باعاعا بايلانىستى باعالى باستاما

وبلىستىق ءماسليحاتتىڭ دەپۋتاتى تالعات سالفيكوۆتىڭ ەل تاۋەلسىزدىگىنىڭ 25 جىلدىعىنا وراي ءوزى باسشىلىق ەتەتىن «انۆار» جشس-نا قاتىستى سۋپەرماركەتتەردە الەۋمەتتىك ماڭىزى بار 20 تاۋاردىڭ باعاسىن جاڭا جىلعا دەيىن كوتەرمەۋ تۋرالى باستاماسىن اقتوبەلىك كاسىپكەرلەر ءبىراۋىزدان قولدادى. بيزنەستەگى تابىستارىن تاۋەلسىزدىكتىڭ 25 جىلدىعىمەن بايلانىستىراتىن اقتوبەلىك كاسىپكەرلەر وسى جىلدار ىشىندە ءوز ىستەرىنىڭ اياقتان تىك تۇرىپ كەتۋىنە مەملەكەتتەن مەيلىنشە قولداۋ بولعانىن, اسىرەسە, ەلباسى نۇرسۇلتان نازارباەۆتىڭ سىندارلى ساياساتىنىڭ ارقاسىندا جەمىستى ناتيجەلەرگە قول جەتكىزىپ جۇرگەندەرىن ايقىن سەزىنەتىندىكتەرىن كورسەتتى. قازىر ايماقتاعى 115-كە جۋىق مادەني, سپورتتىق نىساندار مەن بازارلار, ساۋدا ۇيلەرىنىڭ باسشىلارى وسى اكتسياعا قاتىسۋدا. اسىرەسە, بۇل اكتسيا حالىقتىڭ الەۋمەتتىك جاعىنان از قامتىلعان توپتارىن, زەينەتكەرلەردى قولداۋ ماقساتىندا جاسالىپ وتىرعانىن ولار بەك تۇسىنەدى. ءبىز تاۋەلسىزدىك مەرەكەسى قۇرمەتىنە اقتوبەلىكتەرگە تارتۋ رەتىندە ازىق-ت ۇلىك باعاسىمەن قوسا وزگە دە تاۋارلاردىڭ باعاسىنا جەڭىلدىك بەرۋگە باستاما كوتەرگەن دەپۋتات تالعات سالفيكوۆتىڭ يەلىگىندەگى «انۆار» سۋپەرماركەتىندە بولدىق. «انۆار» جشس ديرەكتورى باقىتجان كيزاەۆ ساۋدا نۇكتەسىندە الەۋمەتتىك ماڭىزى بار 20 تاۋاردىڭ باعاسى 1 قاڭتارعا دەيىن كوتەرىلمەيتىنىن ايتتى. راسىندا دا, سورەلەرگە جينالعان ازىق-ت ۇلىكتەرمەن قوسا, شارۋاشىلىق بۇيىمدارىنا جەڭىلدەتىلگەن باعا قويىلعان. كاسىپكەرلەر تاراپىنان باعاعا جەڭىلدىكتەر جاسالعالى ساۋدا نۇكتەلەرىنە كەلۋشىلەردىڭ سانى بۇرىنعىدان 20 پايىزعا ارتقان. مەرەكە كۇندەرى ساتىپ الۋشىلاردىڭ قاتارى بۇدان دا كوبەيەدى دەپ كۇتىلۋدە. مۇندا دا 300-دەن استام ءتۇرلى تاۋار باعاسىنا 20-40 پايىز ارالىعىندا جەڭىلدىكتەر جاسالعان. سەرىكتەستىك باسشىسى باعانى وسىرمەۋ تۋرالى شەشىم مەن جەڭىلدىكتەر ەل تاۋەلسىزدىگىنىڭ 25 جىلدىق مەرەيتويىن مەرەكەلەۋگە قوسقان ۇلەستەرى ەكەنىن, بۇل باستاما اقتوبەلىكتەردىڭ كوڭىل كۇيىن كوتەرۋ, قاراجاتتارىن ۇنەمدەپ, مەرەكەنى سەزىنۋىنە ىقپال ەتۋ ماقساتىندا جاسالىپ وتىرعانىن اتاپ ءوتتى. باعالى باستامانى قىزۋ قولداعان «دينا» گيپەرماركەتىنىڭ باسشىلارى دا ءوز تاراپىنان بىرقاتار جەڭىلدىكتەر قاراستىرعان ەكەن. «دينا» گيپەرماركەتىنىڭ ديرەكتورى ايناگۇل نازارباەۆانىڭ ايتۋىنشا, جىل سوڭىنا دەيىن الەۋمەتتىك ماڭىزعا يە 33 ءتۇرلى ازىق-ت ۇلىكتىڭ 20 ءتۇرى بويىنشا باعا تۇراقتاندىرىلادى. سونداي-اق, مۇنىمەن قوسا وتاندىق جانە شەتەلدىك 500-گە جۋىق تاۋار باعاسىنا 20-50 پايىز ارالىعىندا جەڭىلدىكتەر جاسالىپ وتىر. اقتوبەلىكتەر ارزانداتىلعان باعامەن تۇرعان تاۋارلاردى 1 قاراشادان باستاپ ساتىپ الۋدا. بۇل اكتسيا كەلەر جىلدىڭ 15 قاڭتارىنا دەيىن جالعاسادى. ء"بىز ەل تاۋەلسىزدىگىنىڭ 25 جىلدىعىنا تەك تاۋارلارعا باعانى تومەندەتۋمەن عانا شەكتەلمەي, مەرەكەنى لايىقتى قارسى الۋ ءۇشىن ەكى ءىرى جوبامىزدى ىسكە اسىرعالى وتىرمىز. ونىڭ ءبىرى – كولىك-لوگيستيكالىق ورتالىق. بۇل كەشەن 16 جەلتوقسان كۇنى سالتاناتتى جاعدايدا اشىلادى. ەكىنشى جوبا — «شەبەر» قۇرىلىس گيپەرماركەتى. بۇل نىسان قازاقستان رەسپبليكاسىنىڭ تۇڭعىش پرەزيدەنتى كۇنى قارساڭىندا اشىلادى. سول سياقتى, جاڭا جىلعا دەيىن اقتوبە قالاسىنىڭ ەكى اۋدانىنان «دينا» ساۋدا جەلىسىن اشۋدى جوسپارلاپ وتىرمىز. «بولاشاق» شاعىن اۋدانى مەن جاڭاقونىس اۋىلىندا جاڭا سۋپەرماركەتتەر ىسكە قوسىلادى", دەدى ول ءسوز اراسىندا. سونىمەن قاتار, ساۋدا ورىندارىندا ەڭ تومەنگى زەينەتاقى الاتىن 4 مىڭعا تارتا زەينەتكەرگە الەۋمەتتىك پاكەتتەر تاراتىلماق. وبلىس ورتالىعىنداعى «101-اتقىشتار ديۆيزياسى» كوشەسى بويىنداعى «ۆانيل» كونديتەرلىك دۇكەنىنىڭ باسشىسى زاۋرەش ەركىنالينا قالا تۇرعىندارى ءۇشىن 1 قاراشا مەن 16 جەلتوقسان ارالىعىندا «ۆانيل» ونىمدەرى 10 پايىز جەڭىلدىكپەن ساتىلىپ جاتقانىن ايتتى. قازىر اقتوبە قالاسىنداعى «ءۆانيلدىڭ» ءۇش دۇكەنىندە ءارتۇرلى تورتتار مەن شوكولادتان جاسالعان ونىمدەرگە 10 پايىز جەڭىلدىك قاراستىرىلعان. سول سياقتى, ۇننان جاسالعان ونىمدەر بۇگىندە 25 پايىز جەڭىلدىكپەن ساتىلىپ جاتىر. تاۋەلسىزدىككە ارنالعان اكتسياعا اقتوبە قالاسىنىڭ «باتىس-2» شاعىن اۋدانىندا ورنالاسقان «دوستىق» سۋ سپورتى تۇرلەرى بويىنشا وبلىستىق بالالار مەن جاسوسپىرىمدەر سپورت مەكتەبى دە اتسالىسۋدا. – قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي 2016 جىلدىڭ 1 قاراشاسىنان 2017 جىلدىڭ 1 قاڭتارىنا دەيىن كۇندىزگى ساعات 12.00-14.00 ارالىعىندا ۇلى وتان سوعىسىنىڭ ارداگەرلەرىنە, مۇگەدەكتەرگە, زەينەتكەرلەرگە باسسەينگە, جاتتىعۋ زالىنا تەگىن كىرۋ جانە ستۋدەنتتەرگە, كوپ بالالى وتباسىلار ءۇشىن 50 پايىز جەڭىلدىك قاراستىرىلدى. اكتسيا اياسىندا قالا تۇرعىندارى ءۇشىن كۇندىزگى ساعات 12.00-دەن 14.00-گە دەيىن جانە كەشكى ساعات 18.00 مەن 21.00 ارالىعىندا ورتالىقتا باسسەيىنگە كەلىپ, جاتتىعۋلارىنا بولادى. قالعان ۋاقىت بالالارعا ارنالعان. سپورت كەشەنىندە 15 جاسقا دەيىنگى بالالارعا وسى قىزمەت تۇرلەرى باعاسىنىڭ 50 پايىزى عانا الىنادى, – دەيدى سپورت مەكتەبى ديرەكتورىنىڭ ورىنباسارى ءلاززات بەكتۇرليەۆا. قازىر بۇل سپورت مەكتەبىنە ءارتۇرلى توپتاعى 15 مۇگەدەك پەن 50-گە تارتا زەينەتكەر تۇراقتى كەلىپ, جاتتىعادى. مەكتەپتە ءجۇزۋ, سينحروندى ءجۇزۋ, سۋ دوبى توپتارى بويىنشا 650-دەن استام بالا جاتتىعادى. تاۋەلسىزدىك كۇنى قارساڭىندا تاۋارلار مەن كورسەتىلەتىن قىزمەتتەرگە مەرەكەلىك جەڭىلدىكتەر قولدانىپ وتىرعان نىسانداردىڭ ءبىرى – «باتىس-2» شاعىن اۋدانىندا ورنالاسقان «حاممەر» سپورت كەشەنى. تاۋەلسىزدىك مەرەكەسى قۇرمەتىنە ارداگەرلەر مەن زەينەتكەرلەر ءۇشىن مۇندا قىزمەتتىڭ قاي ءتۇرى دە تەگىن كورسەتىلەدى. سپورت تۇرلەرى بويىنشا ەداۋىر جەڭىلدىكتەر قاراستىرىلعان. – قاراشا ايىنان باستاپ سپورت سۇيەر قاۋىمعا جەڭىلدىكتەر جاسالىپ وتىر. اسىرەسە, جاتتىعۋ زالى, باسسەين, تاەكۆوندو سىندى وزگە دە سپورت تۇرلەرى ءۇشىن ايىنا تولەنەتىن قاراجاتقا جەڭىلدىكتەر قاراستىرىلدى. بۇل شارا 16 جەلتوقسانعا دەيىن جالعاسادى. ءبىر ايتا كەتەرلىگى, ۇلى وتان سوعىسى ارداگەرلەرى مەن زەينەتكەرلەرگە كەستە بويىنشا اقىسىز قىزمەت كورسەتەمىز, دەدى «حاممەر» سپورت كەشەنىنىڭ كرەاتيۆتىك مەنەدجەرى تەمىرلان تۋلەگۋلوۆ بىزبەن اڭگىمەسىندە. مەرەكەلىك اكتسياعا «اقبوبەك» كومپانياسى دا قولداۋ تانىتىپ, بىرقاتار قىزمەت تۇرلەرىنە جەڭىلدىك باعاسىن ۇسىنىپ وتىر. «اقبوبەك» كومپانياسى باس ديرەكتورىنىڭ ورىنباسارى شامشىراق سايلاعيەۆا تاۋەلسىزدىك كۇنىنە وراي كومپانيادا بارلىق قوسىمشا قىزمەتتەرگە 15 پايىز جەڭىلدىك جاسالىپ وتىرعانىن جەتكىزدى. ياعني, مۇنداعى ۇيىرمەلەر مەديتسينالىق, ينتەللەكتۋالدى, سپورتتىق جانە ونەر باعىتتارىنا بولىنەدى. قازىر ۇيىرمەگە 626 بالا قاتىسادى. ۇيىرمەنىڭ باعاسى 4-15 مىڭ تەڭگە ارالىعىندا. اكتسياعا وراي 1 قاراشا مەن 31 جەلتوقسان ارالىعىندا بارلىق ۇيىرمە باعاسىنا 15 پايىز جەڭىلدىك جاسالادى. ەگەر اتا-انالار ۇيىرمە باعاسىن الدىن-الا تولەپ قويسا, وندا ارتىق تولەگەن قاراجاتى قايتارىلادى. وبلىستا 2013 جىلدان بەرى حالىققا مەديتسينالىق كومەك كورسەتىپ كەلە جاتقان «دارۋ كلينيكاسى» مەديتسينالىق وڭالتۋ ورتالىعىندا دا ايماق تۇرعىندارى ءۇشىن مەرەكەلىك اكتسيا ۇيىمداستىرىلۋدا. كلينيكادا كەڭەس الۋ باعاسى – 3000 تەڭگە. جاڭا جىلعا دەيىن تۇرعىندار مۇندا 15 پايىز جەڭىلدىكپەن مەديتسينالىق قىزمەت تۇرلەرىن الا الادى. – ەلىمىزدىڭ تاۋەلسىزدىك الۋىنىڭ 25 جىلدىق مەرەيتويىنا وراي كلينيكاداعى بارلىق ماماننان كەڭەس الۋ قىزمەتىنىڭ اقىسى 15 پايىزعا تومەندەتىلدى. بۇل – ەرەسەكتەر ءۇشىن دە, بالالارعا دا كورسەتىلگەن جەڭىلدىك. بۇگىنگى كۇنى «دارۋ» كلينيكاسىندا ءبىر كەزەڭدە 200 ادامعا قىزمەت كورسەتىلەدى, – دەيدى «دارۋ» كلينيكاسىنىڭ باس دارىگەرى يزولدا كالانديا. ونىڭ ايتۋىنشا, زاماناۋي, كوپ باعدارلى كلينيكادا ەرەسەكتەر مەن بالالار ءۇشىن مەديتسينالىق تەكسەرىستىڭ بارلىق ءتۇرى قاراستىرىلعان. بۇگىندە دياگنوستيكا مەن ەمدەۋدىڭ بارلىق ادىستەرى, وڭالتۋ تۇرلەرى حالىقارالىق ساپا ستاندارتىنا ساي جۇرگىزىلەدى. مىنە, وسىلاي اقتوبەلىك كاسىپكەرلەردىڭ ەل تاۋەلسىزدىگىنىڭ 25 جىلدىعىنا وراي كوتەرگەن باعالى باستاماسى ارىپتەستەرى تاراپىنان كەڭ قولداۋ تابۋدا. مەرەكەلىك مارتتىك جاساۋعا ىنتالى كاسىپكەرلەر قاتارى كۇن وتكەن سايىن كوبەيە تۇسۋدە. مۇنىڭ ءوزى كاسىپكەرلەردىڭ ەل تاۋەلسىزدىگىنىڭ 25 جىلدىعىنا تولىمدى تارتۋى عانا ەمەس, الەۋمەتتىك جاۋاپكەرشىلىكتى جەتە سەزىنۋى دەۋ ورىندى بولماق. ساتىبالدى ءساۋىرباي, «ەگەمەن قازاقستان»  اقتوبە وبلىسى