ەرتىس وزەنىنىڭ ۇستىنەن جاياۋ وتپە جولدار اشىلدى

جىل سايىن قىسقى كەزەڭدە ەرتىس وزەنىندە مۇز وتكەلدەرى جانە جاياۋ وتپە جولدار سالىنادى, دەپ حابارلايدى تجك-نىڭ سايتى. بيىل رەسمي تۇردە اقتوعاي, ەرتىس, لەبياجي جانە ماي اۋداندارىندا ءتورت مۇز جولى اۋدان اكىمدەرىنىڭ وكىمدەرىنە سايكەس اشىلدى. ەرتىس اۋىلىندا مۇز وتكەلى پارومدىق وتكەلدىڭ ورنىندا ورنالاسقان, مۇزدىڭ قالىڭدىعى 49-55 سم, اقتوعاي اۋىلىندا جاعاجاي اۋدانىندا ورنالاسقان مۇزدىڭ قالىڭدىعى 54 سم. وبلىستىڭ باسقا اۋداندارىندا مۇز وتكەلدەرىن رەسمي اشۋعا ازىرشە رۇقسات جوق. 2017 جىلى قاڭتاردا جەلەزينكا اۋدانىنىڭ ءۇش اۋىلدىق وكرۋگىندە (جەلەزينكا, باشماچينسك جانە پريرتىشسك) اشىق مۇزدى وتكەلدەر اشۋ جوسپارلانعان. قازىرگى ۋاقىتتا اۋا تەمپەراتۋراسىنىڭ وزگەرۋىنەن بارلىق وتكەلدەر نەگىزىنەن جاياۋلارعا جانە شانالارعا ارنالعان, ال اۆتوكولىكتەردىڭ سالماعى 2,5 توننادان اسپاۋى كەرەك. مۇزدىڭ بەرىكتىگىنە جانە ونىڭ قالىڭدىعىنا قاراماستان, مۇز وتكەلدەرىمەن جۇرگەندە وتە اباي بولعان ءجون. وتكەلدىڭ ۇستىمەن ءجۇرۋ بارىسىندا كولىكتىڭ جىلدامدىعى ساعاتىنا 10 شاقىرىمنان اسپاۋى كەرەك. مۇز وتكەلىمەن جۇرگەن كەزدە كولىكتىڭ ەسىكتەرى اشىق, قاۋىپسىزدىك بەلبەۋلەرى شەشۋلى بولۋى قاجەت. كولىكتىڭ جولاۋشىلارى وزەندى جاياۋ كەسىپ وتەدى. ءبىر مەزگىلدە ەكى اۆتوكولىك قوزعالسا, وتكەلگە كىرگەن كەزدە كورسەتىلگەن اراقاشىقتىق قاتاڭ تۇردە ساقتاۋ قاجەت.