ۇمىتىلمايتىن ءسات

ەلباسىن ۇلىقتاۋ سال­تانا­تىنا قاتىسۋ – مەن ءۇشىن عانا ەمەس, وسى وقي­عاعا ۇلەسىن قوسقان بارلىق ساربازدار ءۇشىن ۇلكەن ءمار­تەبە, ابىروي. 8 ءساۋىر – ءبىز­دىڭ ومىرىمىزدە ەڭ ەستە قا­لا­تىن كۇن بولىپ قا­لا­دى. ويتكەنى, پرەزيدەنتتى ۇلىق­تاۋ سال­تاناتىنا قاتىسۋ ەكى­نىڭ ءبىرىنىڭ ماڭدايىنا جا­زىلا بەرمەيتىنى ءسوزسىز. ءبىز ۇلىقتاۋ سالتاناتىندا قاس قاقپاي قىزمەت ەتتىك. ال وعان دايىندىقتىڭ ءوزى ءبىر ءتو­بە اڭگىمە. وسى شارادا ءبارىمىز دە وتانداس­تا­رى­مىزدىڭ نازارىندا بولاتىنىمىزدى ەسكەرىپ, وعان ءبىر ادامداي كۇن سايىن ساعاتتار بويى داي­ىندالدىق. قازىر ءبىزدىڭ بويىمىزدا ۇلىق­تاۋ شاراسىنان كەيىن ەلىمىز ءۇشىن, قارۋلى كۇش­تە­رىمىز ءۇشىن ماقتانىش سەزىمى كەرنەپ تۇر. مۇنداي جاۋاپتى, سىن ساعاتتاردا سىر بەرمەي ايتۋلى شاراعا قوسقان ۇلەسىمىز ءۇشىن ءبىزدى دايىنداعان قارۋلى كۇشتەرىمىزگە مىڭ دا ءبىر العىس. اسكەرگە وتكەن جىلى الماتى قالاسىنان شاقىرىلدىم. وسى ۋاقىت ىشىندە اسكەري ءتارتىپتىڭ نە ەكەنىن, وتان الدىندا قىزمەت ەتۋ, اسكەري بورىشتى وتەۋدىڭ ماڭىزدىلىعىن ءتۇسىندىم. اسكەردە ءجۇرىپ, سوندا ىسىلعان ساربازداردىڭ ءبارى ەرتەڭگى كۇنى ەلىمىز ءۇشىن ايانباي قىزمەت ەتەتىنىنە سەنەمىن. ويتكەنى, اسكەر ەڭ الدىمەن ادامنىڭ بويىندا وتانسۇيگىشتىك سەزىمدى قالىپتاستىرىپ, جيناقى دا جىگەرلى, سابىرلى دا شىدامدى بولىپ تاربيەلەنۋىنە سەپتىگىن تيگىزەدى. مەن 3 ءساۋىر كۇنى قازاقستاننىڭ بولاشاعى ءۇشىن ەلباسىنا داۋىس بەردىم. بۇل تاڭداۋىما پرەزيدەنتتىڭ تاۋەلسىزدىك العان كەزدەن بەرى ەلىمىزدى تورگە سۇيرەپ, حالقىمىزدىڭ باقىتتى ءومىر سۇرۋىنە ىستەپ جاتقان جۇمىستارى سەبەپشى بولدى. تيمۋر يسامولدا, قۇرمەتتى قاراۋىل روتاسىنىڭ بولىمشە كومانديرى.