زاڭ ەرەجەلەرىن ءتۇسىندىردى

پارلامەنت سەناتىنىڭ دەپۋتاتى دارحان كالەتاەۆ استانا قالاسىنداعى قىلمىستىق اتقارۋ جۇيەسى دەپارتامەنتىنىڭ ەتس-166/10 مەكەمەسىندە بولدى, دەپ حابارلادى سەناتتىڭ ءباسپاسوز قىزمەتى. سەناتور تۇزەۋ مەكەمەلەرىنىڭ جۇمى­سىمەن تانىستى, مەكەمە قىزمەتكەر­لەرىمەن جانە سوتتالعاندارمەن كەزدەسۋ وتكىزىپ, راقىمشىلىق جانە پروباتسيا تۋرالى زاڭداردىڭ نەگىزگى ەرەجەلەرىن ءتۇسىندىرۋ جونىندە اڭگىمە بولدى. «مەملەكەت باسشىسى اتاپ وتكەندەي, راقىمشىلىق جاساۋ – ول مەملەكەت تاراپىنان جاسالعان ىزگىلىكتى ءىس. كىم قاتەلەستى, كىم جاڭىلدى, كىم زاڭدى بۇزدى, سولارعا ءوز جول­دارىن تازا پاراقتان باستاۋعا مۇمكىندىك بەردىك. ءبىزدىڭ وتانداستارىمىزعا دەگەن مەيىرىم, ءۇمىت جانە كەشىرىم شاراسى قوعامىمىزدى ساۋىق­تىرۋعا مۇمكىندىك بەرەدى», – دەپ اتاپ ءوتتى. د.كالەتاەۆ سوتتالعاندارمەن كەزدەسۋ كەزىندە. «پروباتسيا تۋرالى» زاڭنىڭ ەرەجەلەرىن تۇسىندىرە كەلىپ, سەناتور پروباتسيانىڭ ەكى ۇلگىسىنىڭ ەنگىزىلۋىنە بايلانىستى ەلىمىزدە ەسەپتە تۇرعان ادامداردىڭ مىنەز-قۇلقىن باقى­لاۋدىڭ ساپالىق تۇرعىداعى جاڭا جۇيە­سى مەن ءتۇرى جاسالىپ جاتقانىن اتاپ ءوتتى. ول جا­زانى ورىنداۋدىڭ بىزدەگى جۇيەسىن 1955 جىلى بۇۇ كونگرەسى قابىلداعان «نەل­سون مان­دەلا ەرەجەلەرى» دەپ اتالاتىن وقشاۋ­لان­­عان­­دارعا قاتىستى ەڭ از ستاندارتتار تا­لاپ­تارىنا سايكەس كەلتىرۋگە مۇمكىندىك بەرەدى. سەناتور ودان باسقا, مەكەمە اۋماعىنداعى تۇرعىن جاي عيماراتتارىندا, اسحانا مەن ورتا مەكتەپتە, سانيتارلىق بولىمدە بول­دى, ءوندىرىس ۋچاسكەسىمەن تانىسىپ, سوتتال­عان­داردى جەكە ماسەلەلەرى بويىنشا  قابىلدادى.