اۋە تاسىمالى زاڭدىق سيپات الدى

كەشە سەنات توراعاسى قاسىم-جومارت توقاەۆتىڭ جەتەكشىلىگىمەن وتكەن پالاتانىڭ كەزەكتى جالپى وتىرىسىندا اۋعان­ستان يسلام رەسپۋبليكاسىنىڭ تۇراقتىلىعىن قامتاماسىز ەتۋ­گە قاتىستى جالعىز ماسەلە قارالدى. زاڭ جوباسىنىڭ تولىق اتاۋى «قازاقستان رەسپۋبليكاسىنىڭ ۇكى­مەتى مەن امەريكا قۇراما شتات­تا­رىنىڭ ۇكىمەتى اراسىنداعى اۋعانستان يسلام رەسپۋب­لي­كا­سى­نىڭ قاۋىپسىزدىگىن, تۇراقتىلىعىن جانە ونى قايتا قالپىنا كەلتىرۋدى قامتاماسىز ەتۋ جونىندەگى ءىس-قيمىلعا امەريكا قۇراما شتات­تارىنىڭ قاتىسۋىنا بايلانىستى قازاقستان رەسپۋبليكاسىنىڭ اۋما­عى ارقىلى وتەتىن جۇك پەن پەر­سونالدىڭ اۋە ءترانزيتى تۋرالى كەلىسىمدى راتيفيكاتسيالاۋ تۋرالى» دەپ اتالادى. اتالعان زاڭدىق قۇجات بوي­ىنشا باياندامانى سىرتقى ىستەر ءمينيسترىنىڭ ورىنباسارى قايرات وماروۆ جاسادى. ونىڭ ءمالى­مە­تى­نە قاراعاندا, بۇگىنگە دەيىن ەلىمىز اۋماعى ارقىلى 10 مىڭعا جۋىق ترانزيتتىك رەيس جاسالعان. كەلىسىم بەكىگەن جاعدايدا بۇعان دەيىن قول قويىلعان ءوزارا تۇسىنىستىك تۋرالى مەموراندۋم كۇشىن جويا­تىن بولادى. سونداي-اق قۇجات اۋعانستانداعى تۇراقتىلىقتى قام­تاماسىز ەتۋگە جانە ورتالىق ازياداعى قاۋىپسىزدىكتى ورناتۋعا ىقپال ەتەتىنى ەرەكشە اتاپ ءوتىلدى. مينيستر ءسوز سوڭىندا اۋعان­ستان­داعى كواليتسيالىق كۇشتەرگە قول­داۋ كورسەتۋ ۇلتتىق قاۋىپسىزدىككە سايكەس كەلەرىن نازارعا سالدى. قوسىمشا بايانداما جاساعان حالىقارالىق قاتىناستار, قورعا­نىس جانە قاۋىپسىزدىك كوميتەتىنىڭ توراعاسى قۋانىش سۇلتانوۆ ەلىمىز بۇل ماسەلەگە ۇلكەن ءمان بەرىپ وتىرعاندىعىمەن ءبولىستى. سەناتور ەلىمىزدىڭ موينىنا العان مىندەتتەمەلەرىن ناقتى ىستەرمەن ءدا­لەل­دەۋى ابىرويى مەن بەدەلىن كوتە­رۋگە ىقپال ەتەتىن بولادى دەگەندى باسا ايتىپ ءوتتى. زاڭ جو­باسى دەپۋتاتتار تاراپىنان ءبىر­اۋىزدان قولداۋ تاۋىپ, قابىل­داندى. اسقار تۇراپباي ۇلى.