وسىنداي ويىمىز بار

اقتوعاي اۋدانى, جولامان اۋىلىنداعى مەكتەپ «اقبيداي نەگىزگى مەكتەبى» دەپ اتالادى. كەڭەس داۋىرىندە اتالمىش اۋىل جدانوۆ اتىنداعى سوۆحوزدىڭ بولىمشەسى بولعان. بەرتىنىرەكتە, جدانوۆ اتاۋىن «اقبيداي» دەپ وزگەرتكەن-ءدى. اتى وزگەرگەن سوۆحوزدىڭ بۇگىنگى تاڭدا اتى تۇگىلى, زاتى دا جوق. جولامان اۋىلى – كەزىندە قارا داق جاعىپ, قۋعىن-سۇرگىنگە ۇشى­را­تىپ, «حالىق جاۋى» اتاندىرعان, ار­تىنان اباقتىدا اتىلىپ كەتكەن نۇر­مۇحانبەت ماردەنوۆ ەسىمدى الاش ازاماتىنىڭ تۋىپ-وسكەن جەرى. بيىل سول ارىسىمىزدىڭ تۋعانىنا 110 جىل تولىپ وتىر. بىراق جۇرت تىلەگى ەسكەرىلىپ ءوزى وقىعان, كەيىن ۇستازدىق ەتكەن مەكتەپكە ەسىل ەر ەسىمى بۇگىنگى كۇنگە دەيىن بەرىلمەي كەلەدى. ول 1918-1919 جىلدارى كور­نەكتى جازۋشى ءسابيت مۇقانوۆپەن ومبى مۇعالىمدەر سەميناريا­سىن­دا قاتار وقىپ, العاشقى ەڭبەك جولىن جولامان اۋىل مەكتەبىنەن باستاعان ەكەن. الاشتىڭ ماعجان جۇماباەۆ سىندى ءبىرتۋار ۇلىمەن دە نۇر­مۇحانبەت ءمار­دەنوۆ تىعىز قارىم-قاتىناستا بول­عان. كەنجە ىنىسىنە ماعجان ەسىمىن بەرىپ, اقىنمەن دوس, پىكىرلەس جۇرگەن. نۇرمۇحانبەتتىڭ جالعىز با­لا­سى – ناسكەن نۇرمۇحان­بەت ۇلى ءمار­دەنوۆ قازىر الماتى قالاسىن­دا تۇرا­دى. ول كىسى اكەسى اتىلعان ومبى جەرىنەن ءبىر ۋىس توپىراعىن جولا­مانعا اكەلىپ, اتا-بابا زي­راتىنا قويىپ, ۇرپاقتارى ءمار­مار تاستان ەسكەرتكىش ورناتتى. ءسويتىپ, ۇلگىلى ىسكە ۇيىتقى بولدى. جۋىردا جاقسىدان قالعان تۇياق ناسكەن نۇرمۇحانبەت ۇلى جەرلەستەرى – بىزدەرگە ارناپ حات جىبەرىپتى. وندا قاريا قازاقستان تاۋەل­سىزدىگىنىڭ 20 جىلدىعى قارساڭىن­دا تۋعانىنا 110 جىل تولعالى وتىر­عان ازاماتتىڭ ەسىمى ءوزى وقى­عان, قىزمەت ەتكەن مەكتەپكە بەرىلسە يگى بولار ەدى دەپتى. ءبىز دە كوپتەن بەرى ايتى­لىپ, شەشىمىن تاپپاي كەلە جاتقان وسى تىلەككە قو­سىلامىز. ارىسى­مىز­دى ۇمىت­پاي ارداقتاساق, قانە! بۇل ءوتى­نىشكە ءتيىستى ورىندار ءمان بەرىپ, وڭ شەشىم شىعارادى دەگەن سەنىممەن اۋىل تۇرعىندارىنىڭ اتىنان: ب.سماعۇلوۆ – مەكتەپ دي­رەك­تورى, ي.راحيموۆ – وقۋ ءىسىنىڭ مەڭ­گەرۋشىسى. مۇعالىمدەر: د.توقسانباەۆا, ب.شۇكەلوۆا جانە حاتقا بۇدان باسقا 13 ادام قول قويعان. پاۆلودار وبلىسى, اقتوعاي اۋدانى, جولامان اۋىلى.