– قازاقستان ءوز تاۋەلسىزدىگىنىڭ 25 جىلىندا حالىقارالىق ارەنادا ۇلكەن بەدەلگە يە بولدى جانە الەۋمەتتىك-ەكونوميكالىق سالادا ماڭىزدى تابىستارعا قول جەتكىزدى.
مەن قازاقستان پرەزيدەنتى نۇرسۇلتان نازارباەۆتىڭ بيلىك تارماقتارى اراسىندا وكىلەتتىكتەردى قايتا ءبولۋ تۇرعىسىنداعى باستاماسىن وڭ باعالايمىن. ويتكەنى, بۇل قادام ەلدىڭ ساياسي جۇيەسىن ودان ءارى دەموكراتيالاندىرۋعا تىكەلەي اسەر ەتەدى. سونداي-اق, بۇل رەفورما يندۋستريالاندىرۋ, تەحنولوگيالىق جاڭعىرۋ, اۋىل شارۋاشىلىعىن دامىتۋ, ءبىلىم جانە دەنساۋلىق ساقتاۋ باعىتتارىن جەتىلدىرۋ ماسەلەلەرىندە ۇلكەن ماڭىزعا يە. ناقتىلاي ايتقاندا, اتالعان شەشىم قازاقستاننىڭ دامىعان 30 مەملەكەتتىڭ قاتارىنا قوسىلۋىنا جول اشادى.
مادجەد ابدەلازيز,
بۇۇ باس حاتشىسىنىڭ ورىنباسارى
قازاقستان پرەزيدەنتى نۇرسۇلتان نازارباەۆتىڭ بيلىك تارماقتارى اراسىندا وكىلەتتىكتى قايتا ءبولۋ جونىندەگى ۇندەۋىن الىستى بولجاي بىلەر تۇلعاعا ءتان تاريحي شەشىم دەپ بىلەمىن. پرەزيدەنت ءوز ەلىن دامىتا ءتۇسۋ ماقساتىندا بيلىك وكىلەتتىكتەرىن زامان تالابىنا ساي قايتا ءبولىپ, دەموكراتيا ۇردىستەرىن نىعايتۋدى كوزدەپ وتىر.
پرەزيدەنت سىرتقى ساياسات, قورعانىس پەن ۇلتتىق قاۋىپسىزدىك سالالارىن ءوز باقىلاۋىندا ۇستاماق. سونداي-اق, پرەزيدەنت بيلىك تارماقتارى اراسىندا «جوعارعى اربيتر» رولىنە يە بولادى. بۇل ءوز كەزەگىندە مەملەكەت باسشىسىنىڭ ۇلت كوشباسشىسى رەتىندەگى بەدەلىن ودان سايىن ورنىقتىرا تۇسەدى.
بۇل رەفورما پارلامەنتتىڭ ءرولىن كۇشەيتۋگە نەگىزدەلگەن. ول وزىنە بەرىلگەن زاڭدىق ءمۇمكىندىكتەر ارقىلى ۇكىمەتتى جاساقتاي الادى. سونىمەن ءبىرگە, پارلامەنت اتقارۋشى بيلىككە سەنىمسىزدىك تە كورسەتە الادى.
وسى رەفورما بويىنشا مەملەكەتتىك باعدارلامالاردى بەكىتۋ ۇكىمەتكە جۇكتەلەدى. بۇل ءوز كەزەگىندە مينيسترلەردىڭ ەلدىڭ الەۋمەتتىك-ەكونوميكالىق دامۋىنا قاتىستى وكىلەتتىگىن كەڭەيتىپ ءارى جاۋاپكەرشىلىگىن دە كۇشەيتەدى.
بۇدان بولەك, ەلدەگى بۇل وزگەرىستەر كونستيتۋتسيالىق كەڭەس, سوت جۇيەسى مەن پروكۋراتۋرا سالالارىن دا جەتىلدىرە تۇسپەك. مۇنىڭ بارلىعى ەلدە «اشىق ۇكىمەت» جۇيەسىن قالىپتاستىرۋعا ءمۇمكىندىك بەرەدى. قىسقاسى, بۇل رەفورما پارلامەنت پەن ۇكىمەتتىڭ جاۋاپكەرشىلىگى مەن ءرولىن ارتتىرادى. بۇل قادام قازاقستاننىڭ حالىقارالىق ارەناداعى باسەكەگە قابىلەتتىلىگىن جوعارىلاتادى. ال باسەكەگە قابىلەتتى بولۋ – ەلدىڭ ەكونوميكالىق دامۋىنا تىڭ سەرپىن بەرەدى.
داتۋك يوسۋف حاشيم,
«The Globalist» حالىقارالىق قاتىناستار جۋرنالىنىڭ باس رەداكتورى (مالايزيا)
