مەملەكەت بەدەلىن كوتەرەتىن شەشىم
پرەزيدەنت نۇرسۇلتان نازارباەۆتىڭ بيلىك تارماقتارى اراسىندا وكىلەتتىكتەردى قايتا ءبولۋ جونىندەگى شەشىمى قازاقستاندى الدىڭعى قاتارلى ەلگە اينالدىرادى. ەلدىڭ تاۋەلسىزدىك جىلدارىندا قول جەتكىزگەن تابىستارى, دامۋ دەڭگەيى ەسكەرىلە وتىرىپ جاسالعان بۇل قادام قازاقستاننىڭ ەۆوليۋتسيالىق جولمەن وركەندەۋىن قامتاماسىز ەتەدى.
اتقارۋشى ورگانداردىڭ قۇقىعى مەن ءمۇمكىندىكتەرىنىڭ ارتتىرىلۋى ەلدىڭ ورنىقتى دامۋىن نىعايتادى. پرەزيدەنت ن.نازارباەۆتىڭ بيلىك وكىلەتتىكتەرىن قايتا ءبولۋ باعىتىنداعى باستاماسى نەگىزىندە بولاتىن وزگەرىستەر قازاقستاننىڭ باتىس ەۋروپا جانە سولتۇستىك امەريكا ەلدەرىمەن ەكىجاقتى قارىم-قاتىناستارىن جانداندىرا تۇسەدى. بۇل ءوز كەزەگىندە قازاقستانعا قارجىلىق قاتىناستار مەن ەلدىڭ ۇلتتىق قاۋىپسىزدىك سالاسى بويىنشا كوپ پايدا اكەلەدى.
قورىتا ايتقاندا, اتالعان ماسەلەگە وراي كۇتىلىپ وتىرعان وزگەرىستەر قازاقستاننىڭ الەمدىك ارەناداعى بەدەلىن ءوسىرىپ, ورتالىق ازيا ايماعىنداعى وزىندىك ماڭىزدى ورنىن ودان ءارى نىعايتادى.
گلەنن سەليگ,
Selig Multimedia, Inc. كومپانياسىنىڭ پرەزيدەنتى (اقش)
دامۋدىڭ ەۆوليۋتسيالىق قادامى
مەنىڭ ويىمشا, پرەزيدەنت نۇرسۇلتان نازارباەۆ ۇسىنعان كونستيتۋتسيالىق رەفورمالار پرەزيدەنت, پارلامەنت جانە ۇكىمەت اراسىنداعى وكىلەتتىكتەردى وڭتايلى شەشۋگە مۇمكىندىك بەرەدى. سونداي-اق, پارلامەنتتىڭ اتقارۋشى بيلىكتىڭ قىزمەتىن باقىلاۋى كۇشەيەدى.
وسى رەفورمالار قازاقستانداعى ساياسي جۇيەنىڭ تۇراقتىلىعى مەن ورنىقتىلىعىن ارتتىرا تۇسۋگە جاعداي جاسايدى, مۇنىڭ ءوزى مەملەكەتتىك ەكونوميكانىڭ دامۋى مەن جالپى قوعامنىڭ جاعدايىن جاقسارتۋعا وڭ ىقپال ەتەتىن بولادى.
قازاقستان – وزىنە ءتان دامۋ جولىمەن كەلە جاتقان مەملەكەت, ال مىنا كونستيتۋتسيالىق رەفورما – ەلدىڭ ساياسي جۇيەسىنىڭ دامۋىنداعى ەۆوليۋتسيالىق جاڭا قادامدار.
كونستانتين (يوەل) رازۆوزوۆ,
يزرايل كنەسسەتىنىڭ (پارلامەنت) دەپۋتاتى
