ءامينانىڭ كۇلكىسى

قازاق ايەلدەرىنىڭ بولمىسىن قاپىسىز بەينەلەگەن ءامينا ومىرزاقوۆا اپامىزدىڭ كۇلكىسىن قالاي ۇمىتارسىڭ؟! ايگىلى اكتريسا رياسىز راحاتتانىپ كۇلگەندە الەم ونىڭ شاپاعاتىنا شومىلىپ تۇرعانداي بولماۋشى ما ەدى؟ ۇلتتىق كينەماتوگرافيانىڭ دارا كەلبەتىنىڭ ەڭ شىنايى ءساتىن ماڭگىلىككە ەستە قالدىرعان ءبىر ادام بولسا, ول - قورجىنىندا تالاي قازىناسى بار قىزىلوردالىق ءفوتوتىلشى بولات وماراليەۆ. ءفوتوتىلشى ءامينا اپا­مىزدىڭ كۇلكىسىن ءتۇسى­رۋ ءۇشىن ءبىراز ابىگەرگە تۇسكەن كورىنەدى. عاجايىپ رولدەرىن ايتپاعاندا, ەڭ العاشقى لەنينگرادتا ءوت­كەن بۇكىلوداقتىڭ كينو­فەستيۆالدە «ەڭ ۇزدىك ايەل ءرولى» اتاعىن جەڭىپ العان اكتريسانىڭ شىنايى كۇلكىسىن ءتۇسىرىپ الۋ ءۇشىن ءفوتوتىلشى ونى قىزىلورداعا گاسترولدىك ساپارمەن كەلگەن سايىن اڭديدى. – كەي سۋرەتتەردى مەن كوپشىلىككە ەندى كورسەتىپ ءجۇرمىن. كەزىندە جاريالانا قويمادى. ال مىنا سۋرەتتى اكتريسانىڭ وزىنە كورسەتۋدىڭ مۇمكىندىگى بول­مادى. ول كىسى قىزىل­ورداعا كەلگەن سايىن كورەرمەندەرىمەن كەزدەسىپ, قاۋقىلداسىپ, تاماشا كەز­­دەسۋلەر وتكىزۋشى ەدى. وعان قوسا كەزىندە «قازاق­فيلم» كينوستۋدياسى قى­زىلوردا وڭىرىندە ءامينا ومىرزاقوۆانىڭ قا­تىسۋىمەن كوركەم فيلم ءتۇسىردى. ول كىسى باستى رولدە وينادى. مەن اپايدىڭ كۇلگەندە ار جاعىنان جۇرەگى كورى­نەتىن ءساتىن ءتۇسىرىپ الامىن دەپ, دالادا ءبىر ساعات­تاي ءجۇردىم. جيىن اياقتا­لىپ, اكتريسا سىرتقا شىعا بەرگەندە, مەكتەپ الدىن­داعى ءبىر بالانىڭ قى­لى­عىنا راحاتتانا كۇلدى دە, تىستەرى جارق ەتە قالدى. مەن فوتو­اپ­پاراتتى شىرت ەت­كى­زىپ ۇلگەردىم. جالپى, ءامينا اپانى قىزىلوردا وڭىرىنە كەلگەن سايىن ءتۇسىرىپ ءجۇر­سەم دە, شىعارماشىلىق ماق­ساتىم ورىندالعانى وسى ەدى. نەگىزى ارتىستەردى فوتوعا ءتۇسىرۋ وڭاي, قالاعان بەي­نەڭدى سومداپ بەرەدى. بىراق, شىنايىلىقتى فوتووبەكتيۆتە ۇستاپ قالۋ وتە قيىن, – دەيدى ءفوتوتىلشى. ايناش ەسالي, «ەگەمەن قازاقستان» الماتى