ىقىلاستى قۇتتىقتاۋلار, ىزگى تىلەكتەر

قازاقستان پرەزيدەنتى نۇرسۇلتان نا­زار­­باەۆ­­تىڭ اتىنا مەملەكەت, ۇكىمەت باس­شى­لا­رى­نان, حالىق­ارا­لىق ۇيىم­دار­دىڭ جەتەكشى­لە­رىنەن سايلاۋداعى جەڭى­سى­نە باي­لا­نىستى قۇتتىقتاۋلار كەلىپ تۇسۋدە. * * * مەملەكەت باسشىسى نۇرسۇلتان نازار­باەۆ­تى پرەزيدەنتتىك سايلاۋداعى سەنىمدى جە­ڭىسىمەن گەرمانيا فەدەراتيۆتىك رەسپۋبلي­كا­سىنىڭ پرەزيدەنتى كريستيان ۆۋلف قۇتتىقتادى. قۇتتىقتاۋدا بىلاي دەلىنگەن: پرەزيدەنت مىرزا, ءسىزدى قازاقستان رەسپۋبليكاسىنىڭ پرەزيدەنتى قىزمەتىنە قايتا سايلانۋىڭىزبەن شىن جۇرەكتەن قۇتتىقتايمىن. گەرمانيا الداعى ۋاقىتتا دا ەكونوميكالىق جانە ساياسي رەفورمالاردى جۇرگىزۋ ىسىندە قازاقستان ءۇشىن سەنىمدى جانە جاقسى سەرىكتەس بولادى.   مەملەكەت باسشىسى نۇرسۇلتان نازار­باەۆ­­تى پرەزيدەنتتىك سايلاۋداعى سەنىمدى جە­ڭىسىمەن ازياداعى ءوزارا ىقپالداستىق جانە سەنىم شا­رالارى جونىندەگى كەڭەستىڭ (اوسشك) اتقارۋ­شى ديرەكتورى چىنار الدەمير قۇتتىقتادى. جوعارى مارتەبەلى, ءبىز ءسىزدىڭ ايرىقشا جەڭىسىڭىزگە بايلانىس­تى قۋا­نىشىڭىزدى تولىقتاي بولىسەمىز, ويتكەنى سىزدەر اوسشك-ءنىڭ مۇشەسى بولىپ تابىلاسىز­دار. وسى مۇمكىندىكتى پايدالانا وتىرىپ, ءسىز 1992 جىلى 5 قازاندا نەگىزىن قالاعان, كورەگەن جانە دانا قاعيداتتار, بۇگىندە, جيىرما جىل­دان كەيىن شىندىققا اينالدى, ال كەڭەستىڭ ءوزى ناقتى ماز­مۇنمەن تولىعا ءتۇسىپ, شىن مانىسىندە حالىقارالىق بەدەلگە يە بولعانىن اتاپ وتپەكپىن. اوسشك-گە مۇشە مەملەكەتتەردىڭ قاتارى ارتىپ, بۇگىندە 24 ەلگە جەتۋى, اوسشك قۇرۋ تۋرالى ءسىزدىڭ باستاماڭىزدىڭ دۇرىستىعىن, ۋاقتىلى جانە ومىرشەڭدىگىن راستايتىن ينديكاتور بولىپ تابىلادى.   مەملەكەت باسشىسى نۇرسۇلتان نازار­باەۆ­تى پرەزيدەنتتىك سايلاۋداعى سەنىمدى جە­ڭى­سى­مەن جاپونيا پرەمەر-ءمينيسترى كان ناوتو قۇتتىقتادى. قۇتتىقتاۋدا بىلاي دەلىنگەن: جوعارى مارتەبەلى, قازاقستان رەسپۋبليكاسىنىڭ پرەزيدەنتى بولىپ قايتا ساي­لا­نۋىڭىزعا بايلانىستى شى­­­نايى قۇتتىقتاۋىمدى قابىل الىڭىز. ەلىڭىز ءسىزدىڭ باسشىلىعىڭىزبەن ءارى قاراي دامي تۇسەدى جانە ورتاازيالىق اي­ماق­تىڭ تۇراقتىلىعىنا جانە گۇل­دە­نۋىنە ۇلكەن ۇلەس قوسادى دەگەن ۇمىتتەمىن. جاپونيانىڭ شىعىسىندا بولعان زۇلمات زىلزالاعا باي­لا­نىستى شىن جۇرەكتەن بىلدىرگەن كوڭىل ايتۋلارىڭىز ءۇشىن جانە قازاقستان رەسپۋبليكاسىنىڭ گۋمانيتارلىق كومەك كورسەتۋ تۋ­رالى ۇسىنىسى ءۇشىن العىسىمدى بىلدىرۋگە رۇقسات ەتىڭىز. جا­پونيا مەن قازاقستاننىڭ اراسىندا تاتۋ-ءتاتتى جانە دوستىق قارىم-قاتىناس ورناتىلعان. ەلدەرىمىزدىڭ اراسىنداعى قارىم-قاتىناستاردى نىعايتۋ جانە كەڭەيتۋ ءۇشىن سىزبەن ءارى قاراي دا ىنتىماقتاسۋعا نيەتتىمىن.   مەملەكەت باسشىسى نۇرسۇلتان نازار­باەۆتى پرەزيدەنتتىك سايلاۋداعى سەنىمدى جە­ڭىسىمەن گرەك رەسپۋبليكاسىنىڭ پرەمەر-ءمينيسترى گەورگيوس پاپاندرەۋ قۇتتىقتادى. قۇتتىقتاۋدا بىلاي دەلىنگەن: قۇرمەتتى پرەزيدەنت مىرزا, گرەكيا ۇكىمەتىنىڭ جانە جەكە ءوزىمنىڭ اتى­م­نان سىزگە, قازاقستان رەسپۋبليكاسىنىڭ پرەزيدەنتى بولىپ قايتا سايلانۋىڭىزعا وراي, شى­نايى قۇتتىقتاۋىمدى جەتكىزگىم كەلەدى. ءسىزدىڭ وسى قىزمەتتەگى جاڭا مەرزىمىڭىزدە ەل­دەرىمىزدىڭ اراسىنداعى ىنتىماقتاستىقتى تەرەڭدەتۋ ماق­سا­تىن­دا بىرگە تىعىز جۇمىس ىستەۋ مۇمكىندىگىنە يە بولامىز دەگەن سەنىمدەمىن. گرەك رەسپۋبليكاسى مەن قازاقستاننىڭ اراسىنداعى تاماشا قارىم-قاتىناستاردىڭ حالىقتار يگىلىگى ءۇشىن نىعايا تۇسەتىن­دىگىنە سەنەمىن.   مەملەكەت باسشىسى نۇرسۇلتان نازار­باەۆتى پرەزيدەنتتىك سايلاۋداعى تاماشا جەڭىسىمەن سينگاپۋر رەسپۋبليكاسىنىڭ پرەزيدەنتى سەللاپان رام ناتان قۇتتىقتادى. قۇتتىقتاۋدا بىلاي دەلىنگەن: قۇرمەتتى جوعارى مارتەبەلى, قازاقستان حالقى ءسىزدىڭ جوعارى مارتەبەلى كوشباسشىلى­عى­ڭىزدى جالعاستىرۋىڭىزعا ءوزى­نىڭ بەكەم سەنىمىن ءبىلدىردى. مەن سىزگە ءوز حالقىڭىزدى باسقارا وتىرىپ, پروگرەسس پەن گۇلدەنۋ جولىندا تابىستار تىلەيمىن. سوڭعى جىلداردا قازاقستان مەن سينگاپۋر اراسىنداعى قاتىناستار ارتا ءتۇستى. مەن سىزبەن ءبىزدىڭ ەلدەرىمىز اراسىنداعى ەكىجاقتى ىنتىماقتاستىقتى كەڭەيتۋ جانە تەرەڭدەتۋ جونىندەگى تىعىز جۇمىسقا ءۇمىت ارتامىن.   مەملەكەت باسشىسى نۇرسۇلتان نازار­باەۆ­تى پرەزيدەنتتىك سايلاۋداعى تاماشا جە­ڭىسىمەن موڭعوليا رەسپۋبليكاسىنىڭ پرەزيدەنتى تساحياگين ەلبەگدورج قۇتتىقتادى. قۇتتىقتاۋدا بىلاي دەلىنگەن: اسا قۇرمەتتى نۇرسۇلتان ءابىش ۇلى, ءسىزدى سايلاۋداعى تاماشا جەڭىسىڭىزبەن شىن جۇرەكتەن قۇتتىقتايمىن. جۇمىسىڭىزعا تابىس, دەنىڭىزگە ساۋلىق, ال دوستاس قازاقستان حالقىنا گۇلدەنۋ تىلەيمىن.