بيزنەس وكىلدەرىمەن كەزدەستى

ءماجىلىس دەپۋتاتتارى س.وتەباەۆ, س.قانىبەك, ق.ەرجان, ب.ماكەن جانە م.بوپازوۆ ماڭعىستاۋدا الدىمەن قۇرىق پاروم كەشەنى قۇرىلىسىنىڭ جاعدايىمەن تانىستى.   جەلتوقساندا پورتتىڭ ءبىرىن­شى كوتەرۋ-وتكىزۋ كوپىرى ءون­دىرىستىك سىناقتان ءوتىپ, ۆاگون­داردىڭ كەمەگە تيەلۋ جولى تەك­سە­رىلدى. وسى ايدىڭ سوڭىنا تامان ولاردى ىسكە قوسۋ جوسپارى ورىن­دالسا, بۇل – پورت سۋ كولىك­تەرىن قابىلداي باستاي­دى دەگەن ءسوز. مۇنان سوڭ پورتتا ەكىن­­شى كوتەرۋ-وتكىزۋ كوپىرى مەن جۇك كولىكتەرى جۇرەتىن بولىك­تىڭ قۇ­رىلىسى قولعا الىنادى. ەلدەگى ەڭ ءىرى كولىكتىك-لوگيس­­تيكالىق ينفراقۇرىلىم جوباسىمەن تانىسقان دەپۋتاتتار كەشەن قۇرىلىسىن ۋاقىتىندا ابى­رويمەن اياقتاۋدى تاپسىردى. ءماجىلىس دەپۋتاتتارى اقتاۋ – جەتىباي تاسجولى قۇرىلىسىمەن تانىسىپ, «نۇر وتان» پارتياسى اقتاۋ قالالىق فيليالى عيماراتىندا قوعامدىق كەڭەس مۇشەلەرىمەن, قالالىق ءماسليحات دەپۋتاتتارىمەن جۇزدەستى. سونداي-اق, كاسىپكەرلەر پالاتاسىندا شاعىن جانە ورتا بيزنەس وكىلدەرىن قابىلداپ, ساۋالدارىنا جاۋاپ بەردى. نازارباەۆ زياتكەرلىك مەكتەبىندە ۇجىممەن كەزدەستى. ماڭعىستاۋلىقتاردى تىڭ­داعان دەپۋتاتتار كۇرمەۋى قيىن ماسەلەنىڭ جوقتىعىن, ءايت­سە دە وزدەرىن تولعاندىرعان قان­داي دا ءبىر سۇراقتارمەن ارنايى سايت ارقىلى حابارلاسۋعا بولا­تىندىعىن, وزدەرىنىڭ مۇمكىن­دى­گىنشە ماسەلەنى شەشۋگە اتسا­لى­سۋعا ءازىر ەكەندىكتەرىن جەتكىزدى. گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى