 مىڭ ساياجاي ۋچاس­كەلەرىنىڭ زارداپ شەككەنىن, 8 مىڭعا جۋىق ادامنىڭ قاۋىپتى ايماقتاردان كو­شى­رىل­گەنىن ەستىگەن اقتو­بە­لىكتەر كورشىلەرگە كومەك قو­لىن سو­زۋدى ۇيعارىپ, بۇل ىسكە شۇعىل كىرىسىپ كەتتى. «نۇر وتان» حدپ اقتوبە وبلىستىق فيليا­لى ءبىر كۇندىك ەڭ­بەك­­اقى­لا­رىن العاشقىلاردىڭ ءبىرى بولىپ, سۋ تاس­قى­نى­نان زارداپ شەككەن باتىسقازاق­ستان­دىقتارعا قايى­رىم­­­دى­­لىق كو­مەك كورسەتۋ ەسەپ-شوتىنا اۋدارىپ قانا قوي­ماي, ءوڭىر حال­قىن وسى ىزگىلىكتى شاراعا جۇمىل­دىرۋعا ۇيتقى بولدى. اكتسيانى قىسقاشا ءسوز سويلەپ اشقان «نۇر وتان» حدپ وبلىستىق فيليالى توراعاسىنىڭ ءبىرىنشى ورىن­باسارى ەركەش قاليەۆ كورشى وب­لىستا بولىپ جاتقان سۋ تاسقىنىنىڭ سالدارى­نان حاباردار ەتە كەلىپ, وسىند­اي قىسىلشاڭ شاق­تىڭ اۋىرت­پا­لىعىن بىرلىك پەن ىنتىماق قانا جەڭىلدەتەتىنىن, «جۇمىلا كوتەرگەن جۇك جەڭىل» ەكەنىن جەتكىزدى. بەيبىتشىلىك جانە كەلىسىم كەڭەسى وب­لىس­ت­ىق في­ليا­لىنىڭ توراعاسى كەلدىباي ەسپاعام­بەتوۆ, «جاس­ وتان» جاستار قانا­تىنىڭ بەلسەندى مۇشەسى, اق­توبە مەملەكەتتىك پەداگو­گيكالىق ينستيتۋتىنىڭ 4-ءشى كۋرس ستۋدەنتى مانشۇك مولداجانوۆا اپاتتى جاع­داي­دا­عى اعا­يىن­دارعا قول ۇشىن بەرۋ ازاماتتىق پارىز ەكەنىنە توق­تالدى. سول جەر­دە قالا مەكەمەلەرى مەن ۇيىم­دا­رى­نان, كا­سىپ­ورىن­­دارىنان جانە جەكەلەگەن ازاماتتاردان جي­نال­­عان كيىم-كەشەكتەر مەن ازىق-ت ۇلىك ماشيناعا تيەلىپ, باتىس قازاق­ستان وبلىسىنا اتتاندىرىلدى. «كاسىپ­كەر­لەردىڭ قۇقىن قورعاۋ اسسوتسياتسياسى» زاڭدى تۇلعا­لار بىرلەستىگى مەن «شىعىس ترەيد اقتوبە» جشس ءبىر­لەسىپ, 550 مىڭ تەڭگەنىڭ كيىم-كەشەگىن جي­ناۋعا جانە 250 مىڭ تەڭگە اۋ­دارۋعا مۇرىندىق بولدى. تاپ سول كۇنى سۋ تاس­قى­نىنان زار­داپ شەككەندەرگە قايىرىم­دىلىق كومەك ەسەپ شو­تى­نا «قازاقستان تەمىر جولى» اق وبلىستىق ءبولىم­شەسى 15 ملن. تەڭگە, ال وبلىستىق ءما­دەنيەت, قار­جى, تابيعي قور­لار جانە تابيعات پايدا­لانۋدى رەتتەۋ باسقارمالارى, «اق­بۇلاق» اق, اقتوبە مەملەكەتتىك پە­داگوگيكالىق ينس­تي­تۋتى, 2 قالالىق ەمحانا ۇجىم­دارى جانە باسقالارى ءبىر كۇن­دىك ەڭبەك­اقىلارىن اۋداردى. باتىسقازاقستان­دىقتارعا ماتە­ريال­دىق جانە قارجىلاي قولداۋ-كومەك كورسەتۋ جالعاسۋدا. ساتىبالدى ءساۋىرباي. اقتوبە وبلىسى.