كوكشەتاۋداعى كەلەلى كەزدەسۋ

كوكشەتاۋ قالاسىنا ءوزىنىڭ سايلاۋالدى باعدارلاماسىمەن تانىستىرۋ ءۇشىن قازاقستان پرەزيدەنتتىگىنە قازاقستاننىڭ كوممۋنيستىك  حالىقتىق پارتياسىنان تىركەلگەن كانديدات جامبىل احمەتبەكوۆ كەلدى. مۇنىڭ الدىندا ول قورعالجىن اۋدانىندا بولىپ, جەرلەستەرىمەن كەزدەسكەن ەدى. قكحپ وك حاتشىسى ۆ.كوسارەۆتىڭ باستاۋىمەن ج.احمەتبەكوۆ, اقمولا وبلىستىق پارتيا كوميتەتىنىڭ حاتشىسى ن.ساميگۋلينا, ۇمىتكەردىڭ سەنىم بىلدىرىلگەن ادامى ۆ.سوروكين, باسقا دا بەلسەندىلەر كوكشەتاۋداعى ورتالىق ساياباقتاعى ۆ.ي.لەنين ەسكەرتكىشى مەن 1918-1921 جىلدارعى ازامات سوعىسىندا قۇربان بولعان كوكشەتاۋلىقتار كەشەنىنە گۇل شوقتارىن قويدى. جينالعاندار الدىندا جامبىل اۋجان ۇلى قىسقاشا ءسوز سويلەپ, ءباسپاسوز وكىلدەرىنە ساپار ماقساتى جونىندە شاعىن سۇحبات بەردى. ودان كەيىن پرەزيدەنتتىككە كان­دي­داتتىڭ سەرىكتەستەرى قالانىڭ جەتەكشى كاسىپورنى – «تىنىس» اكتسيونەرلىك قوعامىندا بولىپ, ۇدەمەلى يندۋس­تريا­لىق-يننوۆاتسيالىق باعىتتاعى جاڭا جەلىلەر جۇمىسىمەن تانىستى, ونىمدەر كور­مە­سىن تاماشالادى. تسەح جۇمىس­شى­لارىمەن اڭگىمە بارىسىندا ەلىمىزدىڭ ساياسي جۇيەسى, تاريفتەردىڭ ءوسۋى, تۇرعىن ۇيمەن قامتاماسىز ەتۋ, جۇمىسشى ما­مان­دى­عىنىڭ مارتەبەسىن كوتەرۋ ماسە­لە­لەرى ءسوز بولىپ, كوپتەگەن سۇراقتارعا جاۋاپ قاي­تارىلدى. سۋ, گاز ەسەپتەگىش قۇ­رالدار تسە­حى­نىڭ 50 ادامدىق ۇجى­مى­نا ۇگىت پا­راقشالارى مەن كۇنتىزبەلەر تاراتىلدى. كوكشەتاۋدىڭ ورتالىق بازارىندا جامبىل احمەتبەكوۆ ساتۋشىلارمەن جانە تۇتىنۋشىلارمەن سۇحبات قۇردى. ولار قوزعاعان نەگىزگى ماسەلە ازىق-ت ۇلىك تاۋارلارىنا باعانىڭ قىمباتتاۋى بول­دى. ج.احمەتبەكوۆ پرەزيدەنت بولا قال­عان جاعدايدا باعا ساياساتىنا ىقپال جا­سايتىن وڭ تەتىكتەردىڭ ىسكە قوسىلا­تى­نىن, قكحپ تاراپىنان سوڭعى ۋاقىتتا قولعا الىنعان شارالار تۋرالى بايان­دادى. وك حاتشىسى ۆلاديسلاۆ كوسارەۆ اقمولا وبلىسى اكىمدىگى تاراپىنان قولعا الىنعان جاعدايلارعا توقتالىپ, ءبىرشاما ىستەردىڭ اتقارىلعاندىعىن اتاپ كورسەتتى. قازىر قالادا كارتوپتىڭ كيلوسى 90 تەڭگەدەن ساتىلىپ جاتسا, ءداستۇرلى جارمەڭكەلەردە ول 70 تەڭگەدەن اسپايتىنىن قۇپتارلىق قادام رەتىندە باعالادى. ايتكەنمەن, بۇعان قاناعات­تا­نۋعا بولمايدى. قالاداعى №1 ورتا مەكتەپتە پرەزيدەنتتىككە كانديدات جامبىل احمەت­بەكوۆتىڭ سايلاۋشىلارمەن كەزدەسۋى بولدى. وندا وبكوم حاتشىسى ءنايلا ساميگۋلينا جينالعانداردى ۇمىتكەردىڭ ءومىر جانە قىزمەت جولىمەن تانىس­تىردى. ودان كەيىن جامبىل اۋجان ۇلى سايلاۋالدى باعدارلاماسىنىڭ نەگىزگى تىرەك-تۇتقالارىن بايانداپ بەردى. – مەن نەگە سايلاۋعا بارامىن؟ – دەپ وزىنە ءوزى سۇراق قويدى پرەزيدەنتتىكتەن ۇمىتكەر. – ءبىزدىڭ باستى ماقساتىمىز – قاراپايىم حالىقتىڭ ءۇنىن, ونىڭ ۇمىتتەرى مەن نالاسىن مەملەكەتتىك بيلىككە جەتكىزۋ عانا ەمەس, قيسىندى تا­لاپتارىنا قۇلاق استىرتۋ. الداعى سايلاۋدا مەنىڭ باستى قارسىلاسىم كىم بولماق؟ ول, ارينە, قازاق­ستاندىق­تار­دىڭ نەمقۇرايدىلىعى دەر ەدىم. قو­عام­دى جايلاعان ۇنسىزدىك پەن بۇقپانتايلاۋ قوعامدى كوتەرە المايدى, قۇلاتۋى دا مۇمكىن. بۇل – بارشامىزدىڭ كەمشىلىگىمىز. ەرتەڭگى سايلاۋ حالقىمىزدى سىلكىنىسكە تۇسىرەدى دەپ سەنەمىن. كەزدەسۋگە قاتىسۋشىلار جىلۋ جانە سۋمەن قامتاماسىز ەتۋ كاسىپ­ورىن­دارىنىڭ جۇمىسىنا, نەگىزگى ازىق-ت ۇلىك ونىمدەرىنە بايلانىستى باعا قۇرى­لى­مىنا, بالالار وتەماقىسىن وسىرۋگە, ءبىلىم بەرۋ ساپاسىنا, ونىڭ قولجەتىم­دىلىگىنە قاتىستى جانە كانديدات جەڭگەن جاعدايدا مەملەكەتتىك ماسەلەلەردى شەشۋگە پارتيانىڭ قاتىسۋى تۋرالى سۇراقتار قويىلدى. بۇعان باسقوسۋ قوناقتارى ءتيىستى جاۋاپتار قايتاردى. باقبەرگەن امالبەك. كوكشەتاۋ. ------------------------------------ سۋرەتتە: «تىنىس» اق تسەحىنداعى كەزدەسۋ.