اركىمنىڭ ءوز مۇقتاجى بار

پرەزيدەنتتىكتەن ۇمىتكەر مەلس ەلەۋسىزوۆتىڭ قازىر شارۋاسى قات-قابات. كەشە عانا ارقانى ارالاپ, استاناعا دا سوعىپ, وندا ءوزىنىڭ ساياسي تۇعىرناماسىمەن جۇرتتى تانىستىرىپ قايتىپ ەدى, ەندى الماتىدا ونى ءبىراز جۇمىس كۇتىپ تۇرعان. وعان تەك دەمالىس كۇندەرىن عانا پايدالانا الادى, دۇيسەنبىدەن ەلدىڭ شىعىسىنا ساپارى بار. سەنبى كۇنى قالانىڭ بوستاندىق اۋدانىندا بولدى. بولعاندا, قالا تۇر­عىن­دارىمەن كەزدەستى. اۋلالارعا بارىپ, جۇرتپەن اڭگىمەلەستى. اسىرەسە, جاندوسوۆ كوشەسىندەگى ءبىر ءۇيدىڭ تۇرعىن­دا­رى­مەن اراداعى اڭگىمە وتە قىزۋ ءوتتى. ولار وزدەرىنىڭ پاتەرلەرىنىڭ كۇيى كەتكەنىنە, جوندەۋ جۇمىستارى جۇرگىزىلمەيتىنىنە شاعىمداندى. ال بۇل جۇمىسپەن اينا­لى­سۋعا ءتيىستى پاتەر يەلەنۋشىلەر كووپە­را­تيۆىنىڭ (پيك) ءتورايىمى گ.تولە­گە­نوۆا ۋاقىتىن تۇرعىندارمەن سوتتاسۋعا جىبەرەتىن كورىنەدى. ويتكەنى, وسى كۇنگە دەيىن پاتەر يەلەنۋشىلەر سوتقا 300-دەي شاعىم ءتۇسىرىپتى. اكىمشىلىك ورىندارى, سوت, پروكۋراتۋرا قوعامدىق ۇيىمنىڭ جۇمىسىنا ارالاسپايتىنىن ءمالىم­دە­گەن. توراعانى وزدەرىڭ سايلاپ العان­سىڭ­دار, دەيتىن كورىنەدى. تۇرعىندار اي سايىن ءۇيدى كۇتۋ جۇمىسىنا اقشا تولەگەنمەن, شاتىردان سۋ اعىپ, ءۇي تولەسىنە سۋ تولىپ كەتەدى ەكەن. ۇمىتكەر ەلەۋسىزوۆ پىكىر ايتقىسى كەلەتىندەردىڭ ءبارىن تىڭدادى. سونان سوڭ عانا ءوز پىكىرىن ءبىلدىردى. سىزدەردىڭ سوزدەرىڭىزگە قاراعاندا, تالاپتارىڭىز ورىندى, زاڭ سىزدەر جاعىندا سياقتى. بىراق ءادىل بولۋ ءۇشىن ەكىنشى جاقتى دا تىڭداعانىمىز ءجون بولار, دەدى ۇمىتكەر. بىلاي كەلىسەيىك, دەدى ول: 2 ءساۋىر كۇنى وسىندا تولەگەنوۆا حانىمدى دا شاقىرىپ, اڭگىمەلەسەيىك تە, سودان ءبىر قورىتىندىعا كەلەيىك. جينالعاندار بۇل ۇسىنىسقا كەلىستى. راسىندا دا, تۇرعىن ۇيلەر جايى بارلىق جەردە دە وتكىر ماسەلەگە اينا­لىپ وتىر. ەلىمىزدە ءاربىر ءۇشىنشى ءۇي قاۋىپتى جاعدايدا ەكەن, ونى الماستىرۋ قاجەت. ال سول ۇيلەرگە كۇتىمدى دە جاڭاشا جۇرگىزگەن ءجون ەكەنى ايتىلۋدا. پيك ءوزىن اقتاي قويمادى. بۇل حا­لىق­تىڭ قامىن ويلايتىن ءاربىر ازاماتتى تولعاندىرادى. سول كۇنى «تابيعات» ەكولوگيالىق وداعىنىڭ توراعاسى مەلس ەلەۋسىزوۆ ءوزىنىڭ سايلاۋالدى شتابىندا «جەر سىلكىنىسى جانە ونىڭ سالدارى» اتتى ءما­جىلىسىن وتكىزدى. ءبىر جاعى وعان جاپو­نيا­داعى اسا اۋىر جەر سىلكىنىسى دە سەبەپ بولعانداي. سۋ تاسقىنى, الاپات قۇيىندار, جەر سىلكىنىستەرىنە كۇنى بۇرىن دايىن تۇرۋىمىز كەرەك. «ساقتانعان ادام – قيىندىققا قارسى قارۋلانعان ادام» دەگەن ناقىلدى  «حالىق ەكولوگى» ءجيى قايتالادى. ءبىراز وزگەرىس ايعا بايلانىستى ەكەنىن ۋاقىت كورسەتىپ وتىرعانىن ول العا توستى. سول ايدىڭ ءبىزدىڭ پلانەتامىزعا جاقىنداعان كەزدەرىندە ءبىراز توسىن وقيعالار بولىپ تۇرعان. 19 ناۋرىزدا دا ايدىڭ جەرگە جاقىنداۋى بولادى. ساقتانساق, ارتىقتىعى جوق. كليماتتىڭ جىلىنۋىنا قارسى سۋتەگى گازدارىنىڭ اۋاعا جىبەرىلۋىن شەكتەۋ جولىندا جۇزەگە اسىراتىن شارالار كوپ. ال سول اۋامىزدى تازالاۋدا جاسىل جەلەكتىڭ ورنى بولەكتىگىن ايتا كەلىپ, جينالعانداردى ۇمىتكەر 20 ناۋرىز كۇنى اعاش ەگۋگە شىعۋعا شاقىردى ارينە, وعان ءوزى باس بولىپ بارادى. ماماديار جاقىپ. الماتى.