دجەيكوبس: گولوۆكينمەن كەزدەسۋىم اقىرى بولاتىن بولدى-اۋ

امەريكالىق بوكسشى دەنيەل دجەيكوبس (32-1, 29 كو) ESPN باسىلىمىنا بەرگەن سۇحباتىندا قازاقستاندىق گەننادي گولوۆكينمەن بولاتىن كەزدەسۋى تۋرالى ايتىپ بەردى, دەپ حابارلايدى Sports.kz. «كەيدە جەكپە-جەكتى كوپ ويلانباستان ۇيىمداستىرۋ قاجەت بولادى. كەيدە ءتىپتى رينگكە شىعا سالىپ وزگەلەردىڭ قولىنان كەلمەيتىن ءىستى جاساۋ قاجەت. ەگەر ءسىز وزىڭىزگە سەنىمدى بولساڭىز, ەگەر ءسىز ءوزىڭىزدىڭ بويىڭىزداعى مۇمكىندىكتەرىڭىزگە سەنسەڭىز مەن سياقتى, وندا ءبارى دۇرىس بولادى. قانداي دا ءبىر قاۋىپ قاتەرلەر بولادى ما دەگەن زاڭدى ساۋال دا تۋىندايدى. ارينە, بولادى. ءبارى دە بولادى. الايدا ولاردىڭ بارلىعى دا مەنىڭ وسى ۋاقىتقا دەيىن باستان وتكەرگەندەرىمنىڭ جانىندا تۇككە دە تۇرمايدى. بۇل مەنىڭ ءومىرىم. ءبىز جەكپە-جەكتەن ءلاززات الامىز. قازىر سول كەزدەسۋدىڭ ناعىز ءساتى تۋىپ تۇر. اقىرى بولاتىن بولدى-اۋ... قازىر ناعىز رينگكە شىعاتىن, نە اۋزىڭدى بۋىپ تىپ-تىنىش وتىراتىن كەز»,-دەدى دجەيكوبس. ەستەرىڭىزگە سالا كەتەيىك, گولوۆكين-دجەيكوبس كەدەسۋى نيۋ-يوركتەگى Madison Square Garden ارەناسىندا 18 ناۋرىز كۇنى وتەدى.