«بايتەرەك» – كەرەكۋدە قوناقتا

ەل تاۋەلسىزدىگىنىڭ 20 جىلدىعىنا وراي استاناداعى پرەزيدەنتتىك مادە­نيەت ورتالىعىنىڭ ۇجىمى كەرەكۋگە كەلىپ قايتتى. اۋەلى گ.پوتانين اتىنداعى وبلىستىق تاريحي-ولكەتانۋ مۋزەيىندە  «ەلباسى جانە ءتاۋ­ەلسىز قازاقستان» اتتى كورمە  اشىلدى. كورمەنىڭ  اشىلۋ سالتاناتىنا وبلىس اكىمى با­قىتجان ساعىنتاەۆ, پرەزيدەنتتىك مادە­نيەت ورتالىعىنىڭ ديرەكتورى مىرزاتاي جولداسبەكوۆ قاتىسىپ, ءسوز سويلەدى. كور­مەنى  «نۇر وتان»  پارتياسى مۇشەلەرى, زيا­لى قاۋ­ىم وكىلدەرى, ستۋدەنت جاستار, قا­لا جۇرت­شى­لىعى ارالاپ كوردى. كورمەنىڭ ءمان-ماقساتى – ەلىمىزدىڭ تاۋەلسىزدىك جو­لىنداعى تاريحىن, 20  جىل ۋاقىتتا جەتكەن جەتىستىكتەردى كور­سەتۋگە ارنالعانىن دا ايتا كەتكەن ءجون. ورتالىقتىڭ جۇرتشىلىقپەن وتكەن  كەز­دەسۋىندە مىر­زاتاي جولداسبەكوۆ  ءسوز سويلەپ, كورمەگە ابى­لاي حان مەن قازىبەك بي شاپاندارى, «التىن ادام» سونداي-اق كوشپەندىلەر ءداۋىرىنىڭ بىرەگەي زەرگەرلىك بۇيىمدارى قويىلعانىن ايتتى. ارۋاقتى ابىلاي حان مەن قازىبەك بي­دىڭ شاپاندارىن كورۋ, ارينە, كەرەكۋلىكتەرگە ەرەكشە اسەر قالدىرعانى ءسوزسىز. بۇدان كەيىن ەستاي  اقىن اتىنداعى قالالىق ءما­دە­نيەت سارايىندا  پرەزيدەنتتىك مادەنيەت ورتالىعىنىڭ ۇلتتىق داستۇرلەر تەاترى ەلباسىنىڭ  ساحنالىق بەينەسىن سومداي­تىن «بايتەرەك» پوەتيكالىق-مۋزىكالىق سپەكتاكلىن كورسەتتى. اقىن نەسىپبەك ايت­ ۇلى­نىڭ «بايتەرەك» پوەماسى نەگىزىندە داي­ىن­دالعان وسىناۋ مۋزىكالىق-پوەتي­كا­لىق قو­يى­لىم جۇرتشىلىققا  ابدەن ۇنادى دەسەك, كەلەسى كۇنى مەملەكەت جانە قوعام قاي­رات­كەرى, پرەزيدەنتتىك مادەنيەت ورتا­لىعىنىڭ ديرەكتورى مىرزاتاي جولداس­بەكوۆتىڭ «ءتاۋ­ەلسىزدىك تاعىلىمى» اتتى شىعارما­شى­لىق كەشى ءوتتى. انشىلەر مەيرامبەك بەس­پاەۆ, ايگۇل ەلشىباەۆا, گۇل­جا­زيرا ءبو­كەي­حان­قىزى, گۇلميرا سارينا سەكىلدى ونەر جۇل­دىز­دارى شىعارماشىلىق كەشتىڭ ءسانىن كەلتىردى. فاريدا بىقاي. پاۆلودار.