استاناداعى مەملەكەتتىك قىزمەت سالاسىنداعى وڭىرلىك حاب قاتىسۋشى-ەلدەرى دەلەگاتسياسى ساپارى اۋقىمىندا ەكونوميكالىق ىنتىماقتاستىق جانە دامۋ ۇيىمىنىڭ شتاب-پاتەرىندە ورتالىق ازيا مەن كاۆكاز ەلدەرىندەگى مەملەكەتتىك قىزمەت رەفورمالارى قاراستىرىلدى.
حابتىڭ باسقارۋشى كوميتەتى توراعاسى ءاليحان بايمەنوۆ حابقا قاتىسۋشى ەلدەردىڭ مەملەكەتتىك قىزمەتىن جەتىلدىرۋدە ەىدۇ-عا مۇشە ەلدەردىڭ تاجىريبەسىنىڭ ماڭىزىن اتاپ ءوتتى. ول ايماقتاعى ەلدەر سوڭعى ون جىلدىقتا مەملەكەتتىك باسقارۋدىڭ تيىمدىلىگىن ارتتىرۋعا باعىتتالعان رەفورمالار جاساعانىن ايتتى.
«بۇل رەفورمالاردىڭ قارقىنى, اۋقىمى مەن تەرەڭدىگى مادەني-تاريحي, الەۋمەتتىك-ەكونوميكالىق كونتەكست پەن وسى ەلدەردىڭ اعىمداعى باسىمدىلىقتارىمەن انىقتالادى», – دەدى ءا. بايمەنوۆ.
سەمينار بارىسىندا قازاقستان, قىرعىزستان جانە گرۋزيانىڭ وكىلەتتى ورگان وكىلدەرى ءوز ەلدەرىندەگى مەملەكەتتىك قىزمەت رەفورمالارىنىڭ نەگىزگى باعىتتارى جايلى باياندادى. گرۋزيانىڭ مەملەكەتتىك قىزمەت بويىنشا بيۋرو ديرەكتورى ەكاتەرينا كارداۆا مەن قىرعىزستان مەملەكەتتىك كادر قىزمەتى ديرەكتورى نۋرحانبەك مومۋناليەۆ حابتىڭ ەىدۇ ەلدەرىمەن ىنتىماقتاستىقتى ىلگەرىلەتۋدەگى جەتەكشى رولىنە توقتالدى.
قاتىسۋشىلار قازاقستانداعى مەملەكەتتىك قىزمەت كادرلارىن ستراتەگيالىق باسقارۋ بويىنشا ەىدۇ شولۋىنىڭ الدىن-الا دايارلانعان ناتيجەلەرى تۋرالى وي ءبولىستى. سەمينار جۇمىسىنا حابتىڭ قاتىسۋشى ەلدەرىنىڭ وكىلەتتى ورگاندارى, پرەزيدەنت اكىمشىلىگى, ينۆەستيتسيا مەن دامۋ مينيسترلىگى قۇرىلىمدىق بولىمشىلەرى جەتەكشىلەرى قاتىستى. ودان وزگە قازاقستاننىڭ مەملەكەتتىك ورگاندارى وكىلدەرىنىڭ ەىدۇ-داعى سايكەسىنشە بولىمشەلەرىنىڭ جەتەكشىلەرىمەن ەكى جاقتى كەزدەسۋلەرى ءوتتى.
سوندا-اق, دەلەگاتسيا وكىلدەرىنىڭ القالى جيىنىندا استاناداعى مەملەكەتتىك قىزمەت سالاسىنداعى وڭىرلىك حابتىڭ باسقارۋشى كوميتەت توراعاسى ءاليحان بايمەنوۆتىڭ ەىدۇ مەملەكەتتىك باسقارۋ جانە اۋماقتىق دامۋ ماسەلەلەرى جونىندەگى ديرەكتورى رولف التەرمەن كەزدەسۋى ءوتتى. شارا اياسىندا رولف التەر وڭىرلىك حابپەن ىنتىماقتاستىقتى نىعايتۋدىڭ ماڭىزىن اتاپ ءوتىپ, حاب تۇعىرناماسى ارقىلى ءوز قاعيداتتارى مەن ستاندارتتارىن تاراتۋ بويىنشا بىرلەسكەن شارالار وتكىزۋگە دايار ەكەندىكتەرىن مالىمدەدى. ول حابتىڭ زەرتتەۋلەر جاساۋ قىزمەتىن جوعارى باعالاپ, ونىڭ ىشىندە, كەڭ كولەمدى ساراپتاما – عالامدىق جانە ايماقتىق ترەندتەر شولۋىن اتاپ ءوتتى.
ءاليحان بايمەنوۆ ءوز كەزەگىندە ايماق ەلدەرىندە مەملەكەتتىك قىزمەتتى دامىتۋدا ەىدۇ ۇلەسىنە توقتالىپ, بۇعان دەيىن مەملەكەتتىك قىزمەتكەرلەرگە ديرەكتوراتپەن بىرگە ترەنينگ, سەمينارلار وتكىزىلگەنىن ايتتى. سونىمەن بىرگە ول حابتىڭ زەرتتەۋلەرى, جاريالانىمدارى جانە باسقا دا باستامالارى تۋرالى باياندادى. التەر كەزدەسۋ سوڭىندا حابتىڭ حالىقارالىق جانە ايماقتىق ارىپتەستىكتەردى نىعايتۋداعى ءرولىن جوعارى باعالاپ, مەملەكەتتىك قىزمەتتى جەتىلدىرۋدەگى ىنتىماقتاستىقتى جالعاستىرۋعا نيەتتى ەكەندىگىن ءبىلدىردى.
حابتىڭ قاتىسۋشى ەلدەر اراسىندا «تەڭمەن تەڭ» فورماتىندا تاجىريبە الماسۋىن دامىتۋعا قوسقان ۇلەسى مەن مەملەكەتتىك قىزمەت كورسەتۋ ماسەلەلەرى بويىنشا حابتىڭ پراكتيكتەر اليانسى جۇمىسىن ەىدۇ ءتيىمدى ينستيتۋتتار تۇعىرناماسى حاتشىلىعى (EIP) جەتەكشىلەرىنىڭ ءبىرى ليزا ۋيليامس كەزدەسۋ كەزىندە جوعارى باعالادى. ول ءتيىمدى ينستيتۋتتار تۇعىرناماسىنىڭ حابتىڭ پاركتيكتەر اليانسى جۇمىسى مودەلىن ىلگەرىلەتىپ, ادەپ, مەملەكەتتىك قىزمەتتەگى بىرتۇتاستىق, مەملەكەتتىك ساتىپ الۋلار مەن ترانسپارەنتتىك ماسەلەلەر بويىنشا جاڭا اليانس قۇرۋعا قىزىعۋشىلىق تانىتىپ وتىرعانىن جەتكىزدى.
ەىدۇ سىبايلاس جەمقورلىققا قارسى جەلى جەتەكشىلىگى استانا حابىنا سىبايلاسقان جەمقورلىق پەن اكتيۆتەردى دەكلاراتسيالاۋ ماسەلەلەرى بويىنشا بىرلەسكەن ءىس-شارالار وتكىزۋدى ۇسىندى.
ايتا كەتەيىك, الەمنىڭ دامىعان 35 مەملەكەتىن بىرىكتىرەتىن ەىدۇ – مەملەكەتتىك قىزمەت سالاسىنداعى استانا وڭىرلىك حابى قۇرىلتايشىلارىنىڭ ءبىرى جانە نەگىزگى سەرىكتەسى بولىپ تابىلادى.
نۇرلىبەك دوسىباي,
«ەگەمەن قازاقستان»
