قازاقستاندىق بىرەگەيلىك – جاڭعىرتۋ كەپىلى

ەلورداداعى ۇلتتىق اكادەميالىق كىتاپحانادا «قازاقستان حالقى اسسامبلەياسى» قوعامدىق قورىنىڭ مۇرىندىق بولۋىمەن «قازاقستاندىق بىرەگەيلىك – قازاقستاندى جاڭعىرتۋدىڭ كەپىلى» اتتى دوڭگەلەك ۇستەل ءوتتى. ءىس-شاراعا پارلامەنت ءماجى­لىسىنىڭ دەپۋتاتتارى, اسسامبلەيا مۇشەلەرى, قوعام قايراتكەرلەرى, ەلىمىزدەگى ەتنومادەني بىرلەس­تىكتەردىڭ جەتەكشىلەرى جانە بەل­سەندى جاستار قاتىستى. «احىسقا» تۇرىك مادەني ورتا­لىعىنىڭ جەتەكشىسى اسكەر پي­ريەۆتىڭ پايىمداۋىنشا, تاۋەل­سىز­دىكتىڭ شيرەك عاسىرىندا قول جەت­كىزگەن جەتىستىكتەرىمىزدى الداعى ۋاقىتتا ەسەلەپ ارتتىرۋ كەرەك. مەملەكەت باسشىسىنىڭ «قازاق­ستاننىڭ ءۇشىنشى جاڭعىرۋى: جاھان­دىق باسەكەگە قابىلەتتىلىك» اتتى جولداۋىندا وسى ماقساتتى جۇزەگە اسىرۋ ءۇشىن اتقارىلاتىن جۇمىس­تار تولىق قاراستىرىلعان. – قازاقتا مۇشەلى جاس دەگەن ۇعىم بار. بۇگىندە ەلىمىزدىڭ تاۋەلسىزدىككە قول جەتكىزگەنىنە 25 جىلدان استى, ياعني ءبىزدىڭ مەملەكەتىمىز ەكىنشى مۇشەلى جاسىن تولتىرۋعا جاقىنداپ كەلەدى. 25 جاستان اسقان ادام سياقتى, ەلىمىز دە نىعايىپ, ءوزىنىڭ بولاشاعىن, قانداي باعىتتى بەتكە الاتىنىن ايقىنداپ الدى. ءبىزدى الدىمىزدا ۇلكەن بەلەستەر, كۇردەلى كەزەڭدەر كۇتىپ تۇر. ەر-ازامات ءوز ومىرىندە ءۇي سالىپ, اعاش وتىرعىزىپ, بالا ءسۇيۋى كەرەك دەگەن قاعيدانى بىلەسىزدەر. دەگەنمەن, ءۇي سالىپ, اعاش وتىرعىزعاننان كەيىن, ونى باعىپ-قاعۋ كەرەك. بالانى دا ءبىلىمدى, تاربيەلى, ساپالى ادام ەتىپ ءوسىرۋ ءۇشىن جۇمىس جاسايمىز. ولاي بولسا, جاس مەملەكەتىمىزدىڭ باسقالارمەن تەرەزەسى تەڭ, قۋاتتى ەل بولۋى ءۇشىن بىرىگىپ ەڭبەك ەتۋىمىز كەرەك, – دەدى اسكەر پيريەۆ. اقمولا وبلىسىنىڭ تسەلي­نو­گراد اۋدانىنداعى رودينا اۋىل­دىق وكرۋگىنىڭ اكىمى بەللا گاز­ديەۆا پرەزيدەنت جولداۋىندا ادا­مي كاپيتال ساپاسىن ارتتىرۋعا باسىم­دىق بەرىلگەنىنە توقتالدى. ونىڭ پىكىرىنشە, جاستاردىڭ ءبىلىمدى بولۋى ءۇشىن ورتا مەكتەپتەردەگى ءبىلىم ساپاسىنا كوبىرەك كوڭىل ءبولۋ كەرەك. – ەلدىڭ الەۋمەتتىك-ەكونو­ميكالىق احۋالىن جاقسارتۋدا, ەكونوميكالىق وسىمگە قول جەتكىزۋدە ەڭ ماڭىزدىسى ادامي كاپيتال, ءبىلىمدى ازاماتتار ەكەنىن ۋاقىتتىڭ ءوزى دالەلدەپ وتىر. پرەزيدەنت جولداۋىندا وسىعان باسىمدىق بەرىلدى. ال ازاماتتاردىڭ ءبىلىمدى بولۋى ءۇشىن ورتا مەكتەپتەر ەرەكشە ءرول اتقارادى. وكىنىشكە قاراي, ەلىمىزدەگى ورتا مەكتەپتەردىڭ بارلىعى بىردەي ساپالى ءبىلىم بەرىپ جاتىر دەپ ايتا المايمىز. رودينا اۋىلدىق وكرۋگىندەگى مەكتەپتەردە بىلىكتى مۇعالىمدەر جۇمىس ىستەيدى, جىلدامدىعى جوعارى ينتەرنەت بار, سىنىپتار قاجەتتى قۇرال-جابدىقتارمەن تولىق قامتىلعان. الايدا, ءبىزدىڭ توڭىرەگىمىزدەگى باسقا اۋىلداردا قىستىگۇنى جول جابىلىپ قالادى, ينتەرنەت جوق, وقۋ-قۇرالدارى تاپشى... وبلىس ورتالىقتارىنداعى زياتكەرلىك مەكتەپتەر مەن اۋىلدىق جەرلەردەگى مەكتەپتەردىڭ ءبىلىم بەرۋ دەڭگەيىن سالىستىرا المايسىز. مەنىڭشە, ءتيىستى مينيسترلىك ءبىرىنشى كەزەكتە بارلىق مەكتەپتە ساپالى ءبىلىم بەرۋدى قولعا الۋعا ءتيىس. سوندا عانا باسەكەگە قابىلەتتىلىك قالىپتاسادى, – دەدى بەللا گازديەۆا. دوڭگەلەك ۇستەل بارىسىندا قاتىسۋشىلار مەملەكەت باسشىسى ۇسىنعان كونستيتۋتسيالىق رەفورماعا قاتىستى ۇسىنىستار ازىرلەدى. ارنۇر اسقار, «ەگەمەن قازاقستان»