وڭىرگە جاڭا اكىم تاعايىندالدى

كەشە پرەمەر-مينيستر كا­رىم ءماسىموۆ تالدىقورعان قال­ا­سى­نا كەلدى. ول وبلىستىق ءماسلي­حاتتىڭ كەڭەيتىلگەن سەسسياسىنا قاتىسقانداردى وسىعان دەيىن وب­لىس اكىمى قىزمەتىن اتقارعان سەرىك ۇمبەتوۆتىڭ مەملەكەت باس­شى­سى­نىڭ جارلىعىمەن باسقا جۇ­مىسقا اۋىسقانىنان حاباردار ەتتى. سەرىك ابىكەن ۇلى وبلىستى باس­قارعان جىل­دارى ءوڭىر ەكونو­مي­كاسى ءور­كەن­دەپ, حالىقتىڭ الەۋمەت­تىك-تۇر­مىستىق جاعدايى جاقسار­عانىن, ەل­باسى جولداۋىندا اتاپ كورسەتىلگەن ۇدەمەلى يننوۆاتسيالىق يندۋستريا­لاندىرۋ باعدارلا­ماسى­نىڭ, شاعىن جانە ورتا كاسىپ­كەر­لىكتى قولداۋ مەن باسقا سالالاردا جوسپارلى جۇ­مىس­تار جالعاسقانىن اتاپ ايتتى. سەسسيانىڭ كۇن تارتىبىندە وب­لىس اكىمى قىزمەتىنە ۇسىنىلعان انزار تۇرسىنحان ۇلى مۇساحا­نوۆ­تىڭ كانديداتۋراسىن دەپۋتاتتار ءبىراۋىزدان قولداسا, پرەمەر-مينيستر قازاقستان رەسپۋبليكاسى پرە­زيدەنتىنىڭ جاڭا اكىمدى تاعاي­ىنداۋ تۋرالى جارلىعىن وقىدى. ول بۇعان دەيىن وبلىس اكىمىنىڭ ورىنباسارى قىزمەتىن اتقارعان. ۇكىمەت باسشىسى جاڭا باس­شى­عا ەكونوميكانى ءارتاراپتاندىرۋ, قۇندى جوبالاردى جۇزەگە اسىرۋ, اگروونەركاسىپ كەشەنىن دامىتۋ جانە ءبىلىم بەرۋ, دەنساۋلىق ساق­تاۋ, حالىقتىڭ جاعدايىن كوتەرۋ, تاعى باسقا دا مىندەتتەردى نازاردا ۇستاۋدى تاپسىردى. كۇمىسجان بايجان. الماتى وبلىسى.