الداعى ءىس-شارالار ىزىمەن

سىرت­­قى ىستەر مينيسترلىگىنىڭ رەسمي وكىلى اس­قار ابدراحمانوۆتىڭ ءداستۇرلى اپتالىق بريفينگى بولىپ ءوتتى. وندا اۋەلى 15 ءجا­نە 18 ناۋرىز ارا­لى­عىندا پەكيندە شان­­حاي ىنتى­ماق­تاس­تىق ۇيىمى حات­شى­لىعىندا اتالعان ءبىر­لەستىكتىڭ ۇلت­تىق ۇيلەستىرۋ­شىلەر كەڭەسىنىڭ (شىۇ ۇۇك) كەزەكتى وتىرى­سى وتەتىنى جاريا ەتىلدى. الداعى باس­قوسۋدا استانادا ما­مىر­­دا وتەتىن شان­­حاي ىنتىماقتاستىق ۇيىمىنا مۇشە مەملەكەتتەر سىرتقى ىستەر مينيستر­لەرى­نىڭ كەڭەسى مەن 15 ماۋ­سىمدا وتەتىن ۇيىم­نىڭ مەرەي­تويلىق سام­ميتىن قو­سا ال­عاندا, 2011 جىلدىڭ ءبىرىنشى جار­تى جىل­دى­عىندا ۇيىم ايا­سىنداعى نەگىزگى ءىس-شارالاردى وتكىزۋ ءما­سە­لەلەرىن تالقى­لاۋ جوسپارلانىپ وتىر ەكەن. رەسمي وكىل كەلەسى كەزەكتە 16 ناۋ­رىز­دا استانادا ورتالىق سايلاۋ كو­ميس­­سيا­سى­نىڭ  عيماراتىندا 2011 جى­لى 3 ءساۋىر­دە وتەتىن قازاقستان رەسپۋب­ليكاسىنىڭ كەزەكتەن تىس پرەزيدەنتتىك سايلاۋىنا بايلانىستى كوميسسيا ءتور­اعاسى قۋان­دىق تۇرعانقۇلوۆ وتاندىق جانە شەتەلدىك باق وكىلدەرىنە ارناپ بريفينگ وتكىزەتىنىن حابارلادى. ال 24 جانە 25 ناۋرىزدا استانادا قازاق-امەريكان جىل سايىنعى ساياسي كونسۋلتاتسيالارىنىڭ ەكىنشى وتى­رى­سى وتپەك. شارا بارىسىندا قاۋىپ­سىز­دىك, ساياسات, دەموكراتيا مەن ادام قۇ­قىق­تارى, ەكونوميكالىق جانە الەۋ­مەت­تىك دامۋ, ەنەرگەتيكا سالالارىن­دا­عى ەكىجاقتى ىنتىماقتاستىقتى تال­­قى­لاۋ جوسپارلانۋدا, دەدى ا.ابدراح­ما­نوۆ. قازاقستان­دىق تاراپتان كون­سۋل­­تاتسيالاردىڭ تەڭ توراعاسى – سىرت­قى ىستەر ءمينيسترىنىڭ ورىنبا­سارى قايرات وماروۆ, اقش تا­راپى­نان – مەملەكەتتىك حاتشىنىڭ وڭ­تۇس­تىك جانە ورتالىق ازيا بويىنشا كو­مەكشىسى روبەرت بلەيك جەتەكشىلىك ەتەتىن بولادى. كونسۋلتاتسيالاردىڭ ءبىرىنشى وتى­­رى­س­ى 2010 جىلى 8-10 ناۋرىزدا ۆا­شينگتوندا ءوتتى. قازاق-امەريكان كونسۋلتاتسيالار تەتىگى بىلتىر اقپاندا قا­زاقستاننىڭ مەملەكەتتىك حاتشىسى –  سىرتقى ىستەر ءمينيسترى قانات ساۋداباەۆ پەن اقش-تىڭ مەملەكەتتىك حاتشى­سى حيللاري كلينتون قول جەتكىزگەن ۋاع­­دا­لاستىققا سايكەس باستاما العان-تىن, دەپ قورىتتى بريفينگتى رەسمي وكىل. «ەگەمەن-اقپارات».