مەكتەپ تۇلەكتەرىنىڭ ەمتيحاندارى قالاي وتەدى؟

قر ءبىلىم جانە عىلىم مينيسترلىگى Facebook جەلىسىندەگى پاراقشاسىندا 11-سىنىپ وقۋشىلارىنىڭ قورىتىندى اتتەستاتسيانى قالاي تاپسىراتىنى جايلى جازدى. "11-سىنىپ وقۋشىلارى قورىتىندى اتتەستاتسيانى 5 پاننەن تاپسىرادى, ونىڭ ىشىندە ءتورت مىندەتتى ءپان بار (قازاق ءتىلى, ورىس ءتىلى, الگەبرا مەن اناليز باستاماسى, قازاقستان تاريحى) جانە تاڭداۋ ءپانى (قوعامدىق-گۋمانيتارلىق باعىتتاعى نەمەسە جاراتىلىستانۋ-ماتەماتيكالىق باعىتتاعى)", - دەدى قر بعم وكىلدەرى. ەمتيحاندار قالاي وتەدى: 1. قازاق ءتىلى مەن قازاق ادەبيەتىنەن جازباشا ەمتيحان (مەكتەپتە قاي تىلدە وقۋىنا بايلانىستى تاڭدالادى). جازباشا ەمتيحانعا 3 ساعات (180 مينۋت) بەرىلەدى. تۇلەكتەر بەرىلگەن ءۇش تاقىرىپتىڭ بىرەۋىن تاڭدايدى. سول تاقىرىپتى 250-300 سيمۆولدان تۇراتىن ەسسە جازادى. تاقىرىپتى تاڭداعان سوڭ ەسسەنىڭ نەگىزگى يدەياسى, ونىڭ پروبلەمالارى مەن قاجەتتى دالەلدەردى جازۋى كەرەك. سونداي-اق, ەمتيحان تاپسىرۋشى ەسسەدە ءتىلدىڭ كومەكشى قۇرالدارىن (ەپيتەتتەر, مەتافورالار, ريتوريكالىق سۇراقتاردى جانە قىستىرما سوزدەردى) قولدانىپ, قورىتىندى جازا الۋى ءتيىس. ورىس تىلىندەگى ەسسەلەردىڭ تاقىرىبى مىنانداي بولۋى مۇمكىن: - دولجنى لي تۋريستى سوبليۋدات وبىچاي ستران, كوتورىە وني پوسەششايۋت؟ - سوگلاسنى لي ۆى س تەم, چتو ناۋچنو-تەحنيچەسكي پروگرەسس وكازىۆاەت ۆليانيە نا ليۋدەي؟ - سوگلاسنى لي ۆى س تەم, چتو كينەماتوگراف وكازىۆاەت بولشوە ۆليانيە نا مولوديوج؟ ايتا كەتەيىك, قابىلدانعان جۇمىستار بىرىڭعاي تالاپ بويىنشا باعالانىپ, ءبىلىم باسقارماسىنداعىلارعا جىبەرىلەدى. 2. الگەبرا مەن اناليز باستامالارىنان جازباشا ەمتيحان. وعان 5 ساعات (300 مينۋت) بەرىلەدى. وندا 5 تاپسىرما بولادى. الگەبرا مەن اناليز باستامالارى پانىنەن دايىندالعان تاپسىرمالار قولدانبالى ماتەماتيكاداعى لوگيكالىق تاپسىرمالاردى شەشۋگە باعىتتالعان. 3. قازاقستان تاريحىنان اۋىزشا ەمتيحان (بيلەت ارقىلى تاپسىرادى). ءار بيلەتتە 3 سۇراقتان بولادى, ولاردىڭ ەكەۋى تەوريا بولسا, ءۇشىنشىسى شىعارماشىلىق تاپسىرما رەتىندە كەلەدى (تاريحي كارتالاردى, سىزبالاردى, حرونولوگيالىق كەستەلەر مەن سۋرەتتەردى پايدالانۋ ارقىلى). 4. ورىس, وزبەك, ۇيعىر جانە تاجىك تىلدەرىندە ءبىلىم العاندار قازاق تىلىنەن تەست تاپسىرسا, قازاق تىلىندە ءبىلىم العان تۇلەكتەر ورىس تىلىنەن تەست تاپسىرادى. تەستكە 80 مينۋت بەرىلەدى. وندا 40 سۇراق بولادى: - 20 سۇراق لەكسيكالىق-گرامماتيكالىق بولادى; - "تىڭداۋ" - 10 سۇراق (2 ءماتىن, 200-250 سوزدەن تۇرادى); -  "ماتىن وقۋ" -10 سۇراق (2 ءماتىن, 200-250 سوزدەن تۇرادى). 5. تەستىلەۋ - تەك ءبىر ءپاندى تاڭداۋعا بولادى: - فيزيكا, حيميا, بيولوگيا, گەوگرافيا, گەومەتريا, دۇنيەجۇزى تاريحى, ادەبيەت, شەت ءتىلى (اعىلشىن ءتىلى, فرانتسۋز ءتىلى, نەمىس ءتىلى), ينفورماتيكا. بارلىعى 40 سۇراق (80 مينۋت بەرىلەدى, 40 سۇراق - 60 بالل): • ءبىر دۇرىس جاۋابى بار 20 سۇراق (20 بالل); • بىرنەشە دۇرىس جاۋابى بار 20 سۇراق (40 بالل). "تۇلەك ەمتيحانعا قويىلعان باعامەن كەلىسپەگەن جاعدايدا كەلەسى كۇنى ساعات 13.00-گە دەيىن وبلىستىق, اۋداندىق جانە قالالىق ءبىلىم باسقارماسى قۇرعان ەمتيحان كوميسسياسىنا ءوتىنىش تۇسىرە الادى", - دەلىنگەن بعم Facebook جەلىسىندەگى پاراقشاسىندا. ۆەدومستۆونىڭ مالىمەتىنشە, قورىتىندى اتتەستاتسيا 2017 جىلدىڭ 29 مامىر - 9 ماۋسىم ارالىعىندا وتەدى. "مەكتەپ ءبىتىرۋ كەشتەرى 2017 جىلدىڭ 15 ماۋسىمىنا دەيىن وتەتىن بولادى", - دەدى قر بعم وكىلدەرى. ەسكە سالا كەتەيىك, وسىعان دەيىن بىلىم جانە عىلىم مينيسترلىگىندە ۇبت-نىڭ جاڭا فورماتى تانىستىرىلعان بولاتىن. سونداي-اق, قر بعم وكىلدەرى 2017 جىلعى تۇلەكتەرگە ۇبت-نىڭ ەكىگە بولىنەتىنىن جاريالاعان ەدى.