الەۋمەتتىڭ الەۋەتىن كوتەرۋ جولىندا

ەلورداداعى جۋرناليستەر ۇيىندە قازاقستان رەسپۋبليكاسىنىڭ پرەزيدەنتتىگىنە كانديدات جامبىل احمەتبەكوۆتىڭ «جامبىل احمەتبەكوۆتىڭ حالىقتىق ءۇش باستاماسى» اتتى جاڭا سايلاۋالدى باعدارلاماسىنا ارنالعان ءباسپاسوز ءماسليحاتى ءوتتى. جيىنعا قازاقستاننىڭ كوممۋنيستىك حالىقتىق پارتياسىنىڭ وكىلدەرى, جۋرناليستەر قاتىستى. شارا بارىسىندا ەل پرەزيدەنتتىگىنەن ۇمىتكەر سايلاۋشىلار امانا­تىنا سۇيەنە وتىرىپ, كەدەيشىلىك, جۇ­مىسسىزدىق, تاريفتەردىڭ ءوسۋى سىندى ماسەلەلەردى قوزعادى. «جاڭا الەۋمەتتىك باعىت شەڭ­بە­رىن­دەگى ءبىرىنشى باستاما» – بۇل كۇن­كو­رىس­تىڭ ەڭ تومەنگى كورسەتكىشىن كوپتە­گەن وركەنيەتتى ەلدەردە قولدانىلاتىن ستاندارتتار بويىنشا انىقتاۋ ءادىسىن ەنگىزۋ. اتالعان ءادىس حالىقتىڭ كەم دەگەندە جارتىسى تۇتىناتىن تاۋارلار مەن قىزمەتتەردى ەڭ تومەنگى تۇتىنۋ بيۋدجەتىنىڭ قۇرامىنا قوسۋعا نەگىزدەلگەن. ورتا ەسەپپەن العاندا قا­زاق­ستان ءۇشىن ول ادام باسىنا شاققاندا 200 000 تەڭگەنى قۇرايدى. مىسال رەتىندە قاراس­تىرساق, دامىعان ەلدەردە حالىقتىڭ ورتاشا تابىسىنىڭ 40-50 پايىزى كەدەيلىكتىڭ ەڭ جوعارعى شەگى بولىپ ەسەپتەلەدى», – دەدى كانديدات ءوز سوزىندە. سونداي-اق, ول قازاقستاندىق جوعا­رى وقۋ ورىندارى تۇلەكتەرىنىڭ ءبىرىنشى رەت جۇمىسقا ورنالاسۋلارىنا مەملەكەتتىك كەپىلدىك بەرۋدى ەنگىزۋگە باس­تا­ماشى بولاتىنىن ايتتى. «ءبىرىنشى جۇمىس ورنىنا كەپىلدىك بەرۋ جاس ماماننان جۇمىسقا ورنالاسۋى كەزىندە ما­ماندىعى بويىنشا 3 جىل جۇمىس ءوتىلىن سۇراۋ سەكىلدى كەدەرگىدەن شى­عا­رار جول بولىپ تابىلادى. باسى ارتىق وقۋ ورىندارى, ماماندىعى بويىنشا جۇمىس ىستەۋ, ديپلومى بار جۇمىس­سىز­دار, كاسىبي بىلىكتىلىگىنەن ايىرىلۋ, جۇمىسسىزدار سانى مەن بىلىكتى كادرلارعا دەگەن سۇرانىستىڭ سايكەس كەلۋى – بۇگىنگى كۇننىڭ كوكەيكەستى ءما­سە­لەسى, پروبلەمالارى. قازاقستان – حال­قى جاس مەملەكەت. سوندىقتان ءاربىر ازامات ءوزىن ءوزى قامتاماسىز ەتۋ ءمۇم­كىن­دىگىنە يە بولۋى ءتيىس», دەگەن ويىن جەت­كىزدى بۇل تۋراسىندا ج.احمەتبەكوۆ. كانديدات ءوزىنىڭ سايلاۋالدى باع­دار­لاماسىنا سايكەس قازاقستاننىڭ تۇر­عىن ءۇي-كوممۋنالدىق شارۋاشى­لى­عى ماسەلەسىن دە كوتەردى. «ەلىمىزدە ءجۇر­گىزىلىپ وتىرعان تۇرعىن ءۇي-كوم­مۋ­نال­دىق شارۋاشىلىق ساياساتى قۇرى­لىس, كوممۋنالدىق جانە ەنەرگە­تيكا­لىق مونوپوليالاردى بايىتۋعا باعىت­تال­عان. تۇرعىن ءۇي-كوممۋنالدىق شا­رۋا­شىلىق قىزمەتتەردىڭ تاريفتەرى مەن باعالارى وتە جوعارى جانە ۇزدىك­سىز ءوسۋ ۇستىندە, ال ولاردىڭ ساپاسى با­عا­لارىنا سايكەس كەلمەيدى. حالىقتىڭ كوممۋنالدىق تولەمدەردى تولەۋگە ءمۇم­كىندىكتەرى ازايىپ وتىر. ءۇشىنشى باستامام رەتىندە تۇرعىن ءۇي-كوممۋ­نال­دىق شارۋاشىلىق سالاسىنىڭ تاريفتەرى مەن باعالارىن ازايتۋدى ۇسىنامىن», دەدى پرەزيدەنتتىكتەن ۇمىتكەر. ج.احمەتبەكوۆ اتالعان ءۇش با­عىت­تىڭ ەلدىڭ ساياسي كەلبەتىن, ونىڭ دامۋ جولىن وزگەرتەتىنىنە, «الەۋمەتتىك مەم­لەكەت» كونستيتۋتسيالىق فورمۋ­لا­سىنا سايكەس كەلتىرەتىنىنە سەنەتىنىن جەتكىزدى. ءلايلا ەدىلقىزى. ------------------------------- سۋرەتتى تۇسىرگەن ورىنباي بالمۇرات.