بيبىگۇل جەكسەنباي: «ابىروي KZ» – مادەنيەت مايەگىنەن, ءتىل تۇنىعىنان سۋسىنداتادى»

مەدياكەڭىستىك كەز كەلگەن ەلدىڭ ايناسى ىسپەتتى. ال وتا­نىمىزداعى وسى كەڭىستىك اۋانىنىڭ باسەكەگە قابىلەتتىلىگى مەن توزىمدىلىگى ۋاقىت تالابىنان تۋىنداپ وتىر. سەبەبى, باق سالاسىنىڭ دامۋ كورسەتكىشى ارقىلى مەملەكەتتىڭ قاندايلىق دەڭگەي بيىگىندە تۇرعانىن دا اڭعارۋ قيىن ەمەس. ءبىز «7-ءشى ارنانىڭ» ديرەكتورلار كەڭەسىنىڭ ءتورايىمى بي­بىگۇل جەكسەنبايعا جولىعىپ, ەل مەدياكەڭىستىگىنىڭ ءبىر تارماعى سانالاتىن ارناداعى اۋقىمدى جوبالار توڭىرەگىندە پىكىرلەسكەن ەدىك. – بيبىگۇل نۇرعاليقىزى, “7-ءشى ارنا” حابار تاراتۋدىڭ جاڭا جەلىسىنە كوشىپ, سونى وزگەرىستەرمەن تولىققانىن بىلەمىز. بۇل وزگە­رىس­تەردىڭ باستى وزەگى نەگە سايادى؟ – “جەتىنشى ارنانىڭ” اقپارات تاراتۋ جەلىسىندەگى وزگەرىستەرى ەفير­دە ۇلتتىق پرەمەرالىق جانە ويىن-ساۋىق كونتەنتتەر ۇلەسىن ەداۋىر ارتتىرۋعا باعىتتالعان, تەلەارنا­نىڭ جاڭا دامۋ ستراتەگياسىمەن تىكەلەي بايلانىستى. وسى جىلى پرە­مەرالىق كونتەنت ۇلەسى جاڭار­تىل­عان اقپارات تاراتۋ جەلىسىنىڭ شامامەن 80 پايىزىن, ال ويىن-ساۋىق باعدارلامالارى ەفيردىڭ شامامەن ۇشتەن ءبىر بولىگىن قۇراماق. بۇل وزگەرىستەر جالپى الەمدىك ترەندكە سايكەس بولىپ وتىر: كوپتەگەن ەلدەردە ويىن-ساۋىق باعدارلامالارىنىڭ تانىمالدىعى ارتۋدا, سونىمەن قا­تار كورەرمەندەر اۋديتورياسى­نىڭ سۇرانىسى ۇلتتىق مەنتاليتەت پەن سالت-ءداستۇردى ەسەپكە الا وتى­رىپ جاسالىنعان پرەمەرالىق تەلە­ونىم­دەرگە ارتىپ وتىر. جاڭا ستراتەگيا اياسىندا رەسەيلىك “ۆايت مەديا” كومپانياسىمەن جانە ويىن-ساۋىق باعدارلامالارىن شىعارۋدا الەمدىك كوشباسشى بو­لىپ تانىلاتىن Endemol كومپا­نيا­سىمەن كەلىسىم جاساستىق. بۇل كومپانيالار تەلەونىمدەردى ساراپتاۋ سالاسىندا قاجەتتى جانە ءارتاراپ­تاندىرىلعان جوبالار پورتفەلىنىڭ يەگەرلەرى. جوعارىدا اتالعان كومپانيالار ديستريبۋتسيالاۋ, بەيىمدەۋ جانە كونتەنتتى ءوندىرۋ سالاسىندا ءبىزدىڭ ارىپتەستەرىمىز اتاندى. «ۆايت مەديا» جانە Endemol كومپانيا­لارى­نىڭ جوبالارىنىڭ ۇلەسى جاڭا اقپارات تاراتۋ ەفيرلىك جەلىسىنىڭ 25 پايىزىن قۇرايدى. وسىلايشا, «7-ءشى ارنا» كورەر­مەن­دەرى جاڭا ماۋسىمدا, Endemol كوم­پانياسىنىڭ تانىمال ەۋروپا­لىق تە­لەۆيزيالىق شوۋلارى: “باسپانا بابى” (“Home edition”), ء“سان سايى­سى” (Make me a Supermodel) “سال­ماق پەن قاڭباق” (Supervise vs Su­per­scinny), سونىمەن قاتار ارنا­يى قازاقستان ءۇشىن بەيىمدەلگەن ويىن-ساۋىق باعدارلامالارىن تاماشالاۋدا. “قىرىق ميلليون تەڭگە شوۋى” – Endemol كومپانياسىنىڭ Endemol The Money Drop جاڭا فورماتىنان بەيىمدەلگەن تۋىندى. ناۋرىز ايىنىڭ 25 جۇلدىزىنان باستاپ ارنامىزدان تانىمال رەسەيلىك Comedy Club فورماتىنىڭ ار­نايى قازاقستان ءۇشىن بەيىمدەلگەن نۇسقاسى ەفيرگە شىعارىلدى. جاڭا ەفيرلىك جەلىسىنىڭ تانىمال جوبا­لارى­نىڭ ءبىرى رەتىندە, قازاقتىڭ ەجەلگى سالت-ءداستۇرى نەگىزىندە جاسا­لىنعان تىڭ جوبالارىمىزدىڭ ءبىرى رەتىندە “جار-جار” شوۋىن اتاپ وتۋگە بولادى. ەفير تولىقتى­رى­لۋ­ىن­داعى وزگەرىستەر جاڭا اقپارات تاراتۋ جەلىسىنە نەگىزدەلدى. «7-ءشى ار­نا­نىڭ» جاڭا اقپارات تاراتۋ كەستەسى حالىقارالىق اقپارات تاراتۋ پرينتسيپتەرى بويىنشا قۇراستىرىلعان. ارنامىزدىڭ ەفيرى سلوتتارعا بولىنگەن, ولاردىڭ ارقايسىسىنا سلوت-برەندتەر قالىپتاستىرىلادى, ياعني ارنايى جانرداعى كونتەنتتى كورەرمەندەرگە ىڭعايلى ۋاقىتتا تۇتىنۋدى داعدىلاۋ. – «ابىروي kz» جوباسى ءجونىن­دە نە ايتار ەدىڭىز؟ – «ابىروي كz جوباسى» «7-ءشى ارنانىڭ» ەمەس, «ابىروي» قازاق ءتىلى مەن مادەنيەتىن دامىتۋ كورپوراتيۆتىك قورىنىڭ جوباسى. مۇنى قازاق ءتىلى مەن مادەنيەتىنە قىزى­عۋشىلىق تانىتقاندار مەن جان­اشىرلار سايتى دەۋگە بولادى! سايت, اسىرەسە قازاقستانعا كەلەتىن شەتەلدىكتەر ءۇشىن وتە ءتيىمدى. ول ۇسىنىپ وتىرعان ونىمدەر قازىردىڭ وزىندە قازاق ءتىلىن ۇيرەنۋشىلەرگە كوپ پاي­داسىن تيگىزدى. ينتەرنەت پايدالانۋ­شىلاردىڭ كوزايىمىنا اينالىپ ۇلگەرگەن سايت ءۇش تىلدە بىردەي ءسوي­لەي­دى. ىزگى نيەتتى وقىرمانعا ءار­دايىم ەسىگى اشىق. «ابىرويدىڭ» عالامتوردا ابىرويلى بولۋى, ءال­بەتتە قازاق ءتىلى مەن مادەنيەتىنە جاناشىر جانداردىڭ بەلسەندىلىگىنە دە بايلانىستى. شەتەلدىكتەر ءۇشىن بۇكىل اقپارات اعىلشىن تىلىندە. الەمنىڭ قاي تۇپكىرىنەن بولسىن, كورە الادى. IP-ادرەسپەن كۇن سايىن وسى سايتقا كىرىپ جاتقان شەت­ەل­دىكتەردىڭ سانى ارتىپ وتىر. جا­ڭالىقتار پارا­عى كۇن سايىن جا­­ڭارىپ تۇرا­دى. ال «قازاق­تانۋ» اي­دارى قا­زاق حال­قىنىڭ سالت-ءداس­تۇرىنەن ءتۇ­سىنىك بەرىپ, ۇلت­تىڭ ۇلى ادام­دارى تۋ­رالى اڭگىمە­لەيدى. از ۋا­قىتتا «ابى­روي» بىتىرگەن ءۇل­كەن شارۋا – قازاق ءتىلىن ەرەكشە ءادىس­تەمە بويىنشا ءۇي­رە­تەتىن وقۋلىق­تار. 5 دەڭگەيدەن تۇراتىن كىتاپتىڭ بەرەرى مول. بۇل وقۋ­لىقتاردىڭ, ياع­ني ەۋروپالىق ستان­دارت بويىن­شا وقىتۋدىڭ اۆ­تو­رى, پەداگوگيكا عىلىم­دا­رىنىڭ دوكتورى – يرايدا كۋباەۆا. ەۋرو­ستاندارت نەگىزىندە جازىلعان وسى وقۋ­­­لىق كەشەنى ءوز­گە ءتىلدى ازا­مات­تارعا ارنالعان. ول كەشەن ارقىلى وقۋشىلارى­مىز قازاق ءتىلىن جەڭىل جول­مەن, وپ-وڭاي, 102 سا­عات­تا ءۇي­رە­نىپ الۋعا ابدەن مۇمكىن­دىك الادى. جاڭا ءاد­ىس­تەمە ءوز ءومىر­شەڭدىگىن كور­­سەتتى. ول وقۋلىق­تار نەگىزىندە قازىر ءتۇرلى مەكەمەلەردە ساباقتار وتكى­زى­لىپ جاتىر. مۇ­نىڭ ءبارى «ابى­روي» قازاق ءتىلى مەن ءما­دەنيەتىن دامىتۋ قورىنىڭ ال­عاش­قى كادەسى عانا. قور­دىڭ جوسپا­رى قوماقتى. سونىڭ ىشىندە ينتەرنەت پاراقشا­سىن مۋل­تي­مەديالىق كەيىپتە جا­ڭارتۋ دا بار. سوندا ءسىزدىڭ سوزىڭىزدەن اڭعار­عا­نىمىز, بۇل جوبانىڭ باستى ماقساتى – تەك ءوزىمىزدىڭ قانداستا­رى­مىزدىڭ عانا ەمەس, وزگە ۇلت وكىلدەرىنىڭ دە قازاق تىلىنە دەگەن ىنتا-ىقىلاسىن وياتۋ عوي... – ءيا. ماقسات – ابايدىڭ تىلىنە ءوز انا تىلىنەن ايىرىلعان قانداس­تارىمىزدى عانا ەمەس, وزگە ۇلت وكىل­دەرىنىڭ دە شىنايى قىزىعۋشى­لى­عىن وياتۋ. مادەنيەتىمىزدىڭ مايە­گىنەن, ءتىلىمىزدىڭ تۇنىعىنان سۋ­سىن­داتۋ. كەزىندە حاكىم اباي قازاق­تار­دى ورىس ءتىلىن ۇيرەنۋگە ۇندەگەن, ورىس ءتىلى جانە ورىس مادەنيەتى ار­قىلى حالقىمىزدىڭ الەمدىك مادە­نيەتكە ارالاسۋ مۇمكىندىگىن تۇسىنە بىلگەن. ول شىنىمەن دە سولاي بول­دى. ححI عاسىردا ءبىزدىڭ الدىمىزعا جاڭا مىندەتتەر قويىلدى: انا ءتىلىمىز بەن مادەنيەتىمىزدى, بابالاردان قالعان قاينار كوزدى ساقتاي وتىرىپ, تەحنولوگيالىق جانە گۋمانيتارلىق تۇرعىداعى جالپى الەمدىك دينامي­كالىق ۇردىستەرگە كىرىكتىرىلۋىمىزدىڭ قاجەتتىلىگى. ال بۇل ءۇردىس اعىلشىن ءتىلى ارقىلى جۇزەگە اسىرىلادى. ياعني, بىزگە نەگە سول اعىلشىن ءتىلى ارقىلى قازاقتىڭ تاريحىن, ءما­دە­نيە­تىن, ءتىلىن تانىتپاسقا؟ ماسە­لە­نىڭ ءمانىسى, كوپتەگەن جىلدار بويى قازاقستاندا اعىلشىن ءتىلى قازاق تىلىندە ەمەس, ورىس تىلىندە وقىتىلدى. قازاق مەكتەپتەرىندە, اۋىلدى اي­ماقتا نەمەسە قالالىق جەردە ورنا­لاسقانىنا قاراماستان, اعىلشىن ءتىلى انا تىلىندە وقىتىلمادى. وسى­لاي­شا, بالا ورىس ءتىلىن مەڭگەر­مەستەن شەتەل ءتىلىن ورىس تىلىندە ۇيرەنۋىنە تۋرا كەلدى. شەتەل ءتىلىن تۋعان قازاق تىلىندە وقىتۋ سيرەك كەزدەسەتىن جايتتىڭ ءبىرى بولدى. ەندىگى ماقسات – سوڭعى جيىرما جىلدا جيناقتالعان ءبىلىم مەن ءتاجىري­بە­لەر­دىڭ باسىن قوسۋ. – «ابىرويدىڭ» وزگە جوبالاردان ارتىقشىلىعى نەدە دەپ ويلايسىز؟ – «ابىروي» قورىنىڭ جۇمىسى – قازاق ءتىلى مەن مادەنيەتىنە سۇرا­نىستى ارتتىرۋعا اتسالىسۋ. ياعني, ءتىلىمىز بەن مادەنيەتىمىزدىڭ باسەكە­گە قابىلەتتىلىگى ءۇشىن جۇمىس ىستەۋ. سەبەبى, باسقا ءتىل مەن مادەنيەت­تەر­دىڭ تاساسىندا قالماي, زاماناۋي وزگە­رىس­تەرگە ساي العا جىلجىپ وت­ىر­­عان­دا عانا سۇرانىس بولادى. بىراق ءبىز تەك قازاق ءتىلى ماڭايىندا عانا ەمەس, ءۇش ءتىلدى بىرگە قاراستىرۋ ار­قىلى مەملەكەتتىك ءتىلدى دامى­تۋ­دى كوزدەپ وتىرمىز. پرەزيدەنت «جا­ڭا الەم­دەگى جاڭا قازاقستان» اتتى قا­زاق­ستان حالقىنا جول­دا­ۋىندا: «ءتىل­­دەر­دىڭ ۇشتۇعىرلىعى» مادەني جو­باسىن كەزەڭدەپ جۇزەگە اسىرۋدى ۇسىنامىن. قازاقستان ءبۇ­كىل الەمدە حالقى ءۇش ءتىلدى پا­ي­دالاناتىن جو­عا­رى ءبىلىمدى ەل رەتىندە تانىلۋعا ءتيىس», – دەپ اتاپ ءوتتى. وسىعان بايلا­نىستى قازاق ءتىلىن – مەملەكەتتىك ءتىل رەتىندە, ورىس ءتىلىن – ۇلتارالىق قا­رىم-قاتىناس ءتىلى رەتىندە, ال اعىل­شىن ءتىلىن – جاھان­دىق ەكونو­مي­كا­نىڭ ءتيىمدى ينتەگراتسيا (ىقپال­داس­تىق) ءتىلى رەتىندە دامىتۋ بويىنشا جۇمىستاردى ءبىر ءىزدى جۇزەگە اسىرۋ قاجەت جانە مۇنى مەملەكەتتىك ءتىل ساياساتىنىڭ باستى باعىتتارى رەتىندە قاراستىرۋىمىز كەرەك. «ابى­روي» قورىنىڭ العاشقى وقۋلى­عى­مەن تانىسقان سيەتل (اقش) ۋني­ۆەرسيتەتىنىڭ ورتا ازيا مەن قا­زاق­ستاندى زەرتتەۋ بويىنشا ورتا­لى­عى­نىڭ ديرەكتورى ۋيليام فيەرمان, ءدال وسى ءۇش ءتىلدى قاتار الىپ ءجۇ­رەتىن وقۋلىققا تەك قازاقستان­دىق­تار عانا ەمەس, ءوزى سياقتى قازاق­ستانعا قىزىعۋشىلىعى بار شەتەلدىكتەر ءۇشىن تاپتىرماس دۇنيە دەگەن بولاتىن. – ول ازاماتتىڭ بۇل جونىندەگى وي-پايىمى قالاي ورىلەدى؟ – بۇل جونىندە ول: «اتا زاڭ بوي­ىنشا قازاق ءتىلى مەملەكەتتىك ءتىل بول­عانىمەن, بۇگىنگى تاڭدا سىزدەردىڭ ەل­دە­رىڭىزدە تەك ءبىر ءتىل – ورىس ءتىلى با­سىم. بۇگىنگى كۇنى قازاقستاندا قازاق ءتىلى ەداۋىر ماڭىزدى ءرولدى يەلەنۋى قاجەت, اسىرەسە قالالاردا, ءويت­كەنى اۋىلدى ايماقتاردا ول اركەزدە با­سى­مىراق بولعان. قازاق ءتىلىنىڭ قول­دا­نىلۋى ەلدىڭ وڭتۇستىك جانە ءوڭتۇس­تىك-شىعىس ايماقتارى­مەن سا­لىس­تىر­عاندا, ەلدىڭ شىعىس جانە سول­تۇستىك ايماقتارىندا سيرەك قول­دانىلادى. ال اعىلشىن ءتىلى قازاق­ستاندا از ۋاقىت ارالىعىندا ما­ڭىز­دى پوزي­تسيا­نى يەلەنۋدە, بۇل وتە جاقسى بەت­الىس», دەگەن ەدى پروفەسسور. سىرت كوز سىنشى دەيتىن حالقىمىز ءۇشىن بۇل ويدىڭ استارى تەرەڭ. سوندىقتان ءبىزدىڭ قاي باعىت­تا شاپشاڭ, شيراق قيمىلداۋىمىز, ارەكەت جاساۋىمىز كەرەكتىگى ايتپاسا دا تۇسىنىكتى. – ءسىز بۇل جوبا بەلگىلى ءبىر مەرزىم ىشىندە ءوزىنىڭ ناتيجەلى جەمىسىن بەرەدى دەپ ويلايسىز با؟ – شىنىن ايتۋ كەرەك, قازاق ءتىلى ماسەلەسى ايتىلا-ايتىلا جاۋىر بولدى. ءتىپتى ەشكىم تىڭداعىسى كەلمەيتىندەي مەزى ەتتىك دەسە بولادى. ويتكەنى, بۇل جايتكە جىلدار بويى بىرجاقتى قاراپ كەلدىك. بىراق ءدال قازىرگى جاعدايدا, ءدال وسى قازاق ءتىلى ماسەلەسىن ءبىز, كەرىسىنشە ۇلكەن ءمۇم­كىندىك رەتىندە قاراستىرعانىمىز دۇرىس. ويتكەنى, قازاقستان قۇدايعا شۇكىر, ابىرويلى, بەدەلدى الەمدىك ەلدەر ساناتىنا قوسىلدى. قازاق­ستانعا قىزىعۋشىلىق ءوسىپ كەلەدى. ياعني, تىلىمىزگە, مادەنيەتىمىزگە, تا­ريحىمىزعا سىرتتان قىزىعۋشىلىق جوعارىلايتىنى ءسوزسىز. قازاق ءما­دەنيەتى وتە باي, تاريحىمىز تەرەڭ, قازاق ءتىلى قيىن ءتىل ەمەس, كەرىسىنشە ۇيرەنۋگە جەڭىل ەكەنىن جان-جاقتى جاريالاۋىمىز كەرەك. ماسەلەن, گرامماتيكالىق جاعىنان الەم تىلدەرىن قاراستىرا وتىرىپ اڭعارا­تى­نىمىز, ادام ويىنىڭ ءۇردىسىن رەتتەيتىن ءتىلدىڭ قيسىندى زاڭدى­لىق­تارى بارلىق تىلدەردە بىركەلكى, ال گرامماتيكالىق زاڭدىلىقتار ءار تىلدە ءارتۇرلى. ءبىر تىلدەگى تۇسىنىكتى جانە داعدىلى زاڭدىلىقتار, كەلەسى تىلدە قولدانىلماي, مۇلدەم جات بولۋى دا زاڭدىلىق. دەگەنمەن, اعىل­شىن مەن قازاق تىلدەرىن سالىس­تىرا وتىرىپ, ولاردىڭ اراسىنداعى ءوزارا گرامماتيكالىق ۇقساستىق­تار­دى اڭعارۋعا بولادى. ەڭ الدىمەن فونەتيكاعا نازار اۋداراتىن بول­ساق, اعىلشىن جانە قازاق تىلدەرىندەگى داۋىستى دىبىستاردىڭ سانى جاعىنان ايرىقشا ەرەكشەلىك جوق. قازاق تىلىندە داۋىستى 11 دىبىس بولسا, اعىلشىن تىلىندە 12 (ديف­تونگ­تاردى ساناماعاندا), دىبىس­تا­لۋى جاعىنان دا ولار ءوزارا ۇقساس, دەگەنمەن ارتيكۋلياتسيا جاعىنان كىشىگىرىم ايىرماشىلىقتار بار. مىسالى, قازاق تىلىندە جاڭا سوزدەر مەن ءسوز تۇرلەرى تۇبىرگە نەمەسە ءسوزدىڭ نەگىزىنە ءسوز جاساۋشى جانە ءسوز قالىپتاستىرۋشى قوسىمشالار ارقىلى جاسالىنادى: جۇرناقتار مەن جالعاۋلار. اعىلشىن تىلىندە مىناداي ءسوز جاساۋشى ادىستەر قا­لىپتاسقان: ينفينيتيۆكە ing-جال­عاۋىن تىركەۋ ارقىلى اعىلشىن ءتىلى­نىڭ ەڭ كوپ ماعىنالى, «ينگوۆايا» دەپ اتالاتىن فورماسى قا­لىپ­تا­سا­دى. er (كوپ جاعداي­دا -وr) جۇرناعى ينفينيتيۆكە تىركەلە وتىرىپ, كوپ جاعدايلاردا ءىس-قيمىلدى ءبىل­دىرەتىن تۇلعانى بىلدىرەدى: : to read – reader (وقۋ– وقۋ­شى), to write – writer (جازۋ – جازۋشى), to work – worker (جۇمىس ىستەۋ – جۇمىسشى), to sail – sailor ء(جۇزۋ – ماتروس) جانە ت.ب. قازاق تىلىندە كەڭ تارالعان, سوزگە جاڭا ماعىنا بەرەتىن قوسىمشا بولىپ جۇرناق سانالادى. ول وڭاي انىق­تا­لىپ, جاڭا سوزدەردى قالىپ­تاستىرادى. مىسالى, -شى, -ش جۇر­ناقتارى: جۇمىس – جۇمىسشى, وقۋ – وقۋشى, جازۋ – جازۋشى جانە ت.ب. داۋ­ىسسىز دىبىستار سان جاعى­نان قازاق جانە اعىل­شىن تىلدەرىندە اي­رىقشا ەرەكشەلەنبەيدى: قازاق تىلىندە داۋىسسىز دىبىستار – 25, اع­ىل­شىن تىلىندە – 24. جاسالۋ ءادىسى جا­عىنان داۋىسسىز دىبىستار ەكى تىلدە دە وتە ۇقساس: ەرىندىك, تىلدىك جانە تاڭداي دىبىستارى. اعىل­شىن ءتى­لى­نىڭ زاڭدىلىعى سياقتى, قا­زاق تىلىندە دە دىبىستاردىڭ دۇرىس ايتىل­ماۋى ءسوز ماعىناسىن وزگەرتەدى. – بولاشاقتا كورەرمەندى وزىنە تارتاتىنداي, كوپشىلىكتى وزىنە باۋ­رايتىنداي تاعى قانداي جوبا-جوسپارلاردى كوزدەپ وتىر­سىز­دار؟ – 25 ناۋرىزدان باستاپ «7-ءشى ارنا» ەفيرىندە Comedy Club KZ جاڭا جوباسى شىعادى. بۇل stand-up come­dy جانرىنداعى تانىمال رەسەيلىك Comedy Club شوۋىنىڭ بەيىمدەلگەن نۇسقاسى. جوبا وسىعان دەيىن رەسەيدە, بەلورۋسسيا مەن ۋكراينادا موي­ىن­دالىپ, ەندى قا­زاقستاندا شىعا­رىل­ماق. ءبىزدىڭ جوبا – ۇلتتىق ءازىل-وسپاق ەرەكشەلىكتەرىن جانە قازاق­ستاندىق تەلەكورەر­مەن­دەردىڭ تالعا­مىن ەسكەرە وتىرىپ, وزگە ەلدەردەگى ستيليستيكا نەگىزىندە جاسالىنىپ وتىر. Comedy Club KZ – «7-ءشى ارنا» كەستەسىندەگى ەكىنشى بەيىمدەلگەن تا­نىمال شەتەلدىك فورمات بولىپ وتىر. العاشقى بەيىمدەلگەن جوبا­مىز – ويىن-ساۋىق باعدارلامالارىن شىعارۋدان الەم­دىك كوشباسشى رەتىندە تانىلعان, ارىپتەسىمىز Endemol كومپانيا­سى­نىڭ The Money Drop حالىقارالىق فورماتىنىڭ قازاق­ستان­دىق نۇسقاسى «قىرىق ميلليون تەڭگە شوۋى». «7-ءشى ارنانىڭ» سترا­تەگياسى تەلەارنا ەفي­­رىندە ۇلتتىق پرەمەرالىق ءجا­نە ويىن-ساۋىق كون­تەنتتەرىنىڭ ۇلە­سىن ارتتىرۋعا باعىت­تالعان. وسى­لاي­شا, اعىمداعى جىلى كورەر­مەن­دەرىمىزگە Endemol كومپا­نيا­سى­نىڭ تانىمال ەۋروپالىق شوۋ­لارى­مەن قاتار, ارنايى بەيىمدەلگەن ويىن-ساۋىق باعدارلامالارىن, ءارى تىڭ, جاڭا ۇلتتىق جوبالارىمىزدى ۇسى­نا­تىن بولامىز. – اڭگىمەڭىزگە راحمەت. اڭگىمەلەسكەن ءلايلا ەدىلقىزى. استانا.