جارقىرايدى «التىن اۋىل» وتتارى

اۋدان ورتالىعى – قاسكەلەڭ قالاسىنىڭ كۇنشىعىسىندا الىس­تان مەنمۇندالايتىن, كوز تارتىپ, كوڭىل قۋانتاتىن دەپ ايتۋعا انىق كەلەتىن ءبىر  ادەمى جەر بار. ونى «التىن اۋىل» شاعىن اۋدانى دەپ  اتايدى. شىنىندا دا,  «التىن اۋىل» دەسە دەگەندەي-اق. قازداي ءتىزىلىپ, قاتار قونعان, ساۋلەت ونەرىنىڭ سوڭ­عى ۇلگىلەرىنە ساي سالىنعان 7-9 قاباتتى ءزاۋلىم ۇيلەر قالانىڭ اجارىن ايرىقشا كىرگىزىپ, كوركىن وتە كوركەم ەتىپ تۇرعانى انىق. بۇگىندە وزىنشە ادەمى قالا­شىققا اينالعان شاعىن اۋدان­داعى بيىك  ۇيلەردە جۇزدەگەن وت­با­­سى الاڭ­سىز ءومىر ءسۇرىپ, ەڭبەك ەتۋدە. بالا-شاعا وسىرۋدە. ءاسى­رەسە, 2008-2010 جىلدارى مەملەكەتتىك «تۇر­عىن ءۇي» باع­دارلا­ماسى بو­يىن­شا قۇرىلىس قارقىن­دى ءجۇر­گىزىلىپ, يپو­تەكالىق جانە جالعا بەرۋ ءجۇ­يەسىمەن تالاي جىل پاتەر كىلتىن ارمانداعاندار ءۇي الدى. ولاردىڭ ىشىندە ۇلى وتان سوعى­سىنىڭ ارداگەرلەرى, كوپ با­لالى انالار, ءمۇ­گەدەكتەر, جاس  ماماندار, مەم­لەكەت­تىك سالا قىز­مەت­­كەرلەرى, مۇعا­لىمدەر, دارىگەر­لەر بار. ءسوز جوق, بۇل – ەلىمىزدەگى اسا ماڭىزدى مەملەكەتتىك-الەۋمەتتىك ساياساتتىڭ جەمىسى. ءتىپتى, مۇنى ەل تاۋەلسىزدىگىنىڭ جەڭىسى دە دەگەن بولار ەدىم ءوز باسىم. بۇل ءۇشىن ەلباسىنا, وبلىس, اۋدان باسشى­لا­رىنا ايتار العىسىم كوپ. ءبىز وسى بارلىق تۇرمىستىق جاعدايى بار ىقشام اۋداننان پاتەر العانداردىڭ ءبىرىمىز. ۇزاق جىل مەكتەپتە مۇعالىم بولىپ, جاس ۇرپاققا ءبىلىم مەن تاربيە بەردىك. ءسويتىپ, قيىندىعى دا, قىزىعى دا جەتىپ ارتىلاتىن ۇستازدىق جو­لىندا ءجۇز­دەگەن شاكىرتتى وقىتىپ, ۇلكەن ومىرگە قانات قاقتىردىق.  قازىر قۇرمەتتى دەمالىستا ەلىمنىڭ اماندىعىن تىلەپ وتىرمىز. جۇبايىم دا ەل قۇرمەتىنە بولەنگەن ازامات. ەكەۋىمىز ەرلى-زايىپتى رەتىندە بىرنەشە بالا  تاربيەلەپ وسىردىك, نە­مەرە سۇيدىك. بالالارىمىزدىڭ ال­دى قازاق جەرىنىڭ كىندىگى – استانادا جۇمىس ىستەيدى. ءسوزىمنىڭ سوڭىندا ايتارىم, اي­قىن جەڭىسكە جەتىپ, حالىق قا­لا­ۋىمەن  قايتا پرەزيدەنت بولىپ سايلانعان نۇرسۇلتان ءابىش ۇلىنىڭ  ەڭبەگىنە تەك تابىس, جەتىستىك تىلەيمىز! مايرا ابدىراسىلقىزى, زەينەتكەر ۇستاز.