ەلشى وتانداستارمەن جۇزدەستى

قازاقستان ەلشىسى زاۋىتبەك تۇرىسبەكوۆ ماسكەۋدە تۇراتىن ءبىر توپ  قازاقتارمەن كەزدەستى. ەلشى قا­زاقستاننىڭ الەۋمەتتىك-ەكو­ن­ومي­كا­لىق تابىستارى مەن  ين­دۋستريالىق-يننوۆاتسيالىق دامۋى جايىندا   اي­تىپ, وتانداس­تاردى قا­زاقستان پرەزيدەنتى ن.ءا. نازار­باەۆ­تىڭ  بيىلعى جولداۋىنىڭ حالىق­تىڭ  ءال-اۋقاتىن ارتتىرۋ, الەۋ­مەت­تىك جاڭارۋ باعىت­تارىن كوز­دەي­تىن نەگىزگى ەرەجەلەرىمەن تانىستىردى. مادەني-كوپ­شىلىك   ءىس-شارالاردى ۇيىمداس­تىرۋ­عا  بەلسەنە  قاتىسقانى ءۇشىن  ءبىر توپ وتانداستارعا كەڭەس ودا­عىنىڭ باتىرى باۋىرجان مو­مىش ۇلىنىڭ تۋعانىنا 100 جىل تولۋىنا وراي شىعارىلعان  قۇر­مەتتى بەلگى جانە قازاقستان ەلشى­سى­نىڭ العىس حاتتارى تابىس ەتىلدى. رەسەيلىك قازاقتار ءوز كەزەگىندە قازاقستاندا وتكەن پرەزيدەنت سايلاۋىنا جوعارى باعا بەرىپ, مەملەكەت باسشىسى نۇرسۇلتان نازار­باەۆتىڭ  سايلاۋداعى ايتۋلى جەڭى­سىمەن بارشا قازاقستان­دىق­تاردى شىن جۇرەكتەن قۇتتىق­تايتىن­دىق­تارىن جەتكىزدى. سون­داي-اق, ەلشى­لىكتىڭ  رەسەيدە تۇ­رىپ جاتقان وتان­داستارىمىزدىڭ جاي-كۇيىنە  تۇ­راق­تى كوڭىل بولە­تىندىگى ءۇشىن ريزا­شىلىقتارىن ءبىلدىردى. سەرىكقالي بايمەنشە, «ەگەمەن قازاقستان» – ماسكەۋدەن.