كانديدات حالىق اراسىندا

پرەزيدەنتتىكتەن ۇمىتكەر عاني قاسىموۆ وتكەن دەمالىس كۇندەرىندە دە تىنىم تاپپاي, سايلاۋشىلارمەن بىرقاتار كەزدەسۋلەر وتكىزدى. ونىڭ شتابىنا كۇن سايىن ءوز پروبلەما­لا­رى مەن ارىز-شاعىمدارىن ايتىپ ون­داعان الماتىلىقتار كەلۋدە, وزدە­رىنىڭ تىرشىلىك تۇيتكىلدەرىن شەشۋ جونىندە كومەك كورسەتۋدى سۇراۋدا. ۇمىتكەردىڭ سايلاۋالدى شتابى, سو­نىمەن بىرگە, كانديداتتىڭ ساياسي تۇعىر­ناماسىمەن ەگجەي-تەگجەيلى تانىسقىسى جانە پاتريوتتار پارتياسىنا وتكىسى كەلەتىندەردى دە ىقىلاسپەن قارسى الۋدا. وسى كۇندەردە بەس ادام ونىڭ بەلسەندى جاقتاۋشىسىنا اينالدى. سولاردىڭ ىشىندە №109 ورتا مەكتەپتىڭ قازاق ءتىلى مۇعا­لىمى نۇرگۇل جەكەباەۆا دا بار. «ماعان پرەزيدەنتتىكتەن ۇمىتكەردىڭ مەملەكەتتىك ءتىلدى دامىتۋ ورايىنداعى كوزقاراستارى ۇنايدى. ول مۇعالىمدەردى, بيۋدجەتتىك سالا قىزمەتكەرلەرىن الەۋمەتتىك جا­عى­نان قورعاۋعا ۇلكەن كوڭىل بولگەن», – دەيدى ن.جەكەباەۆا. عاني قاسىموۆ ءوزى­نىڭ جاڭا جاقتاسىنا سالتاناتتى جاع­دايدا پارتيا بيلەتىن تاپسىرىپ, اسەم گۇل شوعىن سىيلادى. سايلاۋشىلاردىڭ كوڭىل كۇيىن جاق­سى­راق ءبىلىپ, ءوز تۇعىرناماسىنىڭ ارقاۋ-قاعيداتتارىن ولارعا ۇعىنىقتى جەتكىزۋ ءۇشىن عاني ەسەنگەلدى ۇلى قالالىقتار­دىڭ ۇيلەرىنە دە كىرىپ شىققاندى ءجون كوردى. عانەكەڭدى ابەنوۆتەردىڭ ىنتى­ماق­تى وتباسى ءوز پاتەرىندە جايماشۋاق قارسى الدى. وتاعاسى دامير كارىم ۇلى – رەسپۋبليكانىڭ ەڭبەك سىڭىرگەن ءساۋ­لەت­كەرى. ول مەدەۋ مۇز ايدىنىن, كوپتەگەن تۇرعىن ءۇي جانە مەيمانحانا كەشەندەرىن, سونداي-اق الماتىداعى, استانا­داعى, تۇركىستانداعى, جاڭاتاستاعى بىرەگەي نىسانداردى جوبالاۋعا قاتىسقان. ونىڭ ۇلى اباي دا اكە جولىن قۋعان ساۋلەتكەر ەكەن. وتاناسى عاليا بەي­سە­ن­بايقىزى – پروفەسسور, ورتالىق ازيا ۋنيۆەرسيتەتى ينجەنەرلىك-تەحنو­لوگيا­لىق فاكۋلتەتىنىڭ دەكانى. ءشاي ۇستىندە الماتىنىڭ جانە ەلىمىزدىڭ باسقا قالالارىنىڭ ساۋلەتى, ساۋلەتكەر كادرلاردى دايارلاۋ تۋرالى اڭگىمە ءوربىدى. دامير كارىم ۇلى وتان­دىق تالانتتى مامانداردىڭ, اسىرەسە جاس­تاردىڭ شەت ەلگە كەتىپ جاتقانىنا وكىنىش ءبىلدىردى. عاني ەسەنگەلدى ۇلى ءبىزدىڭ تاريحى­مىز­دىڭ, رۋحانياتىمىزدىڭ, ءتىلىمىز بەن مادەنيەتىمىزدىڭ قاينار بۇلاعى بولىپ تابىلاتىن  اۋىلدى كوتەرۋدى شىنداپ قولعا الۋ قاجەتتىگىنە توقتالدى. ول كەڭ-بايتاق جەرىمىزدە ۇجىمدىق شارۋا­شىلىقتار قۇرمايىنشا, مەملەكەت قار­جى­سىنىڭ كومەگى بەرىلمەيىنشە اۋىلدى كوتەرۋ مۇمكىن ەمەس دەپ ەسەپتەيدى. سول ءۇشىن دە وڭدەۋشى ونەركاسىپتى دامىتىپ, نىعايتۋ كەرەك. جاستاردىڭ اۋىلدان كەتىپ قالماۋى ءۇشىن جاس وتباسىلارعا تەگىن جەر تەلىمدەرىن بەرىپ, شارۋاشىلىق ءجۇر­گىزۋ ءۇشىن پايىزسىز نەسيە بولگەن ابزال. ع.قاسىموۆ بۇدان سوڭ قالا كوشەلە­رىندە ءوز سايلاۋشىلارىمەن ەمىن-ەركىن ارالاسىپ, ەمەن-جارقىن اڭگىمەلەستى. جەكسەنبى كۇنى جىبەك جولى كوشەسى بويىنداعى «الماتى ارباتىندا» بولدى. الماتى ارباتىندا سەرۋەندەپ جۇرگەن قالالىقتار پرەزيدەنتتىكتەن ۇمىتكەردى تانىپ, امانداسىپ, وعان الداعى سايلاۋدا تابىس تىلەدى. قورعانبەك امانجول. الماتى. ------------------------------------ سۋرەتتى تۇسىرگەن بەرسىنبەك سارسەنوۆ.