جۇمىسى جالعاسادى

قازاقستان رەسپۋبليكاسىنىڭ پرەمەر-ءمينيسترى كارىم ءما­سىموۆ سەيسەنبى كۇنى كەشكىلىك وسكەمەنگە كەلىپ, شىعىس قازاق­ستان وبلىسىنىڭ اكتيۆ جيىنىن وتكىزدى. جيىندى اشقان ۇكىمەت باسشىسى بەردىبەك ساپارباەۆتىڭ وبلىس اكىمى قىزمەتىنە قايتادان تاعايىندالعانى تۋرالى ەلباسى جارلىعىن وقىپ بەردى. وبلىستىق ارداگەرلەر كەڭەسى­نىڭ توراعاسى گ.بەرديۋگين, «يمستالكوم» كاسىپورنىنىڭ باسشى­سى, وبلىستىق ءماسليحاتتىڭ دەپۋ­تاتى م.لابۋكوۆ بەردىبەك ءماش­بەك ۇلىنىڭ ەكى جىل ىشىندە اتقار­عان ىستەرىنە جوعارى باعا بەردى. «جاڭا عانا دەپۋتاتتار كورپۋسى وبلىس اكىمىنىڭ كانديداتۋراسىنا ءبىراۋىزدان قولداۋ ءبىلدىردى. ءوڭىر­دە ۇدەمەلى يندۋستريالىق-يننو­ۆاتسيالىق جوبالار باتىل ءوندىرىس­كە ەنگىزىلۋدە, تەك وتكەن جىلى وڭىردە 15000-نان استام جۇمىس ورنى اشىلدى», دەدى ولار. ۇكىمەت باسشىسى ك.ءماسىموۆ ب.ساپارباەۆتى قۇتتىقتاپ, سەمەيدەگى جىلۋ بەرۋ قازاندىقتارىن جوندەۋدى جالعاستىرۋ, دەنساۋلىق ساقتاۋ, ءبىلىم بەرۋ سالالارىنا سەرپىن قوسۋ, شاعىن جانە ورتا كاسىپكەرلىكتى دامىتۋ, ادام­دار­دىڭ ءال-اۋقاتىن جاقسارتۋ­دا كوپ ىزدەنىستەر تانىتۋ قاجەتتىگىن اتاپ كورسەتتى. ۇدەمەلى جوبالاردى ودان ءارى جالعاستىرا بەرۋ كەرەكتىگى دە ءسوز بولدى. وڭداسىن ەلۋباي. وسكەمەن.