كىتاپ كورمەسى اۋىلعا اتتاندى

بۇل شارا «ەل تاۋەلسىزدىگىنە – 20 جىل» دەپ اتالادى. وسى تاقىرىپتاعى ماڭىزدى, مازمۇندى كىتاپ كورمەسى ەندى وبلىستىڭ شالعايداعى اۋىلدارىن ارالايدى. سۇل­تانماحمۇت تورايعىروۆ اتىنداعى وبلىستىق كىتاپ­حانانىڭ ۇيىمداستىرۋمەن وتەتىن بۇل كوشپەلى كورمە ەلىمىزدىڭ وتكەنى, بۇگىنى, ەرتەڭى جايىندا تاعىلىمدى, تاريحي ماعلۇماتتار بەرە الادى. كورمەدە ءار جىلدارى جارىق كورگەن ەل ءومىرىنىڭ تاۋەلسىزدىك العانعا دەيىنگى, ودان كەيىنگى ەركىندىك ۋاقىتى, بولاشاعىن باياندايتىن جۇزدەن اسا كىتاپ بار. بۇلاردىڭ اراسىندا ەڭ باستى كىتاپتار قاتارىنان ەلىمىزدىڭ ساياسات پەن ەكونوميكادا قول جەتكىزگەن جەتىستىكتەرى, سونداي-اق, ەلباسى جانە قازاقستان حالقى اسسامبلەياسى جايلى ماز­مۇن­دى كىتاپتار ورىن العان. وسى جىلدار ىشىندە ەلىمىز الەم تانىعان مەملەكەتكە اينالدى, كەڭ اۋقىمدى ساياسي, ەكونوميكالىق جانە الەۋمەتتىك رەفورمالاردى ىسكە اسىرۋدا. مىنە, وسى جەتىستىكتەردىڭ ءبارىن اۋىلدىقتار جىل­جىمالى ستەندتەردەگى پوليگرافيالىق باسىلىمدار ار­قىلى كورە الادى. ال مەرەكەلىك كىتاپ كورمەسى اقتوعاي اۋدانىنىڭ شالعايداعى اۋىلدارىندا العاشقى ساپارلارىن باستاعان بولاتىن. فاريدا بىقاي. پاۆلودار وبلىسى.