جاڭا باسشىلاردى تانىستىردى

پرەمەر-مينيستر كارىم ءماسىموۆ كەشە بىرقاتار مينيسترلىكتەر مەن ۆەدومستۆولاردىڭ جاڭا باسشىلارىن تانىستىر­دى, دەپ حابارلادى پرەمەر-ءمينيستردىڭ ءباسپاسوز قىزمەتى. پرەمەر-مينيستر كارىم ءماسىموۆ ەكونوميكالىق دامۋ جانە ساۋدا مينيسترلىگىنىڭ ۇجىمىنا ونىڭ جاڭا باسشىسى قايرات كەلىمبەتوۆتى تانىستىردى. ك.ءماسىموۆ اتاپ وتكەندەي, مەملەكەت باسشىسى تاراپىنان ەل ۇكىمەتى الدىنا قويىلعان ستراتەگيالىق مىندەتتەمەلەر اياسىندا الداعى ۋاقىتتا ەكونوميكالىق دامۋ جانە ساۋدا مينيسترلىگىنىڭ قىزمەتى كەڭەيتىلەدى. *  *  * پرەمەر-مينيستر كارىم ءماسىموۆ «سامۇرىق-قازىنا» ۇلتتىق ءال-اۋقات قورى» اق ۇجىمىنا جاڭا توراعا تيمۋر ق ۇلىباەۆتى تانىستىردى. پرەمەر-مينيستر «سامۇرىق-قازىنا» ۇاق اۋقىمدى يندۋستريالاندىرۋدى, سونىمەن قاتار, ۇلتتىق كومپانيالاردا كورپوراتيۆتى باسقارۋ قاعيدالارىن ەنگىزۋ شارالارىن تابىستى جۇزەگە اسىرۋدى جالعاستىراتىنىنا سەنىم ءبىلدىردى. *  *  * پرەمەر-مينيستر كارىم ءماسىموۆ مەملەكەت باسشىسىنىڭ جارلىعىمەن كولىك جانە كوممۋنيكاتسيا مينيسترلىگىنىڭ جاڭا باسشىسى بولىپ تاعايىندالعان بەرىك كاماليەۆتى ۇجىمعا تانىستىردى. پرەمەر-مينيستر كولىك-كوممۋنيكاتسيا كەشەنىنىڭ ەل ەكونوميكاسىن ءتيىمدى نىعايتۋ, قازاقستاننىڭ الەمنىڭ باسەكەگە قابىلەتتى 50 ەلىنىڭ قاتارىنا كىرۋگە جاعداي جاساۋداعى اتقارىپ وتىرعان ءرولىنىڭ ماڭىزدىلىعىن اتاپ ءوتتى.