حالىق تىلەگى قابىل بولدى

حالىق ەل پرەزيدەنتتىگىنەن ۇمىتكەرلەر اراسىنان نۇرسۇلتان نازارباەۆتى تاڭداپ الاتىنىنا ءبارىمىز ءبىر كىسىدەي سەنگەن ەدىك. بۇل تاراپتا ينەنىڭ جاسۋىنداي كۇمان-كۇدىگىمىز بولماعاندىعىنا ار-وجدانىمىز كۋا. بارلىق وي-نيەتىمىز, پەيىلىمىز مەملەكەت باسشىسىنىڭ مەرەيىنىڭ ارتۋىنا اۋدى دا تۇردى. «ۇيعىر اۆازي» گازەتىنىڭ بەتىندە كۇن سايىن حالىقتىڭ وسىناۋ ىقىلاسى ايناداعىداي جارقىراپ كورىندى دەسەك, قاتە ايتپاسپىز. سايلاۋ كۇنگى قۇبىلاناما حالىق كوكىرەگىندەگى قاسيەتتى تاڭداۋدى قاتەلەستىرمەدى. ءۇمىتىمىز الدامادى, جيىرما جىل بويى ءجۇرىپ كەلە جاتقان تەمىرقازىق نىسانامىزدان اداستىرمادى. سولاي بولدى دا. بۇل – حالىقتىق تاڭداۋ, حالىق ەشقاشان دا قاتەلەسپەيدى, وعان ەشقانداي دا كۇمان جوق دەيتىنىمىز دە سوندىقتان عوي. ەلىمىزدەگى ىلگەرىلەۋ مەن ساياسي تۇراقتىلىقتىڭ, دە­مو­كراتيالىق دامۋدىڭ جار­قىن ۇلگىسىن كورسەتكەن ءتاۋ­ەل­سىز قازاقستان حالىق­ارا­لىق يگى ىستەردىڭ باستاما­شىسى بولىپ كەلە جاتقانى دا بەلگىلى. مۇنىڭ ءوزى ەلىمىزدەگى بىرلىك پەن ىنتى­ماق­تىڭ, دوستىق پەن تاتۋ­لىق­تىڭ ارقاسى ەكەندىگى ايدان انىق. ءبىزدىڭ وسىنداي بىرەگەي بىرلىگىمىزدىڭ, دايەكتى تۇ­راقتىلىعىمىزدىڭ نەگىزگى دەم بەرۋشىسى نۇرسۇلتان ءابىش­ ۇلى ەكەنىن ءبىز, قا­زاقستاندىق ۇيعىرلار, وتە جاقسى بىلەمىز. سونىڭ اي­قىن ايعاعىنداي, 3 ءساۋىر كۇنى وتكەن پرەزيدەنتتىك ساي­لاۋدا قازاقستانداعى ۇي­عىر دياسپوراسى 100 پايىز نۇرسۇلتان نازارباەۆتى قول­داپ داۋىس بەردى دەپ نىق سەنىممەن ايتا الامىن. ءويت­كەنى, حالقىمىزدىڭ قالت­قىسىز سەنىمىنە يە بولعان ەلباسىنىڭ جەڭىسى بىرلىگىمىز بەن ءوزارا تۇسىنىستىگىمىزدىڭ جەمىسى ەكەندىگىن ءبارىمىز كۇنبە-كۇن سەزىنۋدەمىز. جا­ڭا­عى سوزىمىزگە دالەل قاجەت بولسا, قازاقستان ۇيعىر­لا­رى­نىڭ باسىم كوپشىلىگى الماتى وبلىسىنىڭ ۇيعىر, پانفيلوۆ, ەڭبەكشىقازاق, تالعار اۋداندارىندا جانە الماتى قالاسىندا تۇرادى. ەگەر الماتى وبلىسىندا سايلاۋشىلاردىڭ 96,9 پايى­زى, الماتى قالاسىندا 68,5 پايىزى سايلاۋعا قاتىس­قا­نىن ەسكەرسەك, ولاردىڭ ارا­سىندا ۇيعىرلار از پايىزدى قۇراسا دا, 100 پايىز داۋىس­تارىن ەلباسىنا بەرگەنىنە كۇمانىم جوق. بۇل ۇيعىرلار جيىنتىق تۇراتىن ەلدى مەكەندەردەگى جىگىتباستارىنىڭ مالىمەتتەرى (جىگىتباسى — ۇيعىرلارعا ءتان جەرگىلىكتى ءوزىن-ءوزى باسقارۋ ينستيتۋتى سياقتى ۇلتتىق ءداستۇر). وسى مالىمەتتەرگە قاراپ وتىرىپ ءوزىمنىڭ تۋعان حالقىمنىڭ كەمەل كوشباسشى, الەمدىك دەڭگەيدەگى اسقاق ساياساتكەر, ءوز ەلباسىمىزعا تاعى دا داۋىس بەرىپ, رياسىز سەنگەندىگىنە ەلجىرەي قۋاندىم. ءيا, حالىقتىڭ تىلەگى قا­بىل بولدى. تۋىسقان دا قان­داس قازاق حالقىنىڭ عاسىر­لار بويى ارمانداعان تاۋەل­سىزدىگىنىڭ ىرگەتاسىن قالاعان نۇرسۇلتان نازارباەۆ قازاق باۋىرلارىمدى دا, بارلىق قازاقستاندىقتاردى دا جار­قىن بولاشاققا قاراي نىق سەنىممەن العا باستاپ كەلەدى. ارقانىڭ تورىندە ادەمى استانا قالاسىن تۇرعىزعان ەلباسى دۇنيە جۇزىنە قا­زاقستاننىڭ دەموكراتيالىق ەل ەكەنىن تانىتىپ, ەلىمىزدى الەمدىك دەڭگەيگە كوتەردى. سوندىقتان دا حالقىمىز ءوز پرەزيدەنتى ن.­ا.نا­زار­باەۆ­قا دەگەن شىنايى سەنىمى مەن ءسوزسىز قولداۋىن تاعى ءبىر رەت دالەلدەگەنىن كورىپ وتىر­مىز. قاتەلەسپەگەن حالىق تاڭداۋى شىنايى بۇكىل­حالىقتىق مەرەكەگە اينالىپ جاتقاندىعى دا ناق سون­دىقتان دەپ بىلەمىن. يۋلداش ازاماتوۆ, «ۋيعۋر اۆازي» گازەتىنىڭ باس رەداكتورى, قازاقستان حالقى اسسامبلەياسىنىڭ مۇشەسى.