باسىم مىندەتتەر اتاپ ءوتىلدى

كەشە مەملەكەت باسشىسى نۇرسۇلتان نازارباەۆ قازاق­ستان رەسپۋبليكاسىنىڭ ىشكى ىستەر مينيسترلىگىندە بولىپ, ءىىم-ءنىڭ ۇجىمىنا قازاقستان رەسپۋبليكاسىنىڭ جاڭا ىشكى ءىس­تەر ءمينيسترىن تانىستىردى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. پرەزيدەنتتىڭ جارلىعىمەن گە­نەرال-مايور قالمۇحانبەت قا­سىموۆ ىشكى ىستەر ءمينيسترى بولىپ تاعايىندالدى. قۇقىق قورعاۋ ۆەدوم­ستۆوسى­نىڭ قىزمەتكەرلەرىنە جاڭا ىشكى ىستەر ءمينيسترىن تانىستىرا وتى­رىپ, پرەزيدەنت پوليتسيا جانە ىشكى اسكەر قىزمەتكەرلەرىنە جاق­سى جۇمىستارى ءۇشىن العىسىن اي­تىپ, باسىم مىندەتتەردى اتاپ ءوتتى. – قاسىموۆ ەڭبەك جولىن تەرگەۋشىدەن, اعا تەرگەۋشىدەن باستا­عان. ول زاڭگەر, ىشكى ىستەر جۇيە­سىندە ءومىر بويى ەڭبەك ەتىپ كەلەدى. مەن تاياۋدا نەگىزگى مىندەتتەرى بەلگىلەنگەن ىشكى ىستەر مينيستر­لىگىنىڭ القا ءماجى­لىسىنە قاتىستىم. بۇگىندە سونداي-اق بىرقاتار مىندەتتى شەشۋ قاجەت. ءبىرىنشى, مينيستر مەن ونىڭ ورىنباسارلارى ۆەدومستۆونىڭ ءوز ىشىندەگى جەمقورلىققا قارسى ءىس-ارەكەتكە جەكە جاۋاپ بەرەدى. مەن بۇل مىندەتتى تاعايىندالعان بار­لىق مينيسترلەردىڭ الدىنا قويا­مىن. مينيسترلەر مەن ولاردىڭ ورىنباسارلارى – ءوز ۆەدومستۆو­لارىن­داعى سىبايلاس جەمقور­لىق­قا قارسى كۇرەسكە نەگىزگى جاۋاپ­تىلار. ەگەر ونىمەن مينيستر­لىك­تىڭ باسشىلىعىنىڭ بىرەۋى اينا­لىس­قان بولسا, وندا بۇكىل قۇرام جانە مينيستر ءوز قىزمەتىندە قالۋعا قۇقى جوق, – دەدى ەلباسى. – ەكىنشى ماسەلە – بيزنەسمەندەرگە ءزابىر كورسەتۋگە جول بەرىلمەۋى ءتيىس. ءبىز قازىر ىسكەر ادام­دارعا تولىقتاي ەركىندىك بەرىپ, ىسىنە ارالاسپاۋعا ءتيىسپىز. باسقا بارلىق ماسەلەلەر بويىنشا مەن ءتارتىپ ەنگىزەمىن, تەكسەرۋشى ور­گان­داردى قىسقارتۋ كەرەك. ءۇشىن­شى ماسەلە – كادرلاردى تاربيەلەۋ. قۇرامعا جاستار كوپتەپ كەلىپ جاتادى, ولاردى وقىتۋ كەرەك. زاڭدى, ءوز قۇقىقتارى مەن مىندەتتەرىن بىلۋلەرى كەرەك, قاراپايىم ادامداردىڭ مۇقتاجدىقتارىن ءتۇ­سىنۋ ءۇشىن ولارعا جاقىن بولۋ كەرەك. ەگەر ءوز قۇقىعىن, ءوز بوستان­دىعىن قورعاۋ ءۇشىن ءوتىنىش بىلدىرگەن ادام بولسا, پوليتسيا قىزمەت­كەرى وعان كومەكتەسۋى ءتيىس. تۇر­عىندار ونىڭ جۇمىسىنا قولداۋ كورسەتۋى ءۇشىن ول تۇرعىندارمەن ەتەنە جاقىن بولۋى كەرەك, دەدى مەملەكەت باسشىسى. ارينە, دەپ جالعادى ءسوزىن پرە­زيدەنت, الداعى ۋاقىتتا بىزگە زاڭنامانى جەتىلدىرۋ كەرەك. وسى ورايدا, ءبىز قازىر ىشكى ىستەر مينيسترلىگى تۋرالى زاڭ جوباسىن ازىرلەۋدەمىز. بارلىعىن: پوليتسيا قىزمەتكەرلەرىنىڭ ماتەريالدىق جاعدايىن, پوليتسيا قىزمەتكەرلە­رى ءۇشىن الەۋمەتتىك پاكەتتى ەسكەرۋ قاجەت, سونىمەن قاتار, حالىق ال­دىنداعى جاۋاپكەرشىلىگى مەن بەدەلىن كوتەرەتىن ۋاقىت جەتتى. وسى­لاي دەگەن ن.نازارباەۆ سون­دىق­تان بارىنەن حاباردار, ياعني ءتو­مەنگى ءجايتتى, اۋىل, اۋدان جاع­دايىن بىلەتىن ادامدى تاعايىن­داپ وتىرعانىن اتاپ كورسەتتى. ول وبلىستا جۇمىس ىستەدى, بۇكىل قا­زاقستاندى ارالاپ شىقتى, بۇكىل جۇيەنى, باسشىلىقتى تانيدى. ساي­لاۋدان كەيىن حالىق توپتاسا ءتۇستى. قازاقستاندىقتار مەرەكەلىك كوڭىل-كۇي كەشۋدە, حالىقتىڭ ءۇل­كەن قۋانىشتار كۇتەرى انىق. بۇل بىزگە زور جاۋاپكەرشىلىكتەر جۇك­تەي­دى. سىزدەر قىلمىسپەن العاش رەت بەتپە-بەت كەلەسىزدەر. جەرگىلىكتى جەرلەردەگى قاتارداعى پوليتسەيلەر, جول پوليتسياسىنىڭ قاتار­داعى قىزمەتكەرى – سىزدەر قىلمىسپەن كۇرەستە ەلدىڭ نەگىزگى كۇشىسىزدەر. سىزدەر ەڭ ۇلكەن قۇقىق قورعاۋ ۇيىمىسىزدار جانە ەلىمىزدە قۇقىق قورعاۋدى نىعايتۋ جونىندەگى ەڭ نەگىزگى كۇشسىزدەر, دەپ اتاپ ءوتتى مەملەكەت باسشىسى. نۇرسۇلتان نازارباەۆ ىشكى ىستەر مينيسترلىگى ۆەدومستۆو ال­دىن­دا تۇرعان بارلىق مىندەتتى ىسكە اسىراتىنىنا سەنىم ءبىلدىردى. ----------------------------------------- سۋرەتتەردى تۇسىرگەندەر س.بوندارەنكو, ب.وتارباەۆ.