قازاقستان تابىستارى تاڭعالارلىقتاي

كەشە اقوردادا مەملەكەت باسشىسى نۇرسۇلتان نازارباەۆ «شەۆرون» كورپوراتسياسىنىڭ باس اتقارۋشى ديرەكتورى جانە ديرەكتورلار كەڭەسىنىڭ توراعاسى دجون ۋوتسوندى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. اڭگىمە بارىسىندا ەكىجاقتى ىنتىماقتاستىق ماسەلەلەرى تال­قى­لاندى. – اڭگىمەلەسۋ بارىسىندا مەن پرەزيدەنتكە تەڭىز كەن ورنىن دا­مىتۋعا باعىتتالعان «تەڭىز­شە­ۆ­رويل» بىرلەسكەن كاسىپورنىنىڭ جۇمىسى تۋرالى بايانداپ بەردىم. وتكەن جىلى ءبىز وڭدەۋ سالاسىندا رەكوردتىق كورسەتكىشكە قول جەتكىزدىك. ەڭ باستىسى, ءبىزدىڭ قول جەتكىزگەنىمىز – بۇل قورشاعان ور­تانى قورعاۋ جانە ەڭبەك قاۋىپ­سىز­دىگى جونىندەگى جاقسى كورسەتكىش. مەن سونداي-اق پرەزيدەنتكە قا­زاقستاندىق مامانداردى دايار­لاۋ­عا جانە ودان ءارى دامۋعا باعىت­تال­عان ءبىزدىڭ باستامالارىمىز تۋ­رالى ايتتىم. بۇگىنگى كۇنى ءبىز­دىڭ قىزمەتكەرلەرىمىزدىڭ 85 پايى­زىن قازاقستاندىقتار قۇرايدى. ءبىز تشو مەن «شەۆروننىڭ» قا­زاق­ستاندىق مازمۇنىن دامىتۋ­دا­عى ۇلەسىن تالقىلادىق. ءبىز مەملەكەت باسشىسىنىڭ قازاق­ستان­نىڭ ۇدەمەلى يندۋستريالىق-ين­نو­ۆاتسيالىق دامۋى جونىندەگى باس­تاماسىن تولىق قولدايمىز. «شەۆرون» كومپانياسى بۇگىندە تەڭىز كەن ورنىن وڭدەۋدە ەڭ جاڭا تەحنولوگيانى پايدالانۋدا. وسى كەن ورنىندا العاش رەت جۇزەگە اسىرىلعان شيكى گازدى شايقاۋ سونىڭ ناقتى ءبىر مىسالى بولىپ تابىلادى. سونداي-اق جاقىندا مە­­تالپلاستيكالىق قۇبىرلار ءون­دى­رىسى زاۋىتىنىڭ قۇرىلىسى اياق­تالدى, قازىر ءبىز ىلمەك ارماتۋرا ءوندىرىسىنىڭ قۇرىلىسىنا كىرىسپەكپىز. «شەۆرون» كومپانياسى جەل ەلەكترستانساسىنىڭ قۇرىلىسىنا ينۆەستيتسيا سالاتىن بولادى جانە قازاقستانداعى ەنەرگيا كوزدەرىن جاڭارتۋدى دامىتۋعا ءوز ۇلەسىن قوسادى. پرەزيدەنت بىرنەشە جىل­دان بەرى قازاقستاندى تابىستى باسقارۋشى كوشباسشى بولىپ تابىلادى. مۇنى وتكەن پرەزيدەنتتىك سايلاۋدىڭ ناتيجەسى اي­قىن كورسەتتى. ول وڭايعا سوقپاعان وتكەن جىلداردا دا, تاياۋداعى جاھاندىق قارجىلىق داعدارىستا دا ەلدى وتە ءتيىمدى جانە تابىستى باسقارىپ كەلەدى. قازاقستان تاڭ­عا­لارلىقتاي ناتيجەلەر كورسەتتى. نۇرسۇلتان نازارباەۆ ەلدەگى ينۆەستيتسيالىق احۋالدىڭ جاق­سا­رۋى­نا ەرەكشە ءمان بەرەدى, – دەدى جۋرناليستەرگە ارنالعان بريفينگ بارىسىندا د.ۋوتسون. ----------------------------------------- سۋرەتتى تۇسىرگەندەر س.بوندارەنكو, ب.وتارباەۆ.