ەجەلگى ارىپتەستىكتىڭ جاڭا ساتىسى

كەشە پرەمەر-مينيستر كارىم ءماسىموۆ باستاعان قازاقستان­دىق دەلەگاتسيا رەسمي ساپارمەن بەلارۋس رەسپۋبليكاسىنا كەلدى. بۇل ەل قازاقستانمەن ەكىجاقتى قارىم-قاتىناس قانا ەمەس, بىرقا­تار ۇيىمداردا دا ارىپتەس بولىپ تابىلادى. وتكەن جىلى قا­زاق­ستان مەن بەلارۋس اراسىنداعى ناقتى تاۋار اينالىمى 850 ملن.دوللاردى قۇراعان. قازاقستاندى ستراتەگيالىق ارىپتەس رەتىندە كورەتىن بەلارۋستار ەلىمىزبەن بايلانىستى وتە جوعارى باعالايدى. تاڭەرتەڭ ەرتە استانا اۋە­جايى­نان اتتانعان قازاقستاندىق دەلەگاتسيا وتىرعان ۇشاق بە­ل­ا­رۋس­تىڭ ۇلتتىق اۋەجايىنا ساعات تو­عىز­دا كەلىپ قوندى. الدىمەن قا­زاقستان پرەمەر-ءمينيسترى كارىم ءماسىموۆ بەلارۋس رەسپۋب­لي­كا­سى­نىڭ ۇكىمەت ۇيىنە اتباسىن تىرەدى. مۇندا ول جاڭا ارىپتەسى, بەلارۋس ۇكىمەتىنىڭ باسشىسى ميحايل مياسنيكوۆيچپەن الدىمەن شا­عىن, كەيىنىرەك كەڭەيتىلگەن قۇرام­دا كەزدەسۋ وتكىزدى. بەلارۋس پرەمەر-ءمينيسترى م.­ميا­سني­كو­ۆيچ ەل دەلەگاتسياسىن وزدەرىنىڭ جاڭا جا­ساق­تالعان ۇكىمەت قۇرامىمەن تا­نىستىرىپ ءوتتى. م. مياسنيكوۆيچ قازاقستان پرەمەر-ءمينيسترى كارىم ءماسىموۆ باستاعان ەلىمىز دەلەگاتسياسىن قابىلداي وتىرىپ, قازاقستان كەدەن وداعى ارقىلى جاي ارىپتەس ەمەس, سونىمەن قاتار ستراتەگيالىق ارىپتەس ەكەندىگىن جەتكىزدى. ءبىز قازاقستانمەن تۇ­راق­تى ەكونوميكالىق قارىم-قاتى­ناس­تامىز. تەك قانا تاۋار اينالىمى ەمەس, ەكى ەل اراسىندا ونداعان يننوۆاتسيالىق ءجا­نە وندىرىستىك كاسىپكەرلىك جوبالار ءجۇ­زەگە اسۋدا. اۋىل شارۋ­اشى­لى­عى سا­لا­سىندا دا بىرقاتار جوبالار بار. سون­داي-اق, ءبىز عارىش سالا­سىندا كەلەشەكتە جاقسى ارىپتەستىك ورنايدى دەگەن سەنىمدەمىز. م.ميا­س­ني­كوۆيچتىڭ ايتۋىن­شا, قازاقستان مەن بەلارۋس مەملەكەتى اراسىنداعى تاۋار اي­نالىمى وتكەن جىلى 850 ملن. دول­لارعا جەتكەن. ول داعدارىسقا دەيىنگى كور­­سەت­كىشتىڭ وزىنەن 60 پايىزعا ار­تىق. ءبىز قالىپتاسقان ارىپتەستىك, دوس­تىق بايلانىسىمىزدى جاڭا جەتىستىكتەرمەن تولىقتىرا وتىرىپ, جا­­ڭا كە­زەڭ­گە شىعارۋعا تالپىناتىن بو­لا­مىز. بۇل تۇرعىدا ەكى ەلدىڭ الەۋەت­تەرى قازىرگىدەن دە جوعارى دەپ وي­لاي­مىن, دەدى بەلارۋس پرەمەر-ءمينيسترى ميحايل مياسنيكوۆيچ. تاۋار اي­نالى­مى­نان عانا ەمەس, يننو­ۆا­تسيالىق جوبا­لار­دى جۇزەگە اسىرۋعا كوشۋىمىز كەرەك. ال قازاق­ستان­نىڭ يندۋس­ت­ريا­لىق-يننوۆا­تسيا­لىق جوبا­سى وتە تاماشا جوبا, دەدى ول. بۇدان كەيىن ءسوز العان كارىم ءماسىموۆ ال­دى­­مەن جاڭا ۇكىمەتتىڭ جا­ساق­تا­لۋى­مەن قۇتتىقتادى. ەگەمەندىك العان كەزدە ەكى ەلدىڭ باسشى­لارى نەگىزىن سالعان قازاقستان مەن بەلارۋس ارا­سىنداعى قارىم-قاتى­ناس­تار, سترا­تەگيالىق ارىپتەستىك ەكى ەل ۇكىمەت­تەرى باسشى­لارى­نىڭ ار­ا­سىن­دا تىڭ ءارىپ­تەس­تىكتى قالىپتاس­تىرۋ­عا سەرپىن بەرمەك. سوڭ­عى جىل­دارى ارىپتەس­تىك­تى دا­مى­تۋعا باعىت­تا­ل­عان قادامدار, قۇجات­تار, جا­ڭا جو­بالار ءبىزدىڭ ال­دىمىزدا تۇر­عان ماقسات, ەكى ەل ارا­سىنداعى تاۋار اي­نا­لىمىن 1 ملرد. دوللارعا جەتكىزۋگە, بولاشاق­تا ودان دا اسىپ ءتۇسۋ­گە جاڭا ءمۇم­كىن­دىكتەر اش­پاق.  بەلورۋسسيا  اگ­رو­ون­دى­رىسى مەن اۋىل ش­ا­رۋا­شى­لىعى, ين­دۋس­ت­رياسى جوعارى دامىعان ەل, ال قازاق­ستان­نىڭ شي­كى­زاتتىق سەكتوردا ءمۇم­كىن­دىكتەرى مول. ءبۇ­گىن­گى ەكىجاقتى كەزدەسۋ مەن الدا كەدەن وداعى اياسىندا وتەتىن ۇشجاقتى كەزدەسۋلەر بىزگە داع­دارىستان كەيىنگى كەزەڭدە ماكرو­ەكو­نو­ميكالىق تۇرعىدا ءتاجى­ريبە ال­ماسۋ­عا, سونداي-اق جاھاندىق قاتەر­لەر­گە بىرىگىپ جاۋاپ بەرۋگە سەپتىگىن تيگىزەدى دەپ ويلايمىن, دەدى قازاق­ستان پرەمەرى. تۇستەن كەيىن كارىم ءماسىموۆ بەلارۋس رەسپۋبليكاسىنىڭ پرەزيدەنتى ا.لۋكاشەنكومەن كەزدەستى. ا.لۋكاشەنكو قازاقستان ۇكىمەتى باسشى­سى­نىڭ بەلارۋس جەرىندە وتكىزىپ جات­قان كەزدەسۋلەرىنە قاناعاتتان­عان­دىعىن جەت­كىزدى. بىزدە وتىزدان اسا بىرلەسكەن كاسىپ­ورىن­دار بار. ولار قازاقستان سەكىلدى مىقتى ەلدى يندۋستريالان­دى­رۋعا قىز­مەت ەتەتىن بولادى. ماعان قازاقستان تاراپى­مەن قارىم-قاتىنا­سى­مىزدى ءبىر­­­­قاتار جا­ڭا جوبالارمەن تولىق­تى­رۋ­عا ۇسى­نىس تۇسكەندىگى ءما­لىم. قا­زاق­ستانمەن ارا­داعى ەكىجاقتى قاتىناس­تى ودان ءارى كەڭەيتۋگە دايار­مىز. وسى­­عان دەيىنگى تاجىريبەمىز ار­ق­ى­لى قازاق­ستان­نىڭ رىنوگىندا كەلىسىمدەر ارقى­لى ءجۇ­زە­گە اسىرىلعان جوبالارعا قا­راي وتىرىپ وعان سەنىمىمىز كامىل, دەدى بەلارۋس رەسپۋ­ب­ليكاسى پرەزيدەنتى ا.لۋكاشەنكو. وتكەن داعدارىستان شى­عۋ جىلىندا قازاقستانمەن ارا­دا­عى تاۋار اينا­لى­مى 1 ملرد.دوللارعا جاقىندادى. بو­لا­­شاق­تا بەك اياسىن­دا بۇل كور­سەت­كىشتى بىرنەشە ەسە ءوسى­رۋگە ءمۇم­كىن­دىك بار. ال باعالار الەمدىك رى­نوك باعا­سى­نان الدەقايدا تومەن. سوندىقتان ءوزارا كەلىسىمگە قول جەتكىزەمىز دەپ ويلايمىن, دەدى بەلارۋس باسشىسى. بۇدان سوڭ ا.لۋكاشەنكو ەلباسىنا الداعى سايلاۋ ناۋقانىنا تىلەكتەستىگىن ءبىلدىرىپ, ءسا­لە­مىن جەتكىزۋدى ءوتىندى. ءوز كەزەگىندە كارىم ءماسىموۆ تە قا­زاقستان مەن بەلارۋس اراسىن­داعى  ءارىپ­تەستىكتى جوعارى باعالا­دى. سوڭعى جىل­دارى قازاقستان مەن بەلارۋس رەس­پۋبليكاسى ارا­سىن­دا ءتۇرلى دەڭگەيدەگى كەلىسىمدەرگە قول قو­­يىل­دى. الەمدە قار­جى داع­دا­رى­سى كۇشەيىپ تۇرعان كەز­دە ءبىزدىڭ ءارىپ­­تەس­تىگىمىز ۇستان­عان باعى­تى­مىز­دىڭ دۇرىستىعىن ايقىنداپ بەردى. ءبىز وسىناۋ ءناتي­جەلى ارىپتەستىكتى ودان ءارى دا­مى­تۋدى ۇسىنامىز, دەدى پرەمەر-مينيستر كارىم ءماسىموۆ. وسى كۇنى كەشكىسىن بەلارۋس رەس­­پۋب­ليكاسىنا ساپارى اياسىندا ك.ءما­سىموۆ ەۋرازەق مەملەكەت­ارا­­لىق كە­ڭە­سىنىڭ  ۇكىمەت باسشى­لا­رى دەڭگە­يىن­دەگى كەزەكتى وتىرى­سى­نا قا­تىستى. بۇل تۋ­را­لى الداعى ءنو­مىردە حابار­لايتىن بولامىز. ۆەنەرا تۇگەلباي, «ەگەمەن قازاقستان» – مينسكىدەن.