700 مىڭ كەسە ءسۇتتى شاي دايىندالادى

ۋنيۆەرسيادا كۇندەرى سپورت دەلەگاتسيالارى مەن ۆولونتەرلارعا ارناپ شاما­مەن 700 000 كەسە ءسۇتتى شاي دايىن­دالماق.   وسىعان دەيىن دە ۋنيۆەر­سيا­دانىڭ ۇيىمداستىرۋ كومي­تەتى ويىنداردى وتكىزۋگە بارىن­شا از بيۋدجەتتىك قارجىنى جۇم­ساۋ­دى ءوز الدىنا مىندەت ەتىپ قوي­عانى ايتىلىپ كەلدى. وعان قوسا, جوسپارلانعان بيۋدجەت ۇيىم­داستىرۋ جۇمىستارى باستالعالى بەرى ەكى ەسەگە دەيىن دەرلىك قىس­قارتىلدى. ال وتاندىق بيزنەس وكىلدەرى اراسىنان دەمەۋشىلەر مەن سەرىكتەستەردى تارتۋدىڭ ارقا­سىندا كەزەكتەگى بىرقاتار شىعىن­داردى تومەندەتۋگە مۇمكىندىك پايدا بولۋدا. بۇل تۋرالى «2017 جىلعى ال­ماتىداعى XXVIII دۇنيەجۇزىلىك قىسقى ۋنيۆەرسيادانى دايىنداۋ جانە وتكىزۋ جونىندەگى ديرەكتسيا» مق اپپارات باسشىسى ديدار ساعاديەۆ بىلاي دەيدى: – اسا اۋقىمدى سپورت ءىس-شارا­لارىن وتكىزۋ كەزىندە سەرىك­تەس­تەر مەن دەمەۋشىلەردى تارتۋ – بۇكىل الەمدە كەڭ تارالعان ءتا­جى­ري­بە, ول بيزنەسكە بىرەگەي مار­كە­تينگتىك مۇمكىندىكتەرگە جول اشىپ, ۇيىم­داس­تىرۋشىلارعا شىعىن­دا­ردى ايتارلىقتاي وڭتاي­لان­دىرۋ­عا ءمۇم­كىندىك بەرەدى. ۋني­ۆەر­سيادا­نىڭ ءساتتى ءوتۋى ءۇشىن قوسىل­عان كەز كەلگەن كومەك اسا ماڭىز­دى, سون­دىق­تان, ءبىز وسى ايتۋلى وقي­عانىڭ دايىندىعىنا بيزنەستىڭ بەلسەندى اتسالىسىپ وتىرعانىن قۇپتايمىز. سونىمەن, سارسەنبى كۇنى الما­تى­داعى XXVIII دۇنيەجۇزىلىك قىس­قى ۋنيۆەرسيادانى دايىنداۋ جانە وتكىزۋ جونىندەگى ديرەك­تسيا «RGBrands Kazakhstan» كوم­پا­نيا­سىمەن ىنتىماقتاستىق تۋرا­لى مامىلەگە قول قويدى. اتال­عان مامىلە اياسىندا كومپانيا ۋن­ي­­ۆەر­­سيادا سپورتشىلارىن, ۆولون­­تەر­­لارىن, تورەشىلەرىن, باپكەرلەرىن, باق وكىلدەرى مەن باسقا دا قاتىسۋشىلاردى ىستىق شايمەن قامتاماسىز ەتۋ ءۇشىن «پيالا Gold» قارا جانە كوك شا­يىن, سونداي-اق, 100% تابي­عي ۋلترا­پاس­تەرلەنگەن «مويو» ءسۇتى­­نىڭ 14 مىڭ ءليترىن ۇسىنادى. ۇسى­­نىل­­عان ونىمدەردەن 700 000 كەسە ءسۇت­تى شاي دايىندالادى دەپ كۇتىلۋدە. «ءبىز ۋنيۆەرسيادانىڭ قىسقى سۋىق كۇندەرى قوناقتارىمىز تۇلا بويدى جىلىتىپ, سەرگەكتىك سىيلايتىن, جارىستار اراسىنداعى ۇزىلىستە ەرەكشە راحاتقا بولەيتىن قازاقتىڭ قويۋ قارا شايىنان ءدام تاتىپ كورسە دەيمىز», – دەدى باق وكىلدەرىنىڭ قاتىسۋىمەن وتكەن مامىلە اياسىندا «RGBrands Kazakhstan» جشس باس ديرەكتورى تيمۋر قالتاەۆ. ايناش ەسالي, «ەگەمەن قازاقستان» الماتى