جەڭىمپازعا – جاڭا پاتەر

الماتىدا وتكەن ءXXVIIى دۇنيەجۇزىلىك قىسقى ۋنيۆەر­سيادانىڭ مۋلتيمەداليسى اننا شەۆچەنكو پاۆلودار قالاسىنان ەكى بولمەلى پاتەرگە يە بولدى. جاقىندا وبلىس اكىمى بولات باقاۋوۆ سپورتشىعا جاڭا پاتەردىڭ كىلتىن تابىس ەتتى. ءوڭىر باسشىسى ءوز سوزىندە ۋنيۆەرسياداعا قاتىسقان پاۆلودارلىق سپورتشىلاردىڭ اياق الىسىن ءجىتى باقىلاعانىن اتاپ ءوتتى. سونداي-اق, ەل قور­جىنىنا 5 جۇلدە سالعان اننا شەۆچەنكونىڭ تابان­دىلىعىنا ءتانتى بولعانىن جەتكىزدى. ا.شەۆچەنكو ۋنيۆەر­سيا­دادان كەيىن ەستونيا جانە فينليانديا ەلدەرىندە وتكەن حالىقارالىق جارىستارعا قاتىستى. ونىڭ ەندىگى ماق­­ساتى – كەلەر جىلى كو­رەيا رەس­پۋبليكاسىندا ۇيىمداس­تى­رىلاتىن قىسقى وليم­پياداعا جولداما الۋ. سوندىقتان, ول ءتورت جىلدىقتىڭ باستى دوداسىنا تىڭعىلىقتى دايىن­دىقتى باستايدى. ا.شەۆچەنكو – ءXXVIIى دۇنيە­جۇزىلىك قىسقى ۋنيۆەر­سيا­دادا قازاقستان قۇرا­ماسىنا العاشقى جۇلدەنى سىيلاعان سپورتشى. سونداي-اق, الماتىدا 5 مەدالدان ەن­شى­لەگەن ەكى سپورتشىنىڭ ءبىرى – وسى شەۆچەنكو. ول رە­سەي­لىك شاڭعىشى ليليا ۆا­­سيلەۆامەن بىرگە جەڭىس تۇعىرىنا بەس رەت (1 التىن, 1 كۇمىس جانە 3 قولا) كوتەرىلدى. ا. شەۆچەنكو ءۇش قولانى جەكەلەي سىندا يەلەنسە, التىن مەن كۇمىستى كوماندالىق جارىستاردا ولجالاعان. ا.شەۆچەنكو – ءبىر ۋنيۆەر­سيادادا 5 مەدال ۇتقان ال­عاشقى قازاقستاندىق سپورتشى-ستۋدەنت. بۇعان دەيىنگى رەكورد شاڭعىشى اناستاسيا سلونوۆاعا تيەسىلى ەدى. ول وسىدان ەكى جىل بۇرىنعى قىس­قى ۋنيۆەرسيادادا 2 التىن مەن 2 كۇمىستى, جالپى 4 مەدالدى موينىنا ىلگەن-ءدى. فارحات امىرەنوۆ, جۋرناليست پاۆلودار