وتاندىق مەديتسينانىڭ وزەكتى ماسەلەلەرىن زەردەلەدى

مينيسترلىك باسشىلىعىمەن جانە توعزي قىزمەتكەرلەرىمەن كەزدەسۋ بارىسىندا ب.ءايتىموۆا قازاقستان رەسپۋبليكاسىنىڭ پرەزيدەنتى ن.نازارباەۆ جاريا ەتكەن 5 ينستيتۋتتىق رەفورمانى ىسكە اسىرۋ جونىندەگى «100 ناقتى قادام» ۇلت جوس­پارىن ورىنداۋ بويىنشا پار­لامەنتتىڭ قىزمەتى تۋرالى حاباردار ەتتى. سەنات كوميتەتىنىڭ ءتورايىمى ءوز سوزىندە مەملەكەت باسشىسى­نىڭ «قازاقستاننىڭ ءۇشىنشى جاڭ­عىرۋى: جاھاندىق باسەكەگە قابىلەتتىلىك» جولداۋىن­داعى باسىمدىقتاردى زاڭنامالىق تۇرعىدا قامتاماسىز ەتۋگە باسا نازار اۋداردى. سەناتور دەنساۋلىق ساقتاۋ جۇيەسىن جاڭعىرتۋداعى ينس­تي­تۋتتىڭ ەلەۋلى ۇلەسىن اتاپ وتسە, توعزي ديرەكتورى نۇر­لان باتپەنوۆ ينستيتۋت جۇمى­سىمەن تانىستىردى جانە ونىڭ قىزمەتىندەگى نەگىزگى كور­سەت­كىش­تەر تۋرالى ايتا كەلىپ, ينستي­تۋت­تاعى جانە بۇكىل ەلى­مىز­دەگى تراۆ­ماتولوگيا-ورتو­پەديا قىز­مە­تىندەگى وزەكتى ماسەلەلەرگە توق­تالدى. ينستي­تۋت ۇجىمىمەن وتان­دىق دەنساۋلىق ساقتاۋ سالا­سىن دامى­تۋدىڭ كەلەشەگى تۋرالى مۇددەلى پىكىرسايىس ورىستەدى. شارانى قورىتىندىلاي كەلىپ, ب.ءايتىموۆا سەناتورلار وسى مەديتسينالىق مەكەمەنىڭ جاع­­­دايىنان عانا ەمەس, جال­پى مەدي­تسينا سالاسىنىڭ احۋا­لى­نان حاباردار بولعانىن جەت­كىزدى. ايتىلعان ۇسىنىستار ەلى­­مى­زدەگى ساقتاندىرۋ مەدي­تسينا­سى سالاسىنىڭ نورما­تيۆ­تىك-قۇقىق­تىق بازاسىن قالى­پ­تاس­تىرۋ بارى­سىندا ەسكەرىلەتىن بولادى. بۇل ساپار مىندەتتى الەۋ­مەت­تىك مەديتسينالىق ساقتان­دىرۋدىڭ جاڭا ۇلگىسىن ەنگىزۋگە ازىرلىك اياسىندا كوميتەت مۇشە­لەرىن مەديتسينالىق ۇيىم­دار­مەن تانىستىرۋ شارالارى باع­دارلاماسى بويىنشا جۇزەگە اسقان بولاتىن. كوميتەت بۇعان دەيىن مىندەتتى الەۋمەتتىك مەدي­تسينالىق ساقتاندىرۋ قورى مەن «ۇلتتىق نەيروحيرۋرگيا ورتا­لىعى» اكتسيونەرلىك قوعا­مىنىڭ باسشىلىعىمەن دە كەزدەسۋ وتكىزگەن بولاتىن.