وتەماقى تولەۋ جوسپارى ازىرلەنۋدە
«فۋكۋسيما-1» اتوم ەلەكتر ستانساسىنىڭ وپەراتورى تەرسو كومپانياسى وزىنە قاراستى اەس-تەگى اپات سالدارىنان بولعان شىعىنعا وتەماقى تولەۋ جوسپارىن جاساۋ جۇمىستارىن باستادى.
وسىنىڭ الدىندا اگەنتتىك جەرگىلىكتى بۇقارالىق اقپارات قۇرالدارىنا سىلتەمە جاساي وتىرىپ, اپات سالدارىنان بولعان شىعىندارعا تولەنەتىن وتەماقى كولەمى الدىن الا ەسەپ بويىنشا 2-3,8 تريلليون يەن (24-45 ملرد. دولل.) بولادى دەپ حابارلاعان ەدى. سول سياقتى تەرسو-نىڭ توپ-مەنەدجەرى م.سيميتسۋ اەس وپەراتورىنىڭ وتەماقى شىعىندارىن ءبولىسۋ تۋرالى بىرقاتار جاپوندىق ەنەرگەتيكالىق كومپانيالاردىڭ ۇسىنىستارىمەن ءوزىنىڭ تانىس ەمەس ەكەنىن دە مالىمدەگەن.
مۇباراك 15 تاۋلىككە قاماۋعا الىندى
ەگيپەتتىڭ باس پروكۋراتۋراسى ەلدىڭ بۇرىنعى پرەزيدەنتى حوسني مۇباراك پەن ونىڭ بالالارىنىڭ قاماۋعا الىنعانى تۋرالى حابارلادى.
Associated Press اگەنتتىگىنىڭ حابارلاۋىنشا, ەگيپەتتىڭ ەكس-پرەزيدەنتى مۇباراك 15 ءتاۋلىككە قامالعان. سول سياقتى ونىڭ بالالارى دا 15 تاۋلىككە قاماۋعا الىندى. وسىعان دەيىن مۇباراكتىڭ وتباسى شارم-ەل-شەيح قالاسىندا ءۇي تۇتقىنىندا وتىرعان بولاتىن. تەرگەۋشىگە جاۋاپ الۋعا شاقىرىلعان كەزدە 130 شاقىرىم جول جۇرۋگە ءماجبۇر بولعان ەكس-پرەزيدەنتتىڭ اياق استىنان قان قىسىمى كوتەرىلىپ, ءجۇرەك سوعىسى ناشارلاپ كەتكەندىكتەن, ول اۋرۋحاناعا جاتقىزىلعان-دى. جاعدايى جاقسارا سالىسىمەن تەرگەۋشى تىكەلەي اۋرۋحانادا جاۋاپ الۋدى باستاعان.
چەركەستەر كاددافيگە كومەكتەسپەك
چەركەستىك قوعام قايراتكەرلەرى ىشكى وپپوزيتسياعا قارسى كۇرەستە ليۆيا دجاميحيرياسىنىڭ كوسەمى مۋاممار كاددافيگە وزدەرىنىڭ كومەكتەرىن ۇسىنىپ, اشىق حات جولدادى.
سولتۇستىك كاۆكازدان شىققان مۇسىلماندار بولىپ تابىلاتىن چەركەس حالقى بۇگىندە بۇكىل الەمگە تاراپ كەتكەن. ونىڭ دياسپورالارى تۇركيادا, سيريادا, يزرايلدە جانە ليۆيادا تۇرادى. دياسپورانىڭ ەڭ ءىرىسى رەسەيدە قونىس تەپكەن. ءبىز ورىس-چەركەس سوعىسى كەزىندە وسى ەلگە قاشقان چەركەستەردى شىن جۇرەكتەن قارسى العان ليۆياعا كومەكتەسۋ ارقىلى ءوزىمىزدىڭ بورىشىمىزدى وتەگىمىز كەلەدى, دەپ مالىمدەگەن چەركەس قايراتكەرلەرىنىڭ ءماجىلىسىنە قاتىسقان اسلان بەشتو.
ميگرانتتار ەۋرووداققا جىك سالدى
سولتۇستىك افريكادان ەۋرووداققا اعىلعان زاڭسىز ميگراتسيا تاسقىنى بلوكقا مۇشە 27 ەلدىڭ ىشكى ىستەر مينيسترلەرىنىڭ كەزدەسۋىن ۋشىقتىرىپ جىبەردى.
كوپتەگەن مينيسترلەر شەكارالىق باقىلاۋدى كۇشەيتىپ, يتاليادا ۋاقىتشا تۇرۋعا رۇقسات العان 20 مىڭعا جۋىق تۋنيستىكتەردى ءوز اۋماقتارىنا جىبەرمەۋ جونىندە شەشىم قابىلداپ, فرانتسيانىڭ جاعىنا شىقتى. وعان جاۋاپ رەتىندە ريم شەنگەن ايماعى مەن بۇكىل ەۋرووداق يدەياسىنىڭ كۇيرەيتىندىگى تۋرالى ايتا باستادى. ءبىز كورشىلەردەن ىنتىماقتاس بولۋدى سۇرادىق, ال ەۋروپا بىزگە وزدەرىڭ شەشىڭدەر دەپ جاۋاپ بەردى. مۇنداي جاعدايدا ەۋرووداققا مۇشە بولۋدان قانداي دا ءبىر ماعىنا بار ما, دەپ اتاپ كورسەتتى يتاليا ىشكى ىستەر ءمينيسترى روبەرتو ماروني ليۋكسەمبۋرگتەگى كەزدەسۋ قورىتىندىسىندا.
كەلىسسوزدەردى قايتا باستاۋعا شاقىردى
بۇۇ باس حاتشىسى پان گي مۋن كورەيا تۇبەگىندەگى جانجالداسۋشى ەلدەردى ۇنقاتىسۋدى قالپىنا كەلتىرىپ, وڭىردەگى شيەلەنىستى باسەڭسىتۋ ءۇشىن قىزمەتتەستىكتى كەڭەيتە تۇسۋگە شاقىردى.
پان گي مۋن يادرولىق پروبلەما جونىندەگى التى جاقتى كەلىسسوزدەردى نەعۇرلىم تەزىرەك قايتا باستاۋ كەرەك دەپ ەسەپتەيدى. «التىلىقتىڭ» كەلىسسوزدەرى رەسەيدىڭ, قىتايدىڭ, جاپونيانىڭ, اقش-تىڭ كحدر-ءدىڭ جانە وڭتۇستىك كورەيانىڭ ديپلوماتتارىنىڭ قاتىسۋىمەن 2003 جىلى باستالعان بولاتىن. پان گي مۋن وڭتۇستىك كورەيانىڭ سىرتقى ىستەر جانە سىرتقى ساۋدا ءمينيسترى لاۋازىمىندا بولعان 2004-2006 جىلدارداعى كەزەڭدە عانا كەلىسسوزدەردە تابىستارعا قول جەتكىزىلگەن ەدى.
قىتايدىڭ سولتۇستىگىندە 7,5 مىڭنان استام ادام, نەگىزىنەن اسكەري قىزمەتشىلەر مەن پوليتسەيلەر, ورماندى ورتتەن قورعاپ قالۋ ءۇشىن كۇش سالۋدا.
حەبەي پروۆينتسياسىنداعى ورمان القابىنداعى ءورت وتكەن سەيسەنبى كۇنى باستالعان. باستاپقى ءورت ءسوندىرۋ شارالارى ناتيجە بەرمەگەن, ءسويتىپ, تاڭعا جۋىق وت-جالىن ورماننىڭ 133 گەكتار ۋچاسكەسىن قامتىعان. ءورتتەن زارداپ شەككەندەر تۋرالى مالىمەت جوق. قىتايدىڭ ورتالىق پروۆينتسيالارىنىڭ ءبىرى بولىپ تابىلاتىن حەبەيدە سوڭعى ايلاردا مەيلىنشە قۇرعاقشىلىق بولىپ تۇرعانىن ايتا كەتۋ كەرەك.
تەراكت جاسادى دەگەن كۇدىكتى ۇستالدى
بەلارۋس رەسپۋبليكاسىنىڭ استاناسى مينسك قالاسىنداعى مەترودا بولعان تەررورلىق اكتىنى جاسادى دەگەن كۇدىكتى ۇستالدى.
باس پروكۋراتۋرانىڭ وكىلى اندرەي شۆەدتىڭ جۋرناليستەرگە حابارلاعانىنداي, جاس ادامنىڭ جارىلىسقا قاتىسى بار ەكەندىگى ءىس جۇزىندە دالەلدەنگەن. ونى ول ادامنىڭ ايتقاندارى دا, سىرتقى باقىلاۋ كامەراسىنداعى جازبالار دا راستاپ وتىر. تەرگەۋ توبىنىڭ باسشىسى جارىلىستى ورىنداۋشىنىڭ 1986 جىلى تۋعان جىگىت ەكەنىن حابارلاعان. سول سياقتى جارىلىستى وبلىس ورتالىعىنان كەلگەن جاستاردىڭ جاساعاندىعى تۋرالى دا اڭگىمەلەر بولعان. بىراق قاي وبلىستان ەكەندىگى ناقتىلى ايتىلماعان كورىنەدى.
ينتەرنەت ماتەريالدارى نەگىزىندە ازىرلەندى.
قىتايدىڭ سولتۇستىگىندە 7,5 مىڭنان استام ادام, نەگىزىنەن اسكەري قىزمەتشىلەر مەن پوليتسەيلەر, ورماندى ورتتەن قورعاپ قالۋ ءۇشىن كۇش سالۋدا.
حەبەي پروۆينتسياسىنداعى ورمان القابىنداعى ءورت وتكەن سەيسەنبى كۇنى باستالعان. باستاپقى ءورت ءسوندىرۋ شارالارى ناتيجە بەرمەگەن, ءسويتىپ, تاڭعا جۋىق وت-جالىن ورماننىڭ 133 گەكتار ۋچاسكەسىن قامتىعان. ءورتتەن زارداپ شەككەندەر تۋرالى مالىمەت جوق. قىتايدىڭ ورتالىق پروۆينتسيالارىنىڭ ءبىرى بولىپ تابىلاتىن حەبەيدە سوڭعى ايلاردا مەيلىنشە قۇرعاقشىلىق بولىپ تۇرعانىن ايتا كەتۋ كەرەك.
تەراكت جاسادى دەگەن كۇدىكتى ۇستالدى
بەلارۋس رەسپۋبليكاسىنىڭ استاناسى مينسك قالاسىنداعى مەترودا بولعان تەررورلىق اكتىنى جاسادى دەگەن كۇدىكتى ۇستالدى.
باس پروكۋراتۋرانىڭ وكىلى اندرەي شۆەدتىڭ جۋرناليستەرگە حابارلاعانىنداي, جاس ادامنىڭ جارىلىسقا قاتىسى بار ەكەندىگى ءىس جۇزىندە دالەلدەنگەن. ونى ول ادامنىڭ ايتقاندارى دا, سىرتقى باقىلاۋ كامەراسىنداعى جازبالار دا راستاپ وتىر. تەرگەۋ توبىنىڭ باسشىسى جارىلىستى ورىنداۋشىنىڭ 1986 جىلى تۋعان جىگىت ەكەنىن حابارلاعان. سول سياقتى جارىلىستى وبلىس ورتالىعىنان كەلگەن جاستاردىڭ جاساعاندىعى تۋرالى دا اڭگىمەلەر بولعان. بىراق قاي وبلىستان ەكەندىگى ناقتىلى ايتىلماعان كورىنەدى.
ينتەرنەت ماتەريالدارى نەگىزىندە ازىرلەندى.
