سەيداعاڭنىڭ سپارتاكياداسى

وسى جىلدان باستاپ تۋريزم جانە سپورت مينيسترلىگىنىڭ سپورت ىستەرى جونىندەگى كوميتەتى 14-19 ماۋسىم كۇندەرى شىمكەنتتە باق وكىلدەرى اراسىندا كورنەكتى جازۋشى سەيداحمەت بەردىقۇلوۆتى ەسكە الۋعا ارنالعان رەس­پۋبليكالىق سپارتاكيادا وتكىزەتىن­دىگىن حابار­لايدى. بۇرىن الماتىدا وتكىزىلىپ كەلگەن بۇل سپار­تاكيادانىڭ ماقساتى – قازاقستان رەسپۋبليكاسى پرەزيدەنتى ن.ءا.نازارباەۆتىڭ قازاقستان حالقىنا جولداۋىن ىسكە اسىرۋ, ەلىمىزدە بۇقارالىق اقپارات قۇرالدارى اراسىندا بۇقارالىق سپورتتى دامىتۋ, سالاماتتى ءومىر سالتى مەن سپورتتى حالىق ارا­سىندا ناسيحاتتاپ, سپارتاكيادا ارقىلى ەڭ ۇزدىك ونەر كورسەتكەن باق كوماندالارىنىڭ وكىلدەرىن انىقتاۋ. سپارتاكيادا ەكى كەزەڭ بويىنشا وتەدى. ءبىرىنشى كەزەڭدە, رەسپۋبليكالىق جانە وبلىستىق بۇقارالىق اقپارات قۇرالدارىنىڭ ۇجىمدارى اراسىندا ىرىكتەۋ جارىستارى وتكىزىلەدى. ول جارىستاردى رەس­پۋبليكالىق باق پەن جەرگىلىكتى تۋريزم, دەنە ءتار­بيەسى جانە سپورت باسقارمالارى وزدەرى ۇيىم­داس­تىرادى. سپارتاكيادانىڭ ءبىرىنشى كەزەڭىنىڭ باعدار­لا­ماسىنا فينالدىق كەزدەسۋدە بولاتىن سپورت تۇرلەرى كىرەدى. وڭىرلىك سپارتاكياداعا اۋداندار مەن قالالاردىڭ قۇراما كوماندالارى قاتىسا الادى. وسى كەزەڭ بىتكەن سوڭ رەسپۋبليكالىق بۇقارالىق اقپارات قۇرالدارىنىڭ ۇجىمدارى مەن جەرگىلىكتى تۋريزم, دەنە تاربيەسى جانە سپورت باسقارماسى جارىستىڭ قورىتىندىسىن مينيسترلىكتىڭ سپورت ىستەرى جونىندەگى كوميتەتىنە ۇسىنادى. ماتەريالدار مىنا تەلەفون جانە فاكس ارقىلى قابىلدانادى. 8 (7172) 75 31 49, 75 35 19 نەمەسە ولاردى nur-78@bk.ru ەلەكتروندى پوشتاسىنا جىبەرۋگە بولادى. سپارتاكيادانىڭ ەكىنشى كەزەڭىنىڭ جارىستارىنا ءبىرىنشى كەزەڭدە ىرىكتەۋدەن وتكەن رەسپۋبليكالىق باق, وبلىستار مەن استانا جانە الماتى قالا­لارى­نىڭ قۇراما كوماندالارى قاتىسا الادى. جا­رىستارعا كەمىندە 1 جىل ءوتىلى بار مەنشىكتىڭ بار­لىق تۇرىندەگى بۇقارالىق اقپارات قۇرالدارىنىڭ قىزمەتكەرلەرى جىبەرىلەدى. ءبىرىنشى كەزەڭدەگى جا­رىستارعا وبلىستىق, استانا جانە الماتى قالاسى تۋريزم, دەنە تاربيەسى جانە سپورت باسقارمالارى جاۋاپتى بولسا, فينالدىق كەزدەسۋلەردىڭ ءوتۋىن تۋريزم جانە سپورت مينيسترلىگى سپورت ىستەرى جونىندەگى كوميتەتى ءوز موينىنا الادى. اتالمىش دوداعا كوماندالار دارىگەردىڭ انىق­تا­ماسى, جارىسقا قاتىسۋ جونىندە مانداتتىق كو­ميسسياعا ۇسىنعان ءوتىنىشى بولعان جاعدايدا جىبەرىلەدى. جارىسقا قازاقستان رەسپۋبليكاسى ۇلتتىق كو­ماندالارىنىڭ مۇشەلەرى, ەل چەمپيوناتتارى مەن بىرىنشىلىكتەرىنە قاتىسۋشىلار, كاسىپقوي سپورتشى­لار جىبەرىلمەيدى. سپارتاكيادانىڭ جەڭىمپازدارى جالپى كومان­دالىق ەسەپ, كوماندانىڭ جەكەلەگەن سپورت تۇرىنەن كورسەتكەن ناتيجەلەرى مەن ءار ادامنىڭ جەكەلەگەن كورسەتكىشتەرىنە قاراي انىقتالادى. سپارتاكياداعا قاتىسۋعا وتىنىشتەر تۋريزم جانە سپورت مينيسترلىگى سپورت ىستەرى جونىندەگى كوميتەتى, وبلىستىق, استانا جانە الماتى قالالىق تۋريزم, دەنە تاربيەسى جانە سپورت باسقارمالارىنا جىبەرىلەدى. مينيسترلىكتىڭ مەكەن-جايى: استانا قالاسى, اباي كوشەسى, 33 ا. تەل/فاكس: 8 (7172) 75 35 19, 75 31 49. جارىسقا قاتىسۋعا ءوتىنىش بىلدىرگەن كوماندا مان­داتتىق كوميسسيانىڭ وتىرىسىنا ءار سپورت ءتۇرى بويىنشا جاسالعان وتىنىشتەرىن, جەكە جانە قىز­مەت­تىك كۋالىكتەردى, جۇمىس ورنىنان بەرىلگەن انىق­تا­مانى كورسەتۋگە مىندەتتى. سپارتاكيادانىڭ باعدار­لا­ماسىنا سپورتتىڭ بەس ءتۇرى كىرەدى. ولار – ۆولەيبول, شاعىن فۋتبول, شاحمات, دويبى جانە ۇستەل تەننيسى. ۆولەيبول جارىسىنا 6 نەگىزگى جانە 3 قوسالقى قۇرامداعى ادامدار قاتىسادى. ءاربىر كەزدەسۋ 25 ۇپاي العانشا ەكى جەڭىسكە دەيىن جالعاسادى. ەگەر ەسەپ 1:1 بولسا, ءۇشىنشى كەزەڭدە 15 ۇپاي ساراپقا سالىنادى. شاحمات, دويبى جارىسىنا ەكى ەر ادام جانە ءبىر ايەل ادام قاتىسادى. جارىستار فيدە ەرەجەسى بويىنشا وتەدى. شاعىن فۋتبولعا 9 ويىنشى جىبەرىلەدى (5 نەگىزگى جانە 4 قوسالقى قۇرامداعى ادامدار). ءار كەزدەسۋ 20 مينوتكە سوزىلادى. ءار تايم 10 مينوتتەن. ۇستەل تەننيسىنە ءار كوماندادان ەكى ادام قاتىسادى. وندا ءبىر ەر ادام جانە ءبىر ايەل ادام بولۋى كەرەك. داستان كەنجالين.