الەۋمەتتىك ارىپتەستىك كەپىلى

ۇشجاقتى كەلىسىمنىڭ ورىندالۋىنا بايلانىستى قازاقستان رەسپۋبليكاسىنىڭ اتا زا­ڭىندا اركىمنىڭ ەڭبەك ەتۋ بوستاندىعىنا, قىزمەت پەن كاسىپ ءتۇرىن ەركىن تاڭداۋىنا قۇ­قىعى بار ەكەنى اتاپ كورسەتىلگەن. ال, ومىردە كەزدەيسوق جايلار بولاتىنىن ەسكەرسەك, ەڭبەك ادامىنىڭ قۇقىعىن قورعاۋ قاجەتتىگى تۋىندايتىن كەزدەر دە كەزدەسەدى. بۇل ماسەلە كاسىپوداق ۇيىم­دارىنان قولداۋ تاۋىپ, ۇشجاقتى كەلىسىم ناتيجەسىمەن شەشىلەتىنىنە كوز جەتكىزىلدى. وڭىردە وتكەن جىلى 37 ادام جۇمىس ورنىندا زارداپ شەكسە, ونىڭ 18-ءى اۋىر جاراقات الىپ, ەڭبەككە جارامسىز رەتىندە تىركەلگەن. ۇشجاقتى كەلىسىم ارقاسىندا وسى ازاماتتاردىڭ قۇقىقتارى قورعا­لىپ­تى. 2008-2010 جىلدارى ارالىعىندا ات­قارىلعان جۇمىس قورىتىندىسى شىعا­رىلىپ, الداعى مىندەتتەر ايقىندالدى. كاسىپوداق قىزمەتىن قايتا جاندان­دى­رۋ قاجەتتىگىن كوتەرگەن مىرزاعالي مول­داحمەتتىڭ باسشىلىعىمەن وڭىردەگى كوپتە­گەن مەكەمەلەردە كاسىپوداق ۇيىمدارى جۇ­مىس ىستەۋدە. ولاردىڭ جۇمىس بەرۋشىنىڭ جالاقىنى ۋاقتىلى تولەۋىن, جۇمىس­شى­لارعا الەۋمەت­تىك-تۇرمىستىق جاعداي جاساۋ مەن ەڭبەككەرلەردىڭ قۇقىعىن قورعاۋ جانە ەڭبەك زاڭىنىڭ ورىندالۋىن قاتاڭ با­قى­لايتىنىن ايتۋعا بولادى. ءناتي­جە­سىندە قان­شاما ازامات ءوز قۇقىقتارى قور­عالۋىنا جول اشسا, وزگە دە ماسەلەلەر شەشىمىن تابۋدا. بۇل ۇشجاقتى كەلىسىمدەگى نەگىزگى تار­ماقتاردىڭ ءبىرى. كەلىسىم اياق­تا­لىپ, وتكەن جۇمىسقا ەسەپ بەرىلىپ, جاڭا­سىن تالداعان باسقوسۋداعى وزەكتى ماسەلە وسى­عان تىرەلدى. الماتى كاسىپوداقتار وداعىنىڭ ءتور­اعا­سى مىرزاعالي مولداحمەت ءار جۇمىسشى ءوز قۇقىعىن ءبىلۋى ءتيىس, سوندا عانا داۋلى ماسەلە بولمايدى, دەدى. ۇشجاقتى كەلىسىم – الەۋ­مەتتىك ارىپتەستىكتىڭ نەگىزى. الماتى وب­لى­سى­نىڭ اكىمى, الماتى كاسىپوداقتار ودا­عى ءجا­نە جەتىسۋ ءوڭىرىنىڭ جۇمىس بەرۋشىلەر بىرلەس­تىكتەرى 2008-2010 جىل­دار­عا ۇشجاق­تى كەلىسىمگە وتىرعان. وتكەن جىل­دار ارا­لى­عىن­داعى كەلىسىم مەرزىمى اياق­تالدى. وسى ارا­لىقتا حالىقتى الەۋمەتتىك قورعاۋ, ولاردىڭ تابىسى مەن ءومىر ءسۇرۋ دەڭگەيى, ەڭبەك قاۋىپ­سىزدىگى جانە باسقا دا الەۋ­مەتتىڭ الەۋەتىن كو­تە­رۋگە باعىتتالعان جۇ­مىستار جايلى ەسەپ­تەر تىڭدالىپ, كوپ­تەگەن جايلار ورتاعا سالىندى. وبلىستىق جۇمىسپەن قامتۋدى ءۇي­لەس­تىرۋ جانە الەۋمەتتىك باع­دارلامالار باس­قارماسىنىڭ باستىعى ۇمسىن بالابيەۆا الەۋمەتتىك سالاداعى اتقارىلعان جۇمىس قورىتىندىسى جايلى ايتتى. ءما­سەلەن, ءوت­كەن جىلدارى ءوڭىر حالقىن جۇ­مىسپەن قام­تۋ, جاڭا مامان­دىقتارعا وقى­تۋ, جاستاردى كاسىبي دايارلاۋ بارى­سىن­داعى جۇمىستار جاندانا ءتۇسىپتى. وسى­لايشا بولىنگەن قا­راجات ءتيىمدى جۇم­سالىپ, مىڭداعان جۇمىس ورنى اشىل­عا­نىن ايتقان ءجون. ۇشجاقتى كەلىسىمنىڭ تاعى ءبىر باعىتى – بالالار قۇقىعى. ولاردىڭ ءبىلىم الىپ, دەمالىستارىن ءتيىمدى وتكىزۋىنە باعىت­تال­عان شارالاردىڭ ءوز دەڭگەيىندە بولۋىن قا­داعالاۋ ءوز جەمىسىن بەرگەن. تالاي جىل­دار­دان بەرى ايتىلعان بالالارعا ارنالعان دەمالىس لاگەرلەرى جايلى وزەكتى ماسەلە دە ۇشجاقتى كەلىسىم ناتيجەسىندە شەشىمىن تاباتىندىعى. ەندى بالالار بۇرىنعىداي مەكتەپ جانىنداعى لاگەرلەردە دەمال­ماي­دى. اسەم تابيعات اياسىندا ارنايى لاگەر سالۋ جەدەل قولعا الىنۋدا. ۇشجاقتى كەلىسىم جالعاسىن تابادى. ون­ىڭ ماقساتى مەن ءمۇد­دەسى جەتىسۋ­لىق­تاردىڭ ەرتەڭگى ءومىرىن قالىپتاستىرۋعا نەگىزدەلۋدە. كۇمىسجان بايجان. الماتى وبلىسى.