«كوش جانە كوشباسشى» اتتى مەرەكەلىك كونتسەرت وتەدى

بيىل ەل تاۋەلسىزدىگى مەن «قازاق كوشىنە» - 25 جىل تولىپ وتىر. سوعان وراي "قامشى" پورتالى مەن "قازاقستان" ۇلتتىق تەلەارناسى "كوپ جانە كوشباسشى" اتتى مەرەكەلىك كونتسەرت ۇيىمداستىرماق. بۇل تۋرالى "قامشى-اقپارات" قوعامدىق قورىنىڭ ديرەكتورى ءبىلال قۋانىش حابارلادى. "1991 جىلى 18 قاراشادا قازاق كسر جوعارعى كەڭەسىنىڭ شەشىمىنە سايكەس رەسپۋبليكانىڭ مينيسترلەر كابينەتى “اۋىلدىق جەرلەردە جۇمىس ىستەۋگە تىلەك ءبىلدىرۋشى بايىرعى ۇلت ادامدارىنىڭ باسقا رەسپۋبليكالاردان جانە شەت ەلدەردەن قازاق كسر-ىنا كوشىپ كەلۋى ءتارتىبى مەن شارتتارى تۋرالى” قاۋلى قابىلدادى. سودان بەرگى شيرەك عاسىر ۋاقىتتا اتاجۇرتقا ورالعان قانداستارىمىزدىڭ سانى 1 ميلليوننان استى. بۇل, ارينە, ەلباسى نۇرسۇلتان ءابىش ۇلىنىڭ ەڭ جەمىستى ساياساتى دەسەك قاتەلەسپەيمىز", - دەدى ب.قۋانىش. وسى مەرەيلى مەرەكەنى ەلگە ورالعان اعايىن بيىلعى جىلى 18 قاراشادا الماتىداعى ستۋدەنتتەر سارايىندا ايرىقشا اتاپ وتپەك. بۇل شارا «قازاق كوشىنىڭ» 25 جىلىنا تاريحي باعا بەرۋ جانە قاراشاڭىراققا ۋىق بولىپ قادالعان ميلليوننان استام قازاقتىڭ ەل مەن ەلباسىنا العىس ايتۋ كەشى بولماق. ءبىر ايتار كەتەرلىگى, شاراعا بيلەتتەر ساتىلمايدى. تەك بەلگىلەنگەن ءتارتىپ بويىنشا تەگىن تاراتىلادى.