سەنات سۋديالاردى قىزمەتىنەن بوساتتى

پارلامەنت سەناتىنىڭ كەشەگى تۇستەن كەيىنگى وتكىزىلگەن جالپى وتىرىسىندا قارجى پوليتسياسى اگەنتتىگىنىڭ ەل پرەزيدەنتى اتىنا جاساعان ۇسىنىسى بويىنشا جوعارعى سوتتىڭ  كەيبىر سۋديالارىنىڭ ماسەلەسى قارالدى. سەنات دەپۋتاتتارى  الدىندا مەملەكەت باسشىسىنىڭ وكىلەتتىگى بويىنشا پرەزيدەنت اكىمشىلىگىنىڭ باسشىسى اسلان مۋسين ءسوز سويلەدى. «مەملەكەت باسشىسىنىڭ تاپ­سىر­­ماسىنا سايكەس, مىنانى حا­بار­لاۋعا رۇقسات ەتىڭىزدەر. قارجى پوليتسياسى اگەنتتىگى قازاقستان پرەزيدەنتىنىڭ اتىنا بىرقاتار سۋ­ديالاردى جوعارعى سوتتىڭ سۋديا­سى قىزمەتىنەن بوساتۋ تۋرالى ۇسىنىس جاسادى. ولار الماز ءتا­شەنوۆا, ماقسات ابىلقايىر, ءمار­زيا بالتاباي, سايلاۋبەك ءجا­كى­شەۆ, باقىتجان جاقىپوۆ, مارك­لەن قامنازاروۆ», – دەدى اسلان ەسبولاي ۇلى ءوز سوزىندە. سودان كەيىن ەكونوميكالىق قىل­مىسقا جانە سىبايلاس جەم­قور­لىققا قارسى كۇرەس اگەنت­تى­گى­نىڭ (قارجى پوليتسياسى) توراعاسى قايرات قوجامجاروۆ جوعارعى سوتتىڭ بىرقاتار سۋديالارىنا قا­تىستى ولاردىڭ سىبايلاس جەم­قور­لىق قىلمىسقا بارعاندىعى تۋ­رالى فاكتىلەردى جاريا ەتتى. اگەنتتىك توراعاسى ءوز ۆەدوم­ستۆو­سىنىڭ زاڭ ەرەجەلەرى شەڭبەرىندە باس پروكۋرور سانكتسياسىن الا وتى­رىپ, جوعارعى سوتتىڭ كەيبىر لاۋا­زىمدى تۇلعالارىنا قاتىستى  ار­نايى جەدەل شارالاردى جۇزەگە اسىر­عاندىعىن ەرەكشە اتاپ ءوتتى. ءنا­تيجەسىندە جوعارعى سوتتىڭ ازا­ماتتىق جانە اكىمشىلىك ىستەر ءجو­نىندەگى قاداعالاۋ القاسىنىڭ ءتور­ايىمى الماز تاشەنوۆا مەن جو­عار­عى سوت سۋدياسى سايلاۋبەك ءجا­كى­شەۆتىڭ ارەكەتتەرىنەن سىباي­لاس جەم­قورلىق فاكتىلەرى انىقتالىپتى. اتالعان لاۋازىم يەلەرى ءوز­دە­رىنىڭ قىزمەت بابىن پايدا­لا­نىپ, «فيكالەن» اق مۇددەسى ءۇشىن مەملەكەت قورجىنىنا 212 ميلليون تەڭگە شىعىن كەلەتىندەي شەشىم شىعارىپ, زاڭسىز سىي­اقى­لار العان.  باس پروكۋراتۋرا تارا­پى­نان  سۋديالار ۇستىنەن  قىل­مىس­تىق ءىس قوزعالعانى بەلگىلى بولىپ وتىر. سونداي-اق جوعارعى سوت سۋ­ديا­لارى باقىتجان جاقىپوۆ, ءمار­زيا بالتاباي, ماقسات ءابىل­قايىر جانە ماركلەن قامنازاروۆ ارەكەتتەرىندە سىبايلاس جەمقور­لىق  انىقتالعانى جاريا ەتىلدى. اتى اتالعان سۋديالار بىرنەشە رەت ازاماتتاردىڭ قۇقىقتارىن بۇزا وتىرىپ, جەكە تۇلعالاردىڭ پايداسى ءۇشىن شەشىم شىعارعان. سوت پروتسەسىنە قاتىسۋشىلارمەن جانە ولاردىڭ وكىلدەرىمەن پروتسەسسۋالدان تىس بايلانىستارعا بارعاندىعى, تەرگەۋ ورگاندارى­نىڭ جۇمىسىنا كەدەرگى كەلتىرگەندىگى جانە جالعان كاسىپكەرلىكتىڭ مۇددەسى ءۇشىن ازاماتتىق ىستەر بوي­ىنشا سوت شەشىمىن شىعار­عان­دىعى انىقتالىپتى. جوعارعى سوت­تىڭ قىلمىستىق ىستەر ءجو­نىن­دەگى سوت قاداعالاۋ القاسى حات­شى­سىنىڭ ورىنباسارى ت.سارسەنوۆكە قاتىستى قىلمىستىق ءىس قوزعال­عان­دىعى دا بەلگىلى بولدى. حات­شىنىڭ ورىنباسارى «گاز-سي­نە­گورە» جشس باسشىسىنان سوت­تىڭ وڭتايلى شەشىم شىعارۋى ءۇشىن 150 مىڭ اقش دوللارىنداي پارا تالاپ ەتكەن. قازىرگى تاڭدا ت.سارسەنوۆكە ايىپ تاعىلىپ, ول قاماۋعا الىنعان. ناتيجەسىندە جوعارعى سوتتىڭ كەيبىر سۋديالارىن قىلمىستىق جانە قۇقىق بۇزۋشىلىق قادام­دارعا بارعانى ءۇشىن قىزمەتىنەن بوساتۋ, وكىلەتتىكتەرىنەن ايىرۋ تۋرالى مەملەكەت باسشىسىنىڭ ۇسىنىسىن  سەنات قولدادى. ناتيجەسىندە جوعارىدا اتى اتالعان سۋديالار قىزمەتىنەن بوساتىلدى. اسقار تۇراپباي ۇلى.